34. यीशु होरी कहैनी केरी शिक्षा देते

यीशुए परमेशरेरे राज़ेरे बारे मं होरी भी बेड़ी कहैनी शुनेइ| मसालरे लेंईं, तैनी ज़ोवं, "परमेशरेरू राज एक्की शेरीहेरे बीज़ेरू ज़ेरुए ज़ैन केंन्चे अपने उडारे मं बेवं| तुस ज़ानत्थ की शेरीहेरु बीज़ होरी बीज़न करां निकड़ू भोते|"

पन ज़ैखन शेरीहेरु बीज़ बेडोते त तैन बागी मं सारे बूटन करां बेडोते, ते एैत्रू बेडोते की अम्बरेरां च़ड़ोलू एइतं तैस पुड़ अपनो आलो बनाते|"

यीशुए अक होरी कहानी शुनाई, "परमेशरेरू राज़ खमीरेरु ज़रूए ज़ैस अक कोंश अट्टे मं मलाचे ते तै खमीर सारे अट्टे अमलू बनाते|

"सुर्गेरू राज़ तैस खज़ानेरु ज़ेरुए ज़ै केंन्चे एक्की उडारे मं छ़पाव| ते केंन्ची होरी मैनू तै खज़ानो मैलो तैनी तै हासिल केरनेरी बड़ी खुवैईश की| ते एैल्हेरेलेंई तैनी तै फिरि देबी छ़डो| तै एैत्रो खुश थियो की तैनी गेइतं अपनू सब किछ बेच़ू ताकि तै तैन उडार घिन्नी सखे ज़ैड़ी तै खज़ानो थियो|

"सुर्गेरू राज़ एक्की बड़े कीमती ते शुद्ध मितेरु ज़ेरुए| ज़ैखन कोई मोती केरो बुपैरी मैलते त तै तैस हासिल केरनेरे लेंई अपनू सब किछ बेच़ते

तैड़ी किछ लोक थिए ज़ैनां सोचते थिए की परमेशर तैन इल्हेरेलेंई कुबूल केरेलो किजोकी तैना भलां कमां केरतन| एैल्हेरेलेंई यीशुए तैन्न की कहानी शुनाई; "दुई मैनू थिए ते दूइए परथाना केरने मंन्दरे मं जे| तैन मरां अक धड़त घिन्ने बालो थियो ते होरो अक धरमेरो अगुवो थियो|"

"तैनी धार्मिक अगुवे इस तरीके सिं प्राथना की, 'हेपरमेशर, तेरु शुकरे ते अवं होरी लोकं केरे ज़ेरे ज़ैन्च़रे की डैकू, अनिय्या केरनेबालो, बदमाशी, या इड़ी तगर की इड़ी मजूद उस धाड़त घिन्नेबलेरो ज़ेरो पापी नई |' "

"मसाल्ररे लेंई, अवं हर हब्ते मं दुई बार बारत रखतंई, ते अवं अपने सारे कमैइयरो दशोवं हिस्सो तीं देतंई|"

"पन तै धाड़त घिन्नेबालो तैस धार्मीक अगुवे करां बड़े दूर खड़ो भोइ जेव| तैनी सुर्गेरे पासे तक्नू भी न चावं| एैल्हेरे बजाए, तैनी अपने हाथेंई सिं अपनी छाती पीटतं प्राथना की, 'हे परमेशर, मेरभानी केरतं मीं पुड़ दिया केर किजोकी अवं अक पापीं|'

बाइबलरी कहानी मत्ती अध्याए 13:31-33, 44-46; मरकुस अध्याए 4:30-32; लूका अध्याए 13:18-21; 18:9-14