27. दयालु सामरी गी कहाणी

एक दिन, यहूदी व्यवस्था गौ एक विशेषज्ञ यीशु कनै आयौ। बौ सारां लोगां नै औ दिखाणौ चाहंतो हो कै यीशु गलत रीति मुं शिक्षा देऐ आवै है। ईं खातिर बणै केऔ, "हे गुरु, अनन्त जीवन खातिर मैं कै करूँ?" यीशु बिनै जवाब दिऔ, "परमेश्वर गी व्यवस्था मैं कै लिखेऔ है?"

बिं आदमी केऔ, "व्‍यवस्‍था केवै है के आपणै परमेश्वर सागै आपणै सारै मन, प्राण, सामर्थ, अर बुद्धि मुँ प्रेम राख। अर आपणै पड़ोसी सागै आपणै समान प्रेम राख।" यीशु बिन जवाब दिऔ, "तू एकदम सही है! जे तू ईंयाँ करै, तो तनै अनन्त जीवन प्राप्त होवगौ।"

पर बौ व्यवस्था गा खास लोगां नै दिखाणो चाहंतों हो कै बिंगौ जीवन जिण गौ तरीकौ सही हौ। ईं खातिर बणै यीशु कनुं पूछेऔ, "ठीक है, तो मेरौ पड़ोसी कुण है?"

यीशु बिं व्यवस्था गै खास लोगां नै एक कहाणी बताण गै द्वारा जवाब दिऔ। "एक यहूदी आदमी हौ झिकौ एक सड़क मुँ होगै यरूशलेम मुँ यरीहो गी यात्रा करै आवै हो।"

"पर कुछ डाकुयां बिनै देखेऔ अर बिंगै ऊपर हमलौ कर दिऔ। बां बिंगौ सारो कुछ ले लिऔ अर बिनै लगभग मरण तांईं मारेऔ-पीटेऔ। फेर बै चलेआ गेआ।"

"बिंगै तुरन्त बाद, एक यहूदी याजक बिं सड़क मुँ होगै गुजरेऔ। बिं यहुदी याजक बिं आदमी नै सड़क पर पड़ेऔ होऔ देखेऔ। जद बणै बिनै देखेऔ तो बौ सड़क गै दूसरी पासुं जागे आगै बढ़ गेऔ। बणै बिं आदमी नै पूरी तरियां अनदेखा कर दिऔ।"

"बिंगै बाद कुछ ही समय बीतण पर, एक लेवी बिं सड़क पर आयौ। (लेवी यहूदियां गौ एक गोत्र हौ झिकां मंदिर मैं यहुदी याजकां गी सहायता करी।) बौ लेवी बिं सड़क गी दूसरी पासुं निकलै गेऔ। बणै भी बिं आदमी नै अनदेखेऔ कर दिऔ।"

"अगलौ जन झिकौ बिं सड़क पर आयौ बौ सामरिया गो एक आदमी हौ। (सामरी अर यहूदी एक दूसरै मुँ नफरत करता हा।) बिं सामरी सड़क पर बिं आदमी नै देखेऔ। बणै देखेऔ के बो यहूदी हौ, पर फेर भी बणै बिं पर बड़ो तरस खाऔ। अतः बौ बिंगै कनै गेऔ अर बिंगै जखमां पर पट्टियाँ बाँधीं।"

"फेर बिं सामरी बिनै आपगै गधै पर घालेऔ अर बिनै बिं सड़क मुँ एक सराय मै ले गेऔ। झठै बणै बिंगी देखभाल करनी जारी राखी।"

आगलै दिन, बिं सामरी आपगी यात्रा नै जारी राखण गी आवश्यकता ही। बणै बिं सराय गै प्रभारी आदमी नै कुछ धन दिऔ। बणै बिनै केऔ, "ईं आदमी गी देखभाल करिऔ। जे ईं धन गै अलावा तेरो कुछ और धन खर्च होवै तो वापिस आण पर मैं तेरा बिं खरचां गौ भुगतान कर देऊंगा।"

फेर यीशु बिं व्यवस्था गा खास लोगां नै पूछेऔ, "तुं कै सोचै है? ईं तीन लोगां मुँ कुण बिं आदमी गौ पड़ोसी है झिकै नै लुटेऔ अर पिटेऔ गेऔ हौ?" बणै जवाब दिऔ, "बौ ही झिको बिंगै ऊपर कृपालु हो।" यीशु बिनै केऔ, "तू जा अऱ ईंयां ही करै।"