16. छुड़ाण आलौ परमेशवर

यहोशू मरण गै बाद इस्राएलियां परमेश्वर गी अवज्ञा करी। बां परमेश्वर गै नियमां गो पालन कोनी करेओ, अर बां वाचा गै देश मुँ बचेआ होआ कनानियां नै बारे कोनी काढ़ेओ। इस्राएलियां आपण सच्‍चे परमेश्वर, यहोवा नै छोड गे कनानियां गै देवता गी उपासना करनी शुरु करदी। इस्राएलियां गै कनै कोई राजा कोनी हौ, ईं खातिर जिआं बानै ठिक लागेऔ बां करेऔ।

परमेश्वर गी आज्ञा ना मानण गै द्वारा इस्राएलियां एक परमपरा शुरु कर दि जिण कई बार दोहराऔ गेऔ हौ। आ परमपरा ईं तरियां चाली: कई सालां ताईं इस्राएली परमेश्वर गी आज्ञा कोनी मानगा, तौ बांगै शत्रुआं मुँ हराण द्वारा दंडित करगो। ऐ शत्रु इस्राएलियां मुँ बांगी चीजां लूट लैअगा, बांगी सम्पत्ति खतम कर देअगा, अर बामुं बहुतां नै मार देअगा। फेर जद इस्राएलियां गा शत्रु बांगै ऊपर कई सालां ताईं अत्याचार करगा, बिंगै बाद इस्राएली अपणै पापां गो पश्चाताप करगा अर परमेश्वर मुँ बचाण खातिर प्रार्थना करेगा।

हरेक बारी जद इस्राएली पश्चाताप करगा तो परमेश्वर बानै बचावगो। बो एक छुड़ाण आले द्वारा ईंयां करगो, एक हिसो जन झिको बांगै शत्रुयां गै विरुद्ध लड़ेगो अर बानै हरावगो। फेर देश मै शान्ति होवगि अर बो छुड़ाण आलो बां पर आच्‍छि तरियां शासन करगो। परमेश्वर बां लोगां नै बचाण खातिर बहोत सारा छुड़ाण आलां भेजेओ। परमेश्वर गै कनै गी एक शत्रु जाति, मिद्यानियां गै द्वारा इस्राएलियां नै हराण गै बाद फेर ईंयां करेओ।

मिद्यानियां सात सालां ताईं इस्राएलियां गी फसलां लुटि। इस्राएली लोग बहोत डर गेआ, अर बे गुफा मै छिप गेआ के मिद्यानी लोग बानै खोज ना सकै। आखिरकार, बानै बचाण खातिर बां परमेश्वर नै पुकारेओ।

गिदोन नाम गो एक इस्राएली आदमी हो। एक दिन, बो एक गुप्त स्थान मै गेहूँ झाड़े आवै हो के मिद्यानी लोग बिनै चुरा ना सकै। यहोवा गै स्वर्गदूत गिदोन गै कनै आगे केऔ, "हे शूरवीर सूरमा, परमेश्वर तेरै सागै है। जा अर इस्राएलियां ने मिद्यानियां मुँ बचा।"

गिदोन गै पिता कनै मूर्ति नै समर्पित एक वेदी ही। सारां मुँ पहली बात झिकी परमेश्वर गिदोन नै करणै खातिर केई कै बिं वेदी नै तोड़नो है। पर गिदोन लोगां कनु डरतो, ईं खातिर रात होण गी ईंतजार करी। फेर बणै बिं वेदी नै तोड़गे टुकड़ा-टुकड़ा कर दिऔ। बणै परमेश्वर खातिर एक नई वेदी बणाइ अर बिंगै ऊपर परमेश्वर खातिर बलि चढ़ाई।

अगली सुबह लोगां देखेओ के कण वेदी गा तोड़ गे टुकड़ा-टुकड़ा कर दिआ है, ईं खातिर बे क्रोधित होआ। बे गिदोन नै मारण खातिर बिंगै घर गेआ, पर गिदोन गै पिता केओ, "तु क्यों आपण देवता गी मदत करण गी कोशिश करे आ है? जे बौ देवता है तो बिनै आपणी मदद खुद करण देओ!" क्योंकि बणै ईंयां केओ ईं खातिर लोगां गिदोन नै कोनी मारेओ।

इस्राएलियां नै लुटण खातिर मिद्यानी लोग फेर आया। बै ईता सारा हा के बांगी गिनती भी कोनी करे जावै ही। गिदोन बांगै खिलाफ लड़ण खातिर इस्राएलियां नै एक सागै बुलाओ। गिदोन परमेश्वर मुँ दो चिन्‍हां नै मागेओ के बिंनै विश्वास होजय के परमेश्वर सच मै बिनै इस्राएल नै बचाण खातिर केण लागरेओ है।

पेहलै निशानी खातिर, गिदोन भेड़ गी ऊन जमीन पर रखगे परमेश्वर नै कओ के सबेर गी ओस ऐकलि भेड़ गी ऊन गै ऊपर पड़ अर जमीन गै ऊपर ना पड़। परमेश्वर ईयां ही करेऔ। अगली रात, बगै परमेश्वर नै केऔ के जमीन गीली होजय पर भेड़ गी ऊन सूखी रेवै। परमेश्वर ईयां ही करेऔ। ई दो चिन्‍हां गै कारण, गिदोन विश्वास करेयो के परमेश्वर सच मै चावै है के बो इस्राएलियां नै मिद्यानियां मुँ बचावै।

तब गिदोन सैनिकां नै आपगै कनै बुलायो अर 32,000 आदमी आया। पर परमेश्वर बिनै केयो के आ बोत जादा हैं। गिदोन बीं सारा 22,000 नै घर वापिस भेज दिओ झीका लड़ण मुँ डरता हा। परमेश्वर गिदोन नै केओ आ आदमी अब भी बोत जादा हैं। ई खातिर गिदोन 300 सैनिकां नै छोड़गे बां सारा नै घर भेज दिओ।

बिं रात परमेश्वर गिदोन नै केओ, "मिद्यानियां गी छावणी मै जा अर बानै बातां करता सुण। जद तु सुणै बै के बातां करता हैं तो तू बांगै ऊपर हमला करण मुँ कोनी डरगो। "ई खातिर बिं रात, गिदोन नीच्‍च बांगी छावणी मै गेऔ अर बणै एक मिद्यानी सैनिक आपगै मित्र सागै ओ बात बतान्‍तो सुणेओ झिको बणै सपणो देखेओ हो। बिं आदमी गै मित्र केऔ, "ईं सपणै गो अर्थ है के गिदोन गी सेना आपां मिद्यानी सेना नै हरा देवगी!" जद गिदोन सुणेओ तो बणै परमेश्वर गी स्तुति करी।

जद गिदोन आपगै सैनिकां कनै आयो अर बांगां मांऊ हरेक नै एक-एक नरसिंगो, एक मिट्टी गो पात्र, अर एक मशाल दी। बै बिं छावणी नै घेर लिओ झठै मिद्यानी सैनिक सो रेआ हा। गिदोन गा 300 सैनिकां आपगी मशालां नै पात्र सागै ढकेड़ा हा ईं खातिर मिद्यानी लोग मशालां गी रोशनी कोनी देख सकेआ।

जद गिदोन गा सारा सैनिकां नै आपगै पात्रां नै एक ही समय पर तोड़यो एकदम मशालां गी आग नै प्रकट कर दिओ। बै आपगा नरसिंगां फूँकेआ अर चिल्‍लाया, "यहोवा गी अर गिदोन गी तलवार!"

परमेश्वर मिद्यानियां नै घबरा दिओ, ई खातिर बै एक दूसर नै मारण-काटण लगेआ। तबी, गिदोन बै संदेशवाहकां नै बोत सारा अन्य इस्राएलियां नै मिद्यानियां गो पीछो करण नै बांगीं मदद करण खातिर बुलाण भेजेओ। बागां माऊ बोतां नै मार दिऔ अर बाकियां गो पीछो करगे बानै इस्राएल देश मुँ बाहर निकाल दिओ। बीं दिन 1,20,000 मिद्यानी मारेआ गेआ। ई तरिआ परमेश्वर इस्राएल नै बचायो।

बै लोग गिदोन नै आपणो राजा बनाणो चान्‍ता हा, पर गिदोन बानै ईया करण कोनी दिओ, पर बणै बां कनु बो सोने गा आभूषण माँगेआ झिका बै हरेक मिद्यानियों मुँ लूट लिओ हो। बां लोगां बड़ी मात्रा मै गिदोन नै सोनो दिओ।

जद गिदोन बीं सोने मु एक खास कपड़ा बणायो जियां यहुदी महा याजक पहनेया करता हा। पर लोगां बिंगीं उपासना करणी शुरु कर दी जिया के बो एक मूर्ति होवै। परमेश्वर फेर इस्राएल नै सजा दी क्योंकि बां मूर्ति गी उपासना करी ही। परमेश्वर बानै शत्रुयां नै हराण मै सक्षम करेओ। बादमे बे फेर परमेश्वर मुँ मदद लेण खातिर प्रार्थना करी, अर परमेश्वर बांगै कनै बानै बचाण खातिर एक अन्य छुड़ाण आलो भेजेओ।

आ बात कई बार होई: इस्राएली लोग पाप करगे, परमेश्वर बानै सजा देवगो, बे पश्चाताप करगे, अर परमेश्वर बानै छुड़ाण खातिर किन भेजगो। कई सालां तक, परमेश्वर बहोत सारा छुड़ाण आला भेजेया झिको इस्राएलियां नै बांगै शत्रुआं मुँ बचायो।

बादमे, बां लोगां अन्य देशां गी तरियां परमेश्वर मुँ आपगै खातिर एक राजा गी माँग करी। बे एक ईसो राजा चान्‍ता हा झीको लम्‍बो अर शक्तिशाली होवै, अर झीको युद्ध मै बांगी अगुवाई कर सकै। परमेश्वर नै ओ विनती पसंद कोनी आई, पर परमेश्वर बानै बिसो राजा दिओ जियां बांगी माँग करी ही।