33. एक्की ज़मीनदारेरी कहानी

एक्की दिहाड़े यीशु ड्लेरे बने नेड़े बिशेरो थियो । तै लोकं केरी अककी बेड़ी भीडी शिक्षा देने लगरो थियो। तैस शुन्नेरे लेंई एैत्रे लोक एइते थिए की यीशु का तैन सिं गल केरनेरे लेंईं तैस पाव रख्खनेरे लेंईं भी जिगा न बंच़ी| ते एैलहरेलेंई तै पैनी मं खाड़ी किश्ती पुड़ च़ड़ो| ते लोकन शिक्षा दिती|

यीशुए तैन्न इ कहानी सुनाई, "एक ज़ामीनदार बीज़ बेने निसो| ते ज़ैखन तै बीज़ शारने लगोरो थियो त किछ बीज़ बत्ती मं बीछ़ड़ो| पन च़ड़ोलेंई एइतं तैन बीज़ कावं|"

"होरु बीज़ घोड़ेगली ज़मीनी मं बीछ़ड़ू ज़ैड़ी मिट्टी घट थी| घोड़ेगली ज़मीनी पुड़ बीछ़ड़ू तैन बड़े जलदी लगु ते तैसेरे नीके-नीके बुते लगे, पन तैन केरां ज़िलां डुघां गंने मं कबल न थियां| ते ज़ैखन सूरज निसु ते गरमी भोई त तैना बूट शुकी जे ते फुकोई जे|

तं भी होरु बीज़ झ़ैलन बैली ज़मीनी मं बीछड़ू| तैना बूटेईं बेदोनू शुरू कियूं, पन झ़ैलेंई तैन दबावं| ते एैल्हेरेलेंइई झ़ैलन बैली ज़मीनी मं बीछड़ोरे बीज़े मरां नीके-नीके बूट लगे ते तैन पुड़ कोई आन न लगु |"

"होरु बीज़ रोड़ी ज़मीनी पुड़ बीछड़ू| तैन लगु ते ज़ैतरु भी बीज़ बेवरू थियुं तैनी 30, 60, ते इड़ी तगर की 100गुणा आन पैदा कियूं | ते ज़ै भी परमेशरे पत्ती च़लनू चाते, तै तैस गली पुड़ धियंन दे ज़ैन अवं ज़ोइ राहोरोंईं!

"इसां कहैनां चेले उलझनी मं छ़ाडे| ते एैल्हेरेलेंई यीशुए तैन्न तै कहानी समझ़ाइ, "तैन बीज़ परमेशरेरू वचने| बत्त अक एरो मैनूए ज़ै पेमेशरेरू वचन शुनते, पन तैस समझ़े न्न| फिरि शैतान तैस्का एइतं च़ोरतं नेते| मतलब शैतान तैस वचने समझ़ने करां दूर रख्खते|

" घोड़ेगली ज़मीन एरो मैनए ज़ै पेमेशरेरू वचन शुनते ते खुशी सिं तैस कुबूल भी केरते| पन ज़ैखन मुश्किल वक्त एइते, या होरे लोक तैस सत्तन, त तै परमेशरे करां दूर भोई गाते| मतलब तै परमेशरे पुड़ विशवास केरनो शारते

"झ़ैलन बैली ज़मीनी एरो मैनए ज़ै पेमेशरेरू वचन शुनते| पन तै बेड़ी गलां केरे बारे मं फ़िकर केरनो शुरू केरते, ते तै बड़ो पेंइसो क्मानेरी कोशिश केरते, ते बेड़ी चीज़ां हासिल केरनेरी कोशिश केरते| ते किछ वक्तेरां बाद तै परमेशरे सिं प्यार केरनेरे कबल न भोए| तै गेंवां केरे फेकारो ज़ेरोए ज़ै कोई आवाज़ न केरे|

बाइबलरी कहानी मत्ती अध्याए 13:1-8, 18-23; मरकुस अध्याए 4:1-8, 13-20; लूका अध्याए 8:4-15