25. शैतान यीशु गी परीक्षा करै है

यीशु गौ बपतिस्‍मो होण गै तुरन्त बाद ही, पवित्र आत्मा बिनै जंगल मैं ले गेऔ। यीशु भठै चालीस दिन अर चालीस रात हौ। बिं समय बणै उपवास करेऔ, अर शैतान यीशु गै कनै आगे पाप करवाण खातिर बिंगी परीक्षा करी।

पेहलां, शैतान यीशु नै केऔ, "जै तू परमेश्वर गौ पुत्र है तो पत्थरां नै रोटी बणा दै ताकै तू खा सकै!"

पर यीशु शैतान नै केऔ, "परमेश्वर गै वचन मैं औ लिखेऔ है, 'जीवित रेहण खातिर मनुष्य नै केवल रोटी गी आवश्यकता कोनी, पर बानै हर बिं बात गी आवश्यकता है झिकी परमेश्वर बानै केवै है!'"

फैर शैतान यीशु नै मंदिर गै ऊँचै सिरै पर ले गेऔ। बण बिनै केऔ, "जै तू परमेश्वर गौ पुत्र है तो हठु नीचै कूद जा, क्योंकि लिखेऔ है, 'परमेश्वर थानै उठाण खातिर स्वर्गदूतां नै आज्ञा देअगौ के तेरा पेरां पर पत्थर गी ठेस ना लागै।'"

पर यीशु बौ कोनी करेऔ झिकौ शैतान बिनै करण खातिर केऔ हो। ईंगै बजाऐ, बणै केऔ, "परमेश्वर हर एक नै केवै है, 'तू प्रभु आपणै परमेश्वर गी परीक्षा कोनी करणी।'"

फेर शैतान बिनै संसार गा सारा राज्य दिखाआ। बणै बीनै दिखाऔ कै बे किता शक्तिशाली हा, अर बै किता सम्पन्न हा। बणै यीशु नै केऔ, "मैं तनै औ सारौ देऊँगा जे तू घुटणा टेक गै मेरी उपासना करै।"

यीशु बिनै जवाब दिऔ, "हे शैतान, मेरै कनु चलेऔ जा! परमेश्वर गौ वचन मैं बौ लोगां नै आदेश देअ है कै, 'केवल आपणै प्रभु परमेश्वर गी आराधना करो। परमेश्वर गै रूप मै केवल बिंगो ही आदर करौ।'"

यीशु शैतान गी परीक्षा मुँ हार कोनी मानी, ईं खातिर शैतान बिंगै कनु चलेऔ गेऔ। फेर स्वर्गदूत आगे यीशु गी सेवाटहल करण लाग गेआ।