36. बदलबाटा

गोटक दिने, यीशु खुदर तीन चेला, पतरस,याकूब,आउरी युहन्ना के खुदर संगे नेउआय। ( ए यहुन्ना नामर चेला हाय माने रहूआय जोन यीशु के बपतिस्मा दि रहूआय।) हाय मन पारतना करबा काचे गोटक डेंग पहाड़ी ने जाऊआत।

जेबे यीशु पारतना करते रहूआय तो हातार मु बेरर समान उजर होई जाऊआय। हातार फोटी उजर समान पोंडरा होई जाऊआय, जसन पृथ्वी थाने कोनी करके सकोत हातार ले खुबे पोंडरा।

तेबे मूसा आउरी एलिय्याह भविष्य वक्ता दखा देउआत। ए माने मन ए पृथ्वी थाने ए बेरा ले सैकड़ो बरस पोयलेरेयते रेलाय। हाय मन यीशु के हातार मोरबा विषय ने गोटाउ आत, काय काचे कि हाय झटके यरूशलेम ने मोरी जायसी।

जेबे मूसा आउरी एलिय्याह यीशु ले गोटायते रहूआत तो पतरस यीशु के बोलुआय, "हामर काचे ए होयबा टा भला आय। हामी तीन मंडप के बनाऊ, गोटक तोर काचे, गोटक मूसा काचे,आउरी गोटक एलिय्याह काचे।"मांतरपतरस ना जानते रहूआय कि हाय काय बोलसी आचे।

जबे पतरस गोटाय ते रहूआय तो, गोटक चमकदार बादरी तले आई करी तिकर उपरे छाई जाऊआय। तो हाय मन बादरी उपर ले गोटक आवाज के आयबा दाय सुनु आत। हाय बोलुआय, "ए मोर बेटा आय जाके मुई मोया करुआय। मुई हातार ले हरिक आची। हातार सुना।" हाय तीनो चेला मन डरी जाऊआत आउरी माटी थाने सोई देउआत।

तेबे यीशु हाय मनके छिंउ आय आउरी बोलुआय, "ना डरा। ठिया उठा।"जेबे हाय मन चारो बाटे दखुआत, तो यीशु के छाड़ी करी खुदर संगे काकी बले ना दखुआत।

यीशु आउरी हाय तीनो चेला मन हाय पहाड़ी ने लेवटी करी ताले उतरु आत। तेबे यीशु हाय मनके बोलुआय, "एबे जोनटा ए लगे होयला हातार बारे ने कारी संगे चर्चा ना करा। मुई झोपके मोरी जीबी आउरी पाचे जिन्दा होई जीबी। हातार पाचे, तोमी लोग मनके सांगके सकास।"