14. झारे भटकबाटा

मापरु इस्राएली मन के हाई नियम सागबाटा सरायला जोनटा हाय मनके हातार किरया खायलार कारण पालन करबाटा आय। पाचे हांय सिनेय परबत ले आगे तिकर अगुआई करूआय। हांय हाय मनके प्रतिज्ञार देश ने नेबार चाहते रहूआय। ए देश कनान बले बोलाय होउआय। मोपरु बादरीर खम्बा ने तिकर छोमें – छोमे गला, आउरी हायमन हातार पीटी-पीटी हिंडलाय।

मापरु अब्राहम, इसहाक आउरी याकूब ले प्रतिज्ञा करी रहूआय कि प्रतिज्ञार हाय देश तिकर वंशज मनके देयसी, मातर हाय बेरा हाय थाने खुबे जातिर लोग रयते रहूआत। हाई मन कनानी बोलाय होयते रहूआत। हाय कनानी लोग मापरुर आराधना ना करते रहूआत आउरी हातार आज्ञा के बले ना मानते रहूआत। हाय मन झुटा देवता मनर उपासना कारबाराय आउरी खुबे असन घिनघिना काम करते रहूआत।

मापरु इस्राएली मन ले बोलुआय, जड़कदाय तोमी हाय वाचार देश ने जिबास तेबे हाय थानर सबु कनानी ले छुटकारा पा। तिकर संगे संधि ना करा आउरी तीकर संगे बिया ना करा। तोमके तीकर मूरती मनके पूरा तरह ले नाश करी देबाराय। अगर तोमी मोर आज्ञा के ना मानबास, तो तोमी मोर बजाय तीकर देवता मनर उपासना करके मुरायबास।”

जड़कदाय इस्राएली मन कनानर रेटे खेटलाय, मूसा इस्राएली थानर सबु जाती थानर गोटक गोटक करी बारा माने मन के चुनुआय। हाय तीके जाईकरी हाय देशर भेद धरबार आदेस देउआय कि दखु की हाय कमता देश आय। हाय मन के कनानी मनर भेद के बले धरबार रहूआय कि दखु की हाय मन ताकतबर आत कि कमजोर आत।

हाय बारा माने मन पूरा कनान ले होईकरी चालीस दिनर यात्रा करूआत आउरी पाचे हाय मन लेवटु आत। हाय मन लोग मनके सांगूआत, ”हाय देश खुबे उपजाउ आय आउरी फसल बले खुबे आय!” मांतर दस भेदी मन बोलूआत, ”तीकर नगर मन खुबे मजबूत आचे आउरी हाय लोग मन लम्बा-चौड़ा आचेत! अगर हामी तीकर उपरे हमला करूआव, तो निश्चित रूप ले हाय मन हामके हाराय देबाय आउरी हामके मारी देबाय।”

हड़कीच दाय यहोशु आउरी कालेब आउरी दुई ठन भेदी मन बोलुआत, "एटा सच आय कि कनानर लोग मन लम्बा आउरी बलशाली आत, मांतरनिश्चित रुप ले हामी हाय मनके हाराय के सकू! मापरु हामर काचे लड़सी!"

मातर लोग मन कालेब आउरी यहोशूर ना सुनलाय। हाय मन मुसा आउरी हारूनर उपरे रिसा होयलाय आउरी बोललाय। तुई हामके इती भयानक जागा थाने काय काचे आनली आचीस। हामके मिस्र नेच रेबार रेला। यदि हामी हाय देश ने जिबु तो हामी युद्ध ने मोरी जिबु आउरी कनानर लोग हामर बायले आउरी पीला के नौकर बनाय देबाय। ”हाय लोग तीके वापस मिस्र थाने धरी करी नेबा काचे गोटक अलग माने के डगर बार चायते रहूआत।

जड़कदाय हाय लोग मन असन बोललाय तेबे मापरु खुबे रीसे होउआय। हाय मिलाप बीती लाड़ी ने आउआय आउरी बोलुआय, तोमी मोर बिरुद गला आचास, एकाचे तोमी सबु के हाय झारे भटक के पड़सी। सबु लोग जोन बीस बोरस या हातार ले आदिक उमरर आय हाय थाने मोरी जायसी आउरी केबे बले हाय देश ने ओलके ना सकसी जोन टा मुई तोमके देउआय। केवल कालेब आउरी यहोशु हाय थाने ओलबाय।”

जेबे लोग मन मापरु के अमता बोलबा दाय सुनुआत, तो हाय मन दुखी होउआत काय काचे की हाय मन पाप करी रहूआत। एकाचे हाय मन कनानर लोग उपरे हमला करबार निर्णय करूआत। मूसा हाय मनके ना जिबा काचे चेतावनी देउआय कायकाचे की मापरु तीकर संगे ना जाए, मांतर हाय मन हातार ना सुनुआत।

मापरु ए युद्ध ने तीकर संगे ना जाई रहूआय, एकाचे कनानी मन हाय मनके हाराय देउआत आउरी हाय थानले खुबे के मारी देउआत। तेबे इसरायली लोग मन कनान ले वापिस लेवटुआत। आयबा चालीस बोरस तक, हाय मन झारे एने-हाने भटकबाय।

इसरायली लोग मनर झारे भटक लार चालीस बरसर पाचे, मापरु हाय मनर जरुरत के पूरा करला। हांय हाय मनके सरग ले ‘’मन्ना ‘’बोलाय होयबा बीती रोटी देउआय। हांय बटेरो मनर रासी के बले [ जोन मध्यम आकरर चेड़े होउआत।] तिकर लाड़ी थाने पोटायला कि हाय मन लगे खायबा काचे माउस रओ। हाय सबु समय, मापरु तिकर फोटी आउरी पनही के फाटबा ले बाचाय रहुआय।

एथानले बले मापरु तिकर पिबा काचे जादू थानले पानी निकराउआय। मांतरए सबुर पाचे बले, इसरायली लोग मन मापरुर विरुद्ध आउरी मूसार विरुद्ध सिकायत करुआत आउरी कूड़कुड़ाउआत। तेबले बले, मापरु विश्वास योग्य रहुआय। हाय जोन किरया खायी रे कि हाय अब्राहम इशहाक आउरी याकूबर वंसज काचे करसी हाय हाके करुआय।

आउरी गोटक समय जेबे लोग मन लगे पानी ना रहुआय, मापरु मूसा के बोलुआय, "पोकना ले गोटाव, आउरी हाय थानले पानी निसक्सी। "मांतरमूसा पोकना ले ना गोटाउआय। हाय लाठी ले पोकना थाने दुई बार मारुआय। ए रीती ले हाय मापरुर निरादर करुआय। सबुर पिबा काचे पोकना थानले पानी तो निकलू आय, मांतरमापरु मूसा ले रिस होउआय। हांय बोलू आय,"तुई अमता करली आस, एकाचे तुई प्रतिज्ञार देश ने ओलके ना सकबिस।"

जेबे इसरायली लोग मन चालीस बरस तक झारे भटकि रहूआत, तेबे जोन मन मापरुर विरुद्ध ने बलवा करी रहूआत हाय मन सबु मोरी जाई रहूआत। तेबे मापरु हाय लोग मन के फिर ले हाय प्रतिज्ञा र देश ने सिवाने तक नेउआय। अबर मुसा खुबे डोकरा होई रहूआय, एकाचे मापरु लोग मनर अगुआई करबा काचे हातार मदद करबा काचे यहाशू के चुनु आय। मापरु मूसा ले ए किरया बले खायी रहूआय कि गोटक दिन हांय हाय लोग मन लगे मूसार जसन गोटक भाविस्यवक्ता पोटायसी।

तेबे मापरु मूसा के गोटक परबतर टिपे जीबा काचे बोलुआय कि हांय हाय प्रतिज्ञार देश के दखके सको। मूसा हाय प्रतिज्ञार देश के दखला मांतरमापरु टेक ओल्बार अनुमति ना देउआय। तेबे मूसा मोरी जाउआय, आउरी इसरायली मन तीस दिन तक दुख बनाऊआत। यहाशु तिकर नुआ अगुआ बनी जाउआय। यहाशु गोटक अच्छा अगुआ रेला कयकाचे कि हांय मापरुर उपरे भरोसा करुआय आउरी हातार गोट के मानु आय।