19. भविष्यवाणी केरनेबालो

परमेशर हमेशा इस्रयाली लोकन का भविष्यवाणी केरनेबालन भेज़तो रातो थियो| भविष्यवाणी केरनेबाले परमेशरे करां बिस्तार शुन्ते थिए ते फिरि तै बिस्तार लोकन सिं ज़ोते थिए|

ज़ैखन अहाब इस्रायालेरो राज़ो थियो| तैस वक्ते भविष्यवाणी केरनेबालो थियो ते अहाब अक बुरो मैनू थियो| तैनी झूठे देबतां केरी भागती केरनेरे लेंई लोक मजबूर कियोरे थिए| एैल्हेरेलेंईं एलिय्याहे अहाबे सिं ज़ोवं कि परमेशर तैना लोकन को सज़ा देने बालो थियो। तैनी तैससिं ज़ोवं, "ज़ैखन तगर अवं फिरि झ़ड़ी भोनेरे लेंईं न ज़ोईं तैखन तगर इस्रयाले मं न झ़ड़ीभोली ते न ओश पेली|" ते इसां गलां अहाब एैत्रो सरकाव की तैनी एलिय्याहे मारनेरो फेसलो कियो|

एैल्हेरेलेंईं परमेशरे एलिय्याहे सिं ज़ोवं कि तै नेशतं जंगले मं गी तं अहाब करां छ़ेपी गाए । एलिय्याह जंगले मं तै पैनी का जेव ज़ैड़ी गांनेरे लेंईं परमेशरे तैस ज़ेवरू थियुं। हर झे़झां ते हर ड्लावझ़ी काव एलिय्याहेरे लेंईं रोटी ते मास आंनतो थियो| ते तैस पुरे वक्ते अहाब ते तैसेरी सेना एलिय्याहे तोपती राई,पन तैनेंई तै तोपी न बटो|

झ़ड़ी न भोनेरे किछ वक्तेरां बाद पानी शुकी जेंवं| ते एैल्हेरेलेंई एलिय्याह नेड़ेरे इक्की देशे मं च़ालो जेव| तैस देशे मं अक गरीब विधवा थी जैस अक मठु थियुं। तैस का रोटी लगभग ख़तम भेवरी थी किजोकी तैड़ी केंन्ची भी किसमेरी फसल न थी बनोरी|पन फिर भी, तैसां कोंन्शां एलिय्याहेरी देखभाल की,एैल्हेरेलेंई परमेशरे तैसारी ते तैसारे म्ठेरी ज़रूरतं पुरी की ते एैस वजी सिं तैसेरू अटेरू भांड ते तेलेरी कुप्पी कधी खाली न भोई| तैस पुरे अकाले मं तैन्न का खानेजो थियुं एलिय्याह कीछ सालन तगर तैड़ी राव।

साड़े ट्लाई सालना बाद, परमेशरे एलिय्याहे सिं ज़ोवं की तै फिरि झ़ड़ी देलो| तैनी एलिय्याहे फिरी वपस इस्रयालेरे राज़े अहाबे का गेइतं गलां केरनेरे लेंई ज़ोवं| एैल्हेरेलेंई एलिय्याह अहाबे का जेव| ज़ैखन अहाबे तै लाव त तैनी ज़ोवं, "हछा तुएस, मुसीबत पैदा केरने बालो!"त एलिय्याहे जूवाब दितो, मुसीबत पैदा केरने बालो त तू आस! तीं यहोवा परमेशर शरो| तैए सच़ो परमेशरे, सिर्फ तू बालेरी भागती केरने लगोरोस| हुनी तीं इस्र राज़े मं राने बाले सब लोक कर्मेल पहाड़े पुड़ अन्नेन|"

ते सारे लोक कर्मेल पहाड़े पुड़ जे| तैना मड़द भी आए ज़ैना ज़ोते थिए की तैना बालेरो बिस्तार देते थिए| तैना बालेरे भवष्यवाणी केरनेबाले थिए| तैना सब 450 थिए| एलिय्याहे लोकन सिं ज़ोवं, "कैखन तगर तुस अपनो मन परमेशरे करां दूर रखेले? अगर यहोवा परमेशरे त तैसेरी आराधना केरा! ते अगर बाल परमेशरे त तैस्सेरी भागती केरा !"

तैखन एलिय्याहे बालेरे भविष्यवाणी केरनेबालन सिं ज़ोवं, "एक जनबार बली केरतं तैसेरे मासे बालीदांन भोनेरे लेंई वेदी पुड़ रखा, पन अग न लेइयथ| ते तैसेरां बाद अवं भी तैने केरेलो, ते एकी अलग वेदी पुड़ अवं तैन मास रख्खेलो| ते आगर परमेश वेदी पुड़ जो अम्बरे मरां आग छ़ेडतं त तुस ज़ानेले की तै सच़ो परमेशरे|" तैखन बालेरे भविष्यवाणी केरनेबालेंइ अक बली तियार की पन आग न लाइ|

ज़ैखन बालेरे भविष्यवाणी केरनेबालेंई बाले का प्राथना की, "हे बाल, इशी शुन!" पुरे दिहाड़े परथना की ते चीन्डां मारने लगे इड़ी तगर की तैनेंई अपनो आप चैकेईं सिं ज़ख्मी कियो, पन बाले कोई जुवाब न दितो, ते न तैनी अम्बरेरां कोई आग बछ़ोड़ी|

बालेरे भविष्यवाणी केरनेबालेंई बाले का परथाना केरने मं लगभग पुरी दिहाड़ी बिताई| ते फिरी तैनेंइ परथाना केरनी बंद की| तैखन एलिय्याहे होरी जानबरेरु मास परमेशरेरे वेदी पुड़ रख्खू| तैसरां बाद, तैनी पैनेरां बड्डां-बड्डां भांडां तैस मासे पुड़ उलटानेरे लेंईं ज़ोवं ज़ैखन तगर की मास कैड़ू ,वेदी ते वेदारे असे-पासेरी ज़मीन पुरे तरीके सिं अड्ली|

तैखन एलिय्याहे प्रार्थना की, "हे यहोवा, अब्राहम, इसहाक, और याकूबेरे परमेशर, हम असन हिरा कि तू इस्रायालेरो परमेशरस ते इन भी अवं तेरो दासाईं। मीं जुवान दे ज़ैसेंईं की इनां लोक ज़ान्न की की तूए सच़ो परमेशरस |"

एकदमे, अम्बारे मरां आग बीछ़ड़ी तैसां मास कैड़ू,घोड़,मिती, ते इड़ी तगर की वेदारे आसे-पासेरु पानी भी शुकेइ छ़डू| ते ज़ैखन लोकेंईं एैन हेरू, त तैना ज़मीने पुड़ी लेटे ते ज़ोवं, "यहोवा ही पमेशरे! यहोवा ही पमेशरे!"

तैखन एलिय्याहे ज़ोवं, "बालरो अक भी भविष्यवाणी केरनेबालो इठां बेंन्च़तं न लोड़े गेइ बटोरो!" तव एैल्हेरेलेंई लोकेंई बालेरे भविष्यवाणी केरनेबालो ट्लाए ते तैना तैठां अलग नीये ते तैना मैरी छ़डे|

तैखन एलिय्याहे अहाब राज़े सिं ज़ोवं, "जल्दी अपने घरे जो नाश, किजोकी झ़ड़ी एजनेबालीए|" ते जल्दी घनी बिद्लार भोई जेई, ते भारी झ़ड़ी शुरू भोई| यहावा तैस शुकोरे ख़त्म केरने ल्गोरो थियो| ते एैस सिं इन बांदू भोवं की योहावा सच़ो परमेशरे|

जैखन एलिय्याहे अपनू काम ख़त्म कियूं, त परमेशरे एलीशा नवेंरो अक मैनू अपनो भविष्यवाणी केरनेबालो भोनेरे लेंईं च़ूनो| परमेशरे एलिय्याहेरे ज़िरीहे बड़े चामताकर किये| अक चामताक रनामान नवेंरे मै सिं भी भोवं| तै दुशमूनां केरे सेनारो परधान थियो, पन तैस चेमड़री अक बुरी बिमारी लगोरी थी| नामाने एलिय्याहेरे बारे मं शुनोरू थियुं, ते एैल्हेरेलेंई तै एलिय्याहे का अव ते तैसेंई ठीक केरनेरी अरज़ की| एलिय्याहे नामाने सिं ज़ोवं की गेइतं यारदन दरीयाएरे पैनी मं सत बार डुबकी दे|

नमान सेरकोव| तैनी एैन केरने करां इनकार कमावं, किजोकी तै एैन बेवकुफारु काम लगतु थियुं| पन बादे मं तैनी अपनो मन बदलो ते गेइतं यारदन दरियाए मं डुबकी दिती| ते ज़ैखन तै आखिरी डुबकी देइतं पैनी मरां बेइर निसो त परमेशरे तै ठीक कियो|

परमेशरे इस्रयाली लोकन क होरे कई भविष्यवाणी केरनेबालो भेज़े| तैना सेभेईं तैन मूर्ती केरी भागती केरनी बंद केरनेरे लेंईं ज़ोवं| इल्हेरे बजाए, तैन्न एकी-होरी सिं न्य्ये सिं बरताव कियोरो लोड़े ते एकी-होरी पुड़ दिया कियोरी लोड़े| तैना भविष्यवाणी केरनेबालो लोक ख़बरदार किये की अपनं गलत कामां केरना बंद केरन ते परमेशरेरी गलां मेंन्नीन| अगर तैना लोकेंईं एैन न कियूं त परमेशर तैन्न दोषी मेनतं तैन केरो नय्या केरेलो, ते तैन्न सज़ा देलो|

ते ज़ैदां वक्ते त तैना लोकेंई परमेशरेरे हुक्म न मन्ने| तैनेंईं भविष्यवाणी केरनेबलन सिं बुरो बारताव कियो ते इड़ी तगर की कधी-कधी तैना मारे भी| इक्की बार, तैनेंइ यिर्मयाह भविष्यवाणी केरनेबलो शुकोरे कुंवें मं छ़डो| ते तैनेंईं तै तैड़ी मरनेरे लेंई छ़डो| तै कुँवेंरे थाले चीकरी मं डूबने लगो| लेकिन तैखन राज़े तैस पुड़ तरस अव,ते तैनी अपने सेवकन हुक्म दितो की यिर्मयाहे मरने करां पेइले एैस कुँवें मरां बेइर कढा|

बाइबलरी कहानी 1 राज़ां काीगग कगूोव अध्याए 16-18; 2 राजा 5; यिर्मयाह अध्याए 38