11. फसह

परमेसवर नै मूसा अर हारून ताहीं फिरौन के धोरै यो कहण कै खात्तर जा के इस्राएलियां ताहीं जाण दे। उननै उस ताहीं चेतावनी दी के जै वो उन ताहीं न्ही जाण देगा, तो परमेसवर मिस्र के माणसां के अर जानवरां के सारे जेठ्यां ताहीं मार गेरैगा। फिरौन नै यो सुणकै भी परमेसवर पै बिशवास करण तै अर उसकी बात मान्नण तै इंकार कर दिया।

परमेसवर नै उस पै बिशवास करण आळे किसे के भी जेठ्ठे बेट्टे ताहीं बचाण कै खात्तर एक उपाय का प्रबंध करया। हर परिवार नै एक निष्कलंक मेमने ताहीं लेकै उसका वध करणा था।

परमेसवर नै इस्राएलियाँ तै उस मेमने के लहू ताहीं लेकै अपणे घरां के दरवाजे पै लगाण कै खात्तर कह्या। उननै उसके माँस ताहीं भूनणा था अर फेर उस ताहीं अखमीरी रोटी कै गैल उस ताहीं फुर्ती तै खाणा था। उसनै उस भोजन ताहीं खाण कै बाद उननै तत्काल मिस्र ताहीं छोड़ण नै भी तैयार रहण कै खात्तर कह्या

जिसा करण कै खात्तर परमेसवर नै इस्राएलियाँ तै हुकम दिया था उननै उसके मुताबिक सब किमे करया। आध्धी रात म्ह, परमेसवर हर एक जेठ्ठे बेट्टे नै घात करदे होए मिस्र के बिचाळै तै होकै लिकड़या

इस्राएलियाँ के हर एक घर के दरवाजे पै लहू लाग्या होया था, इस करकै परमेसवर नै उन घरां ताहीं छोड़ दिया। उनके भीत्तर के सारे माणस सुरक्षित थे। वे मेमने के लहू के कारण बचगे थे।

लेकिन मिस्रियां नै परमेसवर पै बिशवास न्ही करया था अर उसके हुकमां ताहीं न्ही मान्या इस करकै परमेसवर नै उनके घरां ताहीं न्ही छोड्या। परमेसवर नै मिस्रियां के हर एक जेठ्ठे बेट्यां ताहीं मार दिया।

जेळखान्ने के कैदियाँ के जेठ्ठयां तै लेकै, फिरौन के जेठे ताहीं, हर एक जेठा नर मर ग्या। अपणे गहरे दुख के कारण मिस्र के भोत से लोग रो रहे थे अर विलाप कर रहे थे।

उसे रात, फिरौन नै मूसा अर हारून ताहीं बुलाया अर कह्या, "इस्राएलियां ताहीं लेकै तावळी ए मिस्र तै लिकड़ ज्यो!" मिस्र के लोगां नै भी इस्राएलियां तै तुरन्त लिकड़ जाण का आग्रह करया।