20. इस्राएल गो गुलाम बणागै ले जाणौ अर वापसी
इस्राएल राज्य अर यहूदा राज्य दोनों परमेश्वर गै खिलाफ पाप करेओ। बां लोगां बिं वाचा नै तोड़ दिओ झीकी परमेश्वर बांगै सागे सीनै पर बाँधी ही। परमेश्वर बानै पश्चाताप करण अर फेर मुँ बिंगीं आराधना करण खातिर चेतावनी देण नै आपगै भविष्यद्वक्ताआं नै भेजेओ, पर बां लोगां परमेश्वर गी बातां नै मानण मुँ इंकार कर दिओ।
परमेश्वर बांगै शत्रुआं नै नाश करणै मै सक्षम करगे दोनां राज्यां नै सजा देई। अश्शूर एक अन्य देश हो झीको बोत शक्तिशाली हो गेओ हो। बै दूसर देशां गै खातिर बोत निर्दयी भी हा। अश्शूरा पहलां इस्राएल राज्य नै नाश कर दिओ। अश्शूरियां पहलां इस्राएल गै राज्य मै बोत सारां नै मार दिओ, झीको कि चाऐओ बिंनै लूट लिओ, अर देश गा कई हिस्सां नै जला दिओ।
अश्शूरियां सारां परधानां, धनवान लोगां, अर बै लोगां नै झीका कीमती चिंजा नै बणा सकता हा एक सागे इकट्ठा करेओ अर बै बांनै अश्शूर देश ले गेआ। इस्राएल मै ऐकला गरीब इस्राएली ही बचेया।
फेर अश्शूरी लोग बिं देश मै रेण खातिर विदेशियां नै लेगे आया। बिं विदेशियां फेर बिं नगरां नै बणाओ। झीका इस्राएली भठै बचेआ हा बांगै सागे विदेशियां बेया करेओ। ईं लोगां गा वंशज सामरी अखवाया।
यहूदा राज्य गा लोगां देखेओ किया परमेश्वर पर विश्वास ना करण अर बिंगीं बातां ना मांनण गै कारण इस्राएल राज्य गा लोगां नै सजा दी। पर फेर भी बै लोगां कनानियां गै देवतावां गी मूर्तियां गी उपासना करी। परमेश्वर बानै चेतावनी देण खातिर भविष्यद्वक्ताआं नै भेजेओ, पर बै लोगां सुनण मुँ इंकार कर दिओ।
लगभग 100 सालां गै बाद अश्शूरियां नै इस्राएल राज्य नै नाश कर दिओ। परमेश्वर बेबीलोन गो राजा, नबूकदनेस्सर नै यहूदा राज्य पर हमलो करण खातिर भेजेओ। बेबीलोन एक शक्तिशाली देश हो। यहूदा गो राजा नबूकदनेस्सर गा दास बणण अर हर साल बणे बोत सारा धन गो भुगतान करण खातिर सहमत हो गेओ।
पर कई सालां गै बाद, यहूदा राजा बेबीलोन गै खिलाफ दंगौ करेओ। बेबीलोनियां वापिस आगे यहूदा राज्य पर हमलो कर दिओ। बां यरूशलेम नगर पर कब्जो कर लिओ, मंदिर नै नष्ट कर दिओ, नगर अर मंदिर गै खजाने नै लूट लिओ।
दंगो करण गै कारण यहूदा राजा नै सजा देण खातिर, नबूकदनेस्सर गा सैनिकां राजा गै पुत्र नै बिंगै सामण मार दिओ अर फेर बिंनै अंधो कर दिओ। ईंगै बाद, बे राजा नै ले गेआ के बो बेबीलोन गै जेलखाने मै मर जावै।
नबूकदनेस्सर अर बिंगी सेना यहूदा राज्य गा लगभग सारा ही लोगां नै बेबीलोन ले गेआ, बस सारा गरीब लोगां नै लारे छोड़ गेआ के बे खेतां मै फसलां नै उगाव। समय गा ई काल नै बंधुआई केओ गेओ है जिंगै मां परमेश्वर लोगां नै प्रतिज्ञा गै देश मुँ निकलगे जाण खातिर मजबुर कर दिओ हो।
भले ही परमेश्वर आपगै लोगां गै पाप गै कारण बंधुआई मै लेजागे सजा दि, फेर भी परमेश्वर लोगां नै अर आपगी प्रतिज्ञा नै कोनी भुलेओ हो। परमेश्वर आपगै लोगां गी निगरानी करणो जारी राखेओ अर आपग भविष्यद्वक्तां गै द्वारा बांगै सागै बातां करतो रेओ। बणै प्रतिज्ञा करी के सत्तर सालां गै बाद, बे फेर प्रतिज्ञा गै देश मै लौटेंगा।
लगभग सत्तर सालां गै बाद, फारस गै राजा कुस्रू बेबीलोन नै हरा दिओ, ईं खातिर बेबीलोन गै साम्राज्य नै छोड़गे फारस गै साम्राज्य कई देशां गै ऊपर राज करेओ। इस्राएली लोग अब यहूदी अखवांतां हा। बांगै मांऊ बोत लोगां आपगो पूरो जीवन बेबीलोन में बिता दिओ हो। बस बोत थोड़ा बूढा यहूदियां नै ही यहूदा गो देश याद हो।
फारसी लोग बोत सामर्थी हा, पर बे लोगां आपगै जीतेआ होया लोगां पर दया करी ही। फारसी लोगां गो राजा बणण गै थोड़ा समय बाद, कुस्रू एक आदेश दिओ के कोई भी यहूदी झिको यहूदा नै जाणों चान्तो होवै, बो फारस मुँ निकलगे वापिस यहूदा न जा सक है। हठै ताईं के बणै बां लोगां नै मंदिर फेर बणाण खातिर धन भी दिओ। बंधुआई गा सत्तर सालां गै बाद, यहूदियां गो एक छोटो समूह यहूदा मै यरूशलेम नगर नै लौट आया।
जद बै लोग यरूशलेम पोंचेआ तो बां लोगां मंदिर नै अर नगर गै चारुं ओर गी दीवार नै फेर बणायो। फारसी लोग अब भी बांगै ऊपर राज करता हा पर एक बार फेर बै प्रतिज्ञा गै देश मै रेण लागरेआ हा अर मंदिर मै आराधना कर रेआ हा।
2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 मुँ एक बाइबल गी कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।