2. 2. पाप दुनियाई मां दाखल भोते

आदम ते तैसेरी कौन्श परमेशरेरे बनेवरे तैन केरे बनवेरे खूबसूरत बागी मां बड़े खुशी सेइं रहते थी। तैन दिहाड़न मरां कोन्चे लिगड़ां न थियां केवरां, पन दुनियाई मां कोई पाप न थू, एल्हेरे लेइ तैन कोई शर्म मसहूस न थी भोवरी। तैना हमेशा च़लते फिरते थी ते परमेशरे सेइं साथी गल केरते थी।

पन बागी मां अक च़लाक सप थू। तैने कौन्शी पुच़्छ़ू, “कुन परमेशरे सच़्च़े इन ज़ोवरू आए कि बागरे कोन्ची भी बुटेरो फल न खानो?”

कौन्शां जवाब दित्तो, “परमेशरे असन सेइं ज़ोवरू आए कि भले ते बुरेरे ज्ञानेरे बुटेरे फलेरे अलावा अस कोन्ची भी बुटेरे फले न खेइ सकम। परमेशरे ज़ोवं ‘अगर तुस तै फल खाथ या इड़ी तगर सप्पे केरते, त तुस मेरि गाथ।’”

सप्पे कौन्शी जवाब दित्तो, “इन सच़ नईं! तुस न मरेरे। परमेशरे इन ज़ानते कि ज़ैखन तुस तैस फले खाले, तुस परमेशरेरे ज़ेरे भोइ गाले ते ज़ेन्च़रे भले ते बुरे तै समझ़ते तुस भी समझ़ने लगेले।”

कौन्शां हेरू कि फल खुबसूरते ते हेरने सुवादेबालो आए। तै अक्मनशद भी बन्नी चहती थी, एल्हेरेलेइ तैसां फल नेइतां खाव। फिरी तैसां अपने मुन्शे भी दित्तो, ज़ै तैस सेइं साथी थू, ते तैने भी खाव।

अचानक, तैन केरि एछ़्छ़ी खुल्ली जेइ, ते तैन पतो लग्गो कि तैना नग्गे आन। ते तैनेईं अपनि जान ढकनेरे लेइ पट्लां केरे लिगड़ां बनानेरी कोशिश की।

फिरी मड़दे ते तैसेरी कौन्शां बागी मरां परमेशरेरी च़लनेरी आवाज़ शुनी। तैना दुइये परमेशरे करां छ़ेप्पी जे। तैखन परमेशरे मड़दे जो हक दित्ती, “तुस कोड़ि आथ?” आदमे जुवाब दित्ती, “मीं तुस बागी मां च़लते शुनॆ, ते अवं देरि जेवरो थू, किजोकि अवं नग्गो थू। एल्हेरेलेइ अवं छ़ेप्पी जेव।”

तैखन परमेशरे ज़ोवं, “केने ज़ोवं कि तू नग्गो आस? ज़ैस बुटेरो फल खाने जो मीं तीं खानेरे लेइ ठाकोरो थू, कुन तीं तैसेरो फल खावरोए?” मड़दे जवाब दित्तो, “तीं ई कौन्श दित्ती, ते तैसां मीं तै फल दित्तो।” तैखन परमेशरे कौन्शी पुछ़्छ़ू, “तीं इन कुन कियूं?” कौन्शी ज़ोवं, “सप्पे मीं धोखो दित्तो।”

परमेशरे सप्पे सेइं ज़ोवं, “तू लानती आस।” तू पेटेरे भारे च़लेलो, ते ज़िन्दगी भर मित्ती च़टतो रालो। तू ते कौन्श एक्की होरि सेइं नफरत केरेले, ते तेरी औलदाद ते तैसारी औलाद भी एक्की होरि सेइं नफरत केरेले। कौनशरू वंश तेरे क्रोड़ी ड्लेन्च़ेलो, ते तू तैसेरी थूड़ी पुड़ टक देलो।

फिरी परमेशरे कौन्शी सेइं ज़ोवं, “अवं तेरे गल्हे बिशनेरी तकलीफ बधेइलो। तेरी खुवैइश तेरे मुन्शेऱे पासे भोली, ते तै तीं राज़ केरेलो।”

परमेशरे मड़दे सेइं ज़ोवं, “तीं अपने मुन्शेरी बात शुनी ते मेरो हुक्म न मन्नो। हुनी ज़मीन तेरे वजाई सेइं तानतीइ आए, ते तैसेरी फसल खानेरे लेइ बड़ी महनत केरनी भोली। फिरी तू मेरि गालो, ते तुश्शी जान मित्ती मां मिली गाले। मड़दे अपने कौन्शू नंव हव्वा रख्खू, ज़ैसेरो मतलब सेभी केरि अम्मा, किजोकि तैस सेभी इनसाना केरि अम्मा ज़ोले। ते परमेशरे जानवरेरी खैड़ी सेइं आदम ते हव्वा ढक्की

बाइबिलरी कहानी: उत्पति 3 उत्पत्ति अध्याय 3 से एक बाइबल की कहानी