40. यीशु के क्रुश ने चेगाउ आत

यीशुर मजाक उड़ाय लार पाचे,सैनिक मन हाके क्रूश ने चेगायबा काचे नेउआत। हाय मन हाय क्रूश के हाकिची उठाउआत जोन थाने हाय मोरु आय।

हाय सैनिक मन यीशु के हाय जागा ने आनु आत जोन टा, "खोपड़ी" बोलाय होउआय आउरी हातार हाथ आउरी गोड़ मनके क्रूश थाने ठोकी देउआत। मांतर यीशु बोलुआय, "हे बुआ ए मन के छमा कर, काय काचे कि ए मन ना जानेत कि काय करबा आत।"हाय मन गोटक तख्ती बले हातार मुंडी उपरे टांगी देउआत। हाय थाने लिखी रहूआय, ”यहूदी मनर राजा।” पिलातुस हाय मनके ईटा लिखबा काचे बोली रहूआय।

तेबे सैनिक मन यीशुर फोटी काचे चिट डालुआत। जेबे हाय मन अमता करूआत तो हाय मन हाय भविष्यवाणी के पूरा करूआत जोन थाने बोली रहूआय, "हाय मन मोर फोटी के आपस ने बाटी देलाय, आउरी मोर फोटी काचे चिट डाललाय।"

हाय थाने दुई ठन डाकू मन बले रहूआत, जाके सैनिक मन हाई बेरा क्रूश ने चेगाय रहूआत। हाय मन तीके यीशुर दुनो बाटे सोंगाऊ आत। हाय थानले गोटक डाकू यीशुर मजाक उड़ाऊ आय, मांतर दूसरा बोलुआय, "काय तुई ना डरिस कि मापरु तोके दंड देयसी? हामी तो खुबे असन बुरा काम के करी दोषी ठहराया गलू आचू, मांतरए माने निर्दोस आय।"फिर हाय यीशु के बोलुआय, "जेबे तुई तोर राज्य ने आयबीस तो कृपया करी मोके सुरता सोंगाव।"यीशु जवाब देउआय, "आजीच तुई मोर संगे सरग लोक ने होयबीस।"

यहूदी आगुआ मन आउरी भीड़र दूसरा लोग मन यीशुर मजाक उड़ाऊआत। हाय मन हाके बोलुआत, "अगर तुई मापरुर बेटा आस, तो क्रूश ले तले उतरी आव आउरी खुद के बाचाव! तेबे हामी तोर उपरे विश्वास करबू।"

तेबे हाय सबु देश ने बादरी पूरा तरह ले करिया होई जाऊआय, भले ही हाय दिनर मजिगतार बेरा रहूआय। एटा पेज बेरा समय ने करिया होई रहूआय आउरी तीन घंटा तक अमतीच रहूआय।

तेबे यीशु हागदी करी बोलुआय, "पूरा होयला! हे पिता मुई मोर आत्मा तोर हाथ ने देबी आची।"तेबे हाय अपना मुड़ी के झुकाऊ आय आउरी खुदर प्राण के त्यागी देउआय। जेबे हाय मोरू आय तो गोटक भूकम्प आउआय। हाय परदा फाटी जाऊआय जोन ता मापरुर उपस्थिति ले लोग मनके अलग करबाराय उपर ले तले बाटे फाटी करी दुई गोंदा होई जाऊआय।

खुदर मृत्युर दवारा, यीशु लोग मन काचे मापरु लगे आयबा काचे बाट के खोली देउआय। जेबे यीशुर निगरानी करबा बीता गोटक सैनिक जोन बले होई रहूआय ए सबु के दखु आय तो हाय बोलुआय,"निश्चित रूप ले ए माने निर्दाश रे। ए मापरुर बेटा रेला।"

तेबे युसुफ़ आउरी निकुदेमुस नामर दुई ठन यहूदी अगुआ मन आऊआत। हाय मन विस्वास करते रहूआत कि यीशु ही मसीह आय। हाय मन पिलातुस ले यीशुर शरीर के मंगू आत। हाय मन हातार शरीर के फोटी ले गुड़ाउआत। तेबे हाय मन हाके गोटक पोकना थानले काटी करी बनाय ला काबर ने नेउआत आउरी हातार भीतरे सोंगाउ आत। तेबे हाय मन हाय कबरर दुआर के बंद करबा काचे गोटक बड़े पोकना के लुड़काय देउआत।