24. यूहन्ना यीशु नै बपतिस्‍मो देवै है

एलीशिबा अर जकर्याह गो पुत्र यूहन्ना, बड़ो होगै एक भविष्यद्वक्ता बणै गेओ। बौ जंगल मैं रैऐ करतौ हौ, अर जंगली शहद अर टिड्डियाँ खाऐ करतौ हौ, अर ऊँट गी ऊन मुं बणेआ कपड़ा पहनतौ हो।

बहोत साराँ लोग यूहन्ना गी बातां सुणन खातिर जंगल मैं निकल आया। बणै औ केगै बान प्रचार करेऔ, "पश्चाताप करो, क्योंकि स्वर्ग गौ राज्य निकट है!"

जद लोगां यूहन्ना गौ संदेश सुणेऔ, तो बामुँ बहुतों आपण पापां मुँ पश्चाताप करेऔ, अर यूहन्ना बानै बपतिस्‍मौ दिऔ। यूहन्ना नै देखण खातिर बहोत सारा धार्मिक अगुवा भी आया, पर बां आपगै पापां मुँ पश्चाताप या अंगीकार कोनी करेऔ।

यूहन्ना धार्मिक अगुवा नै केऔ, "हे जहरीला साँपों! पश्चाताप करो अर आपगौ व्यवहार बदलो। परमेश्वर हर बिं पेड़ नै काट देअगौ झिकौ आच्‍छो फल कोनी लेआवै, अर बौ बानै आग मैं झोंक देअगौ।" झिको भविष्यद्वक्‍तां केऔ हौ यूहन्ना बिनै पूरौ करेऔ, "देख, शीघ्र ही मैं तेर आगै आपगै संदेशवाहक भेजूँगा झिकौ तेरै खातिर मार्ग तैयार करगौ।"

कुछ धार्मिक अगुवां यूहन्ना कनू पुछेऔ कै बौ मसीह है। यूहन्ना बानै जवाब दिऔ, "मैं मसीह कोनी हूँ, पर बौ मैर बाद आवगौ। बौ ईतौ महान है कै मैं बिंगा जूतां गा फीता खोलण गै भी योग्य कोनी हूँ।"

दुसरै दिन, यीशु बपतिस्मा लेण खातिर यूहन्ना गै कनै आऔ। जद यूहन्ना बिणै देखेऔ, तो बण केऔ, "देखो! परमेश्वर गौ मेमणौ झिकौ संसार गै पापां नै उठा गै लैजावगौ।"

यूहन्ना यीशु नै केऔ, "मैं थानै बपतिस्मा देण गै योग्य कोनी हूँ। बजाए ईंगै आवश्यक है कै तू मनै बपतिस्‍मौ देअ।" पर यीशु केऔ, "तु मनै बपतिस्मा देणौ है, क्योंकि करण खातिर सही काम औही है।" अतः यूहन्ना बिनै बपतिस्‍मौ दिऔ, हलांकी यीशु कदी पाप कोनी करैओ हो।

बपतिस्मा देअ जाण गै बाद जद यीशु पाणी मुँ निकल गे बारै आयो, तो परमेश्वर गो आत्मा कबूतर गै रूप मैं प्रकट होऔ अर नीचै आगै बिंगै ऊपर ठहर गेऔ। बिं समय, परमेश्वर स्वर्ग मुँ बात करी। बणै केऔ, "तू मेरौ पुत्र है। मैं तेरै सागै प्रेम करु हूँ, और मैं तेरै मुँ बहोत खुश हूँ।"

परमेश्वर यूहन्ना नै केऔ हौ, "पवित्र आत्मा नीच आगै ठहर जावगौ जिण तू बपतिस्‍मौ देअगौ।" बौ ही परमेश्वर गौ पुत्र है परमेश्वर एक ही है। पर जद यूहन्ना यीशु नै बपतिस्‍मौ दिऔ, तो बणै परमेश्वर पिता नै बातां करतां सुणेऔ, पुत्र परमेश्वर नै देखेऔ, झिकौ यीशु है, अर बणै पवित्र आत्मा देखेऔ।