12. निर्गमन

इस्रयाली लोक मिसरे मरां निस्तं बड़े खुश थिए| हुनी तैना गुलाम न थिए, ते तैना वधेरे देशे मं च़ोलोरे थिए! ज़ैन किछ भी इस्रयाली लीकेंईं मगु, मिस्री लोकेंईं तैन सब इस्रयाली लोकन दितु, इड़ी तगर की सोनू चांदी ते होरी कीमती चीजां| दुसरे देशों के कुछ लोगुँ ने परमेशरे पुड़ विशवास कियो ते ज़ैखन इस्रयाली लोक मिसरे मरां निसे त तैना भी तैन्न सिं साथी निसे

दिसां त बिदलररो अक थम तैन अगरी-अगरी च़ालतो थियो| ते राती जो तै अगरो थम बनतो थियो| परमेशर ज़ै की अगर बिदलररो ते आगरे थमे मं थियो, हमेशा तैन्न सिं साथी थियो ते तैनी सफ़र केरते बार तैन केरी अग्वाही की| तैनेंइ सिर्फ एत्रु केरनुथियुं तीस पती च़ालनू थियुं|

थोड़े वक्तेरां बाद, फ़िरैन ते तैसेरे लोकेंईं अपनो मन बदलो| तैना इस्रयलन फिरी अपने गुलाम बन्ने चाते थिए| ते एैल्हेरेलेंई तैनेंईं इस्रयाली केरो पिछो कीयो| ते परमेशरे तैन केरे मन बदलोरे थिए| तैनी एैन एैल्हेरेलेंई कियूं किजोकी तै चतो थियो की हर कोई इन ज़ाने की फ़िरैन ते मिस्री केरे देबतन करां योहव परमेशर, ज़ैदां शक्तिशलीए|

ज़ैखन इस्रयाली लोकेंईं मिस्ररेरी सेना एइती लई त तैन पतो लगो की एै फ़िरैनेरी सेनाए ते हुनी अस लाल समुन्द्र का फेसी जे| तैना बड़े डरे ते लेरां देने लगे, "असेंइ मिस्र कीजो छ़ड्डू ? असां मरने बालेम!"

मूसे इस्रयाली लोकन सिं ज़ोवं, "डारनू बंद केरा! परमेशइ अज़ तुशे लेंईं लड़ेलो ते तुस्न बंच़ालो|" तैखन परमेशरे मूसा सिं ज़ोवं, " एैना लोकन लाल समुन्द्रेरे पासे अग्रोवं गांनेरे लेंईं ज़ो

तैखन परमेशरे तै बिडलरारो थम मिस्री ते इस्रयाली लोकं केरे मझ़ाटे खाड़ो कियो ताकि मिस्री लोक इइस्रयाली लोकन लेहइ न बटन|

ते परमेशरे मूसा जो ज़ोवं की समुनद्रेरे पासे अपनो हाथ अग्रोवं केर|फिरि हवाई सिं परमेशरे समुंदरेरू पानी देइने ते बांए पासे कियूं, ज़ैसेंई की सुमंदरे मांमेंईं बट बनी|

ते इस्रयाली लोक अपने दूये पसन पैनेरी दीवरन सिं साथी शुकोरी ज़मीनी पुड़ मेंई स्मुंद्रे मंमेंइ अग्रोवं च़ले|

तैखन परमेशरे बती मरां तै बिदलररो थाम खड़ो कियो ताकि मिसरी लोक इस्रयाली लोकन समुन्द्रे मं मेंईं गांते लांन| ते मिस्री लोक तैन्न ट्लनेरे लेंई तैन्न पती गांनेरो फेस्लो कियो|

ते तैनेंई स्मुन्द्ररे माझ़मेंई तैस बतां इस्रयली लोकन पती खाते, पन परमेशरे मिसरी केरे मने मं घमरवट छ़ड्ड़ी ते तैन केरे रथ अड़काए| ते तैना चिन्डां मारने लगे, "नशा ! इस्रयाली केरे तरफं परमेशर लड़ने लगोरोए !"

सारे इस्रयाली समुन्द्रेरे दूइयोंवं पासे पुज़े| तैखन परमेशरे मूसा सिं ज़ोवं की तै फिरि पैनी पुड़ अपनो हाथ अग्रोवं केरे| तैखन मुसे तैन्च़रे कियूं , त पानी मिस्री सेनाई पुड़ आवं ते समुन्द्रेरू पानी तैन्च़रे भोवं ज़ैन्च़रे पेइलू थियुं| ते सारी मिस्री सेना डूबतं मेरी जेइ|

ज़ैखन इस्रयाली लोकेंईं हेरू की मिस्र्री मेरी जेवरे थिए त तैनेंइ परमेशरे पुड़ विश्वास कियो| तैनेंई विश्वास कियो की मूसा परमेशरेरे तरफां भवष्यवाणी केरने बालो थियो|

इस्रयाली लोक भी बड़े खुशी थिए किजोकी परमेशरे तैना मरने ते गुलाम भोने करां बंच़ेवरे थिए| हुनी तैना परमेशरेरी आराधना केरने ते तैसेरे हुक्म मन्नेरे लेंईं आज़ाद थिए| इस्रयाली लोकेंईं अपने अज़ैदरु तिहार म्न्नेरे लेंईं ते परमेशरेरी तारीफ़ केरनेरे लेंई कि भजनं ज़ोअं क्किजोकी तैनी तैना मिस्रेरी सेनाइ करां बंच़ेवरे थिए|

बाइबलरी कहानी निर्गमन अध्याए 12:33-15:21