11. फसह

परमेशरे मूसा ते हारून फ़िरैने का इन ज़ोने भेज़े की इस्रयलन गांने दे| ते तैनेंईं तैस खबरदारी दिती की अगर तै गांने न देलो, त परमेषर मिसरेरे लोकं केरे ते जानबरां केरे सब पेले बच्चे मारेलो| ते फ़िरैने इन शुनतं भी परमेशरेरी गल शुन्ने करां ते तैसपूड़ विश्वास केरने करां इनकार कियूं|

परमेशरे तैस पुड़ विश्वास केरनेबाले केंन्चेरे भी पेइले बच्चे बं च़ानेरेलेंईं अक इंतज़म कियो| हर परिबारे अक निर्दोश गबड़ू बली केरनू थियुं|

ते परमेशरे इस्रयली लोकन तैस गबड़ेरो खून अपने-अपने घरां केरे दरान पुड़ लानेरे लेंईं ज़ोवं| तैनेंईं तैसेरू मान भूज़नू थियुं ते फिरि तैनेंइ खमीरे बगैर रोटी फुड़ती सिं खानी थी| ते तैनी तैन खानेरे बाद अकदम मिसरे मरां निसनेरे लेंईन तियार रांनेरे लेंईं भी ज़ोवं|

ते ज़ैन केरनेरो परमेशरे इस्रयलन हुक्म दितोरो थियो तैनेंईं तैसेरे मुताबक सब किछ कियूं| ते आधे रती मं, परमेशर हर पेइले बच्चे मरते मरते मिसरे मांमेंईं निसो|

इस्रयाली केरे हर एकी दारे पुड़ खून लगोरो थियो, एैल्हेरे लेंईं परमशरे तैना घरां छ़ड्डां| तैन मं सब लोक हीफ़ज़ती सिं राए| तैना गबड़ेरे खूने सिं बंचोरे थिए|

लेकिन मिस्री लोकेंईं परमेशरे पुड़ विशवास न थियो कियोरो| ते तैनेंईं तैसेरो हुक्म न थियो मन्नोरो| ते एैल्हेरेलेंईं परमेशरे तैन केरां घरां न छ़ड्डां| परमेशरे मिस्री केरे हर इक्की घरे मं पेइलू मठु मारू|

जेलरे कैदी केरे पेइले मठे करां, फ़ीरैनेरे पेइले मठे तगर, हर अक्क पेलू मठु मेरी जेवं| अपने बड़े दुखेरे वजी सिं मिस्रेरे बड़े लोक लेरां लगोरे थिए देने ते दुःख लगोरे थिए मन्नाने|

बाइबलरी कहानी निर्गमन अध्याए 11:1-12:32