20. गुलामी ते गुलैमी मरां वपस एजनु

इस्रयालेरे राज़े ते यहुदारे राज़े दूइयेंई परमेशरेरे खिलाफ पाप कियो| तैनेंइ तै करार ट्लोड़ो ज़ै परमेशरे सीनै पहाड़े पुड़ कियोरो थियो| परमेशरे तैन्न फिरि श्चाताप केरने ते फिरि परमेशरेरी आराधना केरनेरी खबरदरी देनेरे लेंई अपने भविषयवाणी केरनेबाले भेज़े, पन तैनेंई तैनकेरी मन्ने करां इनक़ार कियूं|

ते परमेशरे तैनकेरे दुशमून तैनकेरो नाश केरने मं तैना कबल केरनेरे ज़िरिहे दूइये रज़ान दण्ड दितो| अशुर अक गैर ज़तारो देश थियो ज़ै बड़ो शक्तीशाली भोई जेवरो थियो| तैना होरी देशां केरेलेंइ साखत दिलेरे थिए| तैनेंइ एइतं इस्रयालेरु राज़ नाश कियूं आशुरी लोकेंई इस्रयाले राजे मं एइतं बड़े लोक मारे|| ज़ै चाओ तै लुट्टो, ते देशेरे कई हिस्से फुके|

अशुरी लोकेंई सब परधन, ते धनवान, ते एरे लोक ज़ैना कीमती चीजां बनेइ सखते थिए एकी जिगाई अकोठे किये ते तैनेंई तैना अशुर देशे जो नीये| इस्रयाले मं सिर्फ किछ गिरब इस्रयाली लोक बंच़े|

फिरि अशुरी लोकेंइ तैस देशे मं रानेरे लेंई परदेशी लोक अंने| तैना परदेशी मैंनइ तैना नगर फिरि बनाए| ज़ैना इस्रयाली तैड़ी बंच़ो रे थिए तैन सिं तैनेंई ड्ला बनाए| ते एैना लोकं केरी ज़ै अवलध भोई तैन्न जो सामरी ज़ोते थिए|

यहूदा रे राज़ेरे लोकेंई हेरू की कैन्च़रे परमेशरे तैन विश्वास न केरने ते तैसेरी गल न मन्नेरे वजाई सिं इस्रयालेरे राज़ेरे लोकन सज़ा दितोरी| पन फिर भी तैनेंई कनैनी लोकं केरे देबतं केरी मूर्ती केरी भागती की| परमेशरे तैन खबरदारी देनेरेलेंई भविषयवाणी केरनेबाले भेज़े पन तैनेंई इन्कार कियूं|

लगभग 100.सालां केरे बाद अशुरी लोकेंई इस्रयालेरु राज़ नाश कियूं| परमेशरे बेबीलोनेरो राज़ो, नबूकदनेस्सर यहुदारो राज़ो पुड़ हमलो केरनेरे लेंई भेज़ो| बेबीलोन अक शक्तिशाली देश थियो| ते यहुदारो राज़ो नबूकदनेस्सरेरो दास बनने ते हर साल तैस बड़ू धन भूगतान केरनेरे लेंई राज़ी भोव|

पन किछ सालां केरे बाद, यहूदारे राज़े बेबीलोनेरे राज़ेरे खिलाफ़ भोव| ते बेबीलोनेरे लोकेंइ वापस एइतं यहूदारे राज़े पुड़ हमलो कियो| ते नगर ते मंदरेरे खाज़ेने लुटतं नीये|

खोलाफ भोनेरे वजाई सिं यहूदारे राज़े दण्ड देनेरे लेंई, नबूकदनेस्सरेरे सैनिकेंई राज़ेरू मठु तैसेरे सामने मारु ते फिरी तैन कानू कियूं| तैसेरां बाद, तैनेंइ राज़ो घिनतं जे की तै बेबीलोनेरे जेलखाने मं मारो गए|

नबूकदनेस्सर ते तैसेरी सेना यहूदरे राज़ेरे लगभग सारे लोक बीलोने जो घिनतं जेइ, सिर्फ़ गिराब लोक पत्रोवं छ़ाडे ताकि तैना उदरन मं फसल लांन| वक्तेरे एैस हिसे जो गुलामी मं गांनीरो वक्त ज़ेवरुए ज़ैस मं परमेशरेरे लोक वधेरे देशे मरां नीसतं गांनेरे लेंईं मजबूर कियोरे थिए|

भले ही परमेशरे अपाने लोकन तैन केरे पापं केरे वजाई सिं गुलैमी मं नेनेरे ज़िरिहे सज़ा दिती, तं भी तैनी तैना ते अपनो वधो न थियो बिसरोरो| परमेशरे अपने लोकन पुड़ अपनी निगरानी केरनी जारी रख्खी ते अपने भविषयवाणी केरनेबालां केरे ज़िरिहे तैन्न सिं गलां केरतो राव| तैनी वधो कियो की सत्तर सालां केरे बाद, तै फिरि तैन वधेरे देशे मं वपस अंनेलो|

लगभग सत्तर सालां केरे बाद, फारसेरे राज़े कुस्रू ज़ै थियो तैनी बेबीलोन हरावं, एैल्हेरेलेंइ बेबीलोनेरे राज़ेरे बजाए फारसेरे राज़े कई देशन पुड़ हमलो राज़ कियूं| इस्रयाली लोकन जो हुनी यहूदी ज़ोते थिए| तैन्न मरां बाड़ेईं अपनी पुरी जिंदगी बेबीलोने मं गुज़ारोरी थी| सिर्फ थोड़े बूढ़े यहूदन यहूदारो देश याद थियो|

फारसी लोक बड़े तगतबार थिए, पन तैनेंइ अपने ज़ीतोरे गगरान पुड़ रेम कियोरी थी| फारसी लोकं केरु राज़ बन्नेरे थोड़े वक्तेरां बाद,कुस्रू राज़े अक हुक्म दितो| की किय भी यहूदी ज़ै यहूदा जो गांनु चातो थियो, तै फारसेरां निसतं वपस यहूदा मं गेइ सकते| इड़ी तगर की तैनी तैन फिरि मंदिर बन्नेरे लेंई बड़ू धन भी दीतु गुलैमरे सत्तर सलना बाद, यहूदी केरो अक नीक्ड़ो जथो यहूदा मं युरुषलेम नगरे जो वपस आए|

बाइबलरी कहानी 2योवं राजां केरी किताब अध्याए 17; 24-25; 2 इतिहास अध्याए 36; एज़्रा अध्याए 1-10; नहेम्याह अध्याए1-13 से एक