15. प्रतिज्ञा गौ देश
अन्त मै, अब बो समय आ गेओ हो कै इस्राएली लोग प्रतिज्ञा गे देश, कनान मै प्रवेश करै। बी देश मै यरीहो नाम एक नगर हौ। बिंगी सुरक्षा खातिर बिंगै चारु और मजबूत दीवारा ही। यहोशू बी नगर मै दो भेदिया भेजआ।बी नगर मां राहाब नाम गी एक वेश्या रेन्ती ही। बण ईं भेदिया न छिपाऔ, अर फेर बाद म बण बान नगर मु बचागे निकलण खातिर सहायता करी। बण ईंया ईखातिर करेऔ कयोंकि बौ परमेश्वर पर विश्वास करती ही। जीं समय इस्राएली लोग यरीहो नै नाश करगा तब बे रहाब अर बीग परिवार गी रक्षा करण गी प्रतिज्ञा करि ही।
इस्राएली लोगां प्रतिज्ञा गै देश मै प्रवेश करण खातिर यरदन नदी पार करनी ही। परमेश्वर यहोशू नै केओ, “यहुदी याजक नै पेहलां जाणं दे।” जद यहुदी याजक यरदन नदी मै आपगा कदमां नै राखेओ पाणी चालणो बंद हो गेओ, फैर इस्राएली लोग नदी गी दूसरी ओर सूखी जमीन पर पार जा सकै।
बाँ लोगां यरदन नदी पार करली तो परमेश्वर यहोशू नै केओ कि यरीहो पर हमलो करन खातिर तैयार रैवै, हलांकि बौ गांव बहौत ही मजबुत हौ। परमेश्वर बां लोगां नै केऔ कै बां यहुदी याजक अर सैनिकां नै छः दिनां तक बीं गांव गै चारां पास चक्कर लगाणा है। यहुदी याजकां अर सैनिकां बींआं ही करेओ।
सातवं दिन, इस्राएलियां नै बी नगर गै चारु ओर सात बार चक्कर लगाण गै बाद। बांगै नगर गै चारु ओर सातवीं बार चक्कर लगाण गै बाद, याजकां आपगी तुरहियाँ फूँकी अर सैनिकां जोरदार शब्द करेओ।
यरिहो गै चारु ओर गी दीवारें गिर गी! जीयां परमेश्वर आज्ञा दी ही इस्राएलियों नगर गी हरेक चीज नै नष्ट कर दिऔ। बां केवल राहाब अर बीग परिवार नै छोड़ दिओ, जो इस्राएलियां गा भाग बणगेआ। जद कनान मै रेण आला अन्य लोगां सुणेऔ कि इस्राएलियों यरीहो नष्ट कर दिऔ है, तो बे डर गेआ कि इस्राएली लोग बांगै उपर हमलो करगा।
परमेश्वर इस्राएलियां नै आज्ञा दी हि कै कनान देश मै रेण आली कोई भी जाति सागै शान्तिसंधि कोनी करनी है। पर गिबोनियों नाम एक कनानी जाति यहोशू मुँ झूठ बोलेओ कै कनान देश मूँ दूर जागै रेंन आला है। बे यहोशू सागै शान्तिसंधि करण गी विनती करी। यहोशू अर अन्य इस्राएली अगुवां परमेश्वर नै कोनी पुछेओ के बानै के करनो है। ईन छोडगे, बे गिबोनिया सागै शान्तिसंधि कर ली।
तीन दिन बाद, इस्राएलियां नै मालूम होऔ के गिबोनी लोग कनान मै रेन्ता। बे गूसा होगेआ क्योंकि गिबोनियां बानै धोखो दिओ। पर बागै सागै करी शान्तिसंधि बणागे राखेऔ क्योंकि बो परमेश्वर सामण करी गई ही। कुछ समय बाद, कनान मै रेण आली एक अन्य जाति, एमोरिया गा राजा सुणेऔ के गिबोनियों इस्राएलियां गै सागै शान्तिसंधि कर ली है, ई खातिर बे आपगी-आपगी सेना नै एक करगे एक बड़ी सेना बणाई अर गिबोन पर हमलो कर दियो। गिबोनियां बागी सहायता करण खातिर यहोशू नै एक संदेश भेजेओ।
यहोशू इस्राएलियां गी सेना नै इकट्ठा करेओ अर गिबोनियों कनै पहुँचण खातिर बे पूरी रात चालेआ। सबेर भोर मै बे एमोरियां गी सेना नै हेरान करदिओ अर बांगै उपर हमलो कर दिऔ।
बी दिन परमेश्वर इस्राएलियां खातिर लडेओ। बणै एमोरियां नै घबरा दिओ अर बण बडा-बडा ओला गीरागे बोत सारा एमोरियां नै मार दीओ।
परमेश्वर सूर्य नै भी आकाश मै एक स्थान पर रोक दिओ ताके इस्राएलियां नै पूरो समय मिलजय के एमोरियां न पूरी तरह हरा देय। बी दिन, परमेश्वर इस्राएलियां खातिर एक बड़ी जीत प्राप्त करी।
जद परमेश्वर बां सेनीकां नै हराणै गै बाद, बहोत सा कनानी जाति गा लोग इस्राएल पर हमलो करण खातिर इकट्ठा होआ। यहोशू अर इस्राएलियां हमलो करगे बांगो सर्वनाश कर दिओ।
ई युद्धों गा बाद, परमेश्वर इस्राएल गा हरेक जाति नै प्रतिज्ञा गै बी देश मै बागो हिसो दिओ। परमेश्वर इस्राएल नै सारी सीमा पर शान्ति प्रदान करी।
जद यहोशू बूढ़ा हो गेऔ तो बण इस्राएल गा सारा लोगां नै एक सागै बुलाओ। यहोशू लोगां नै याद कराओ बी वाचा गो पालन करण गी प्रतिज्ञा करी ही झीकी परमेश्वर बांगै सागै सीनै पर्वत पर बाँधी ही। बा लोगां परमेश्वर गै सागै विश्वासयोग्य रेण अर बींगी व्यवस्था गौ पालन करण गौ वादो करेओ।
यहोशू अध्याय 1-24 मुँ एक बाइबल गी कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।