35. रेम दिल बाज़ेरी कहानी

एक्की दिहाड़े,यीशु बड़े लोकन शिक्षा देइ राहोरो थियो ज़ैना तैसेरी शुन्ने लेंई अकिठे भेवरे थिए| तैना धाड़त घिन्नेबाले ते होरे भी थिए| ज़ैनेंई मुसेरे कानून्न पुड़ च़लानेरी कोशिश न थी कियोरी|

किछ धरमेरे अगुवेंई हेरू की यीशु इना मैन्न सिं एक्की मीट्लेरो ज़ेरो बरताव ल्गोरो थियो केरने| एैल्हेरेलेंईं तैनेंई एक्की होरी सिं इन ज़ोनू शुरू कियूं की तै गलत केरी राहोरो थियो| यीशुए तैना गलां केरते शुन्ने, एैल्हेरेलेंईं तैनी तैन इ कहानी शुनाइ|

"अक मैनू थियो ज़ैस दूइ माठां थियां| निकड़े मठे बाजी सिं ज़ोवं, 'हे बाजी, मीं हुनां मेरो हिस्सों लोड़ते!' ते बाजे अपने दुईए माठन जैइदाद बेंन्टतं दिती|

OBS Imageतैन इसेरे बाद, ज़ैड़ी निकड़ू मठु थियुं तैस देशे मं बड़ो अकाल पेव्, ते तैस का रोटी घिन्नेरेलेंई पेंइसे न थिए| एैल्हेरेलेंई तैस ज़ैन कम मैलू तैन सुर च़ारनेरू थियुं| तै एैत्रो दुखी ते ढलुखोरो थियो की तै ज़ैन सुर खाते थिए तैन खानु चतो थियो|"

"आखरकार, तैनी निकड़े मठे अपने-आपे सिं ज़ोवं, अवं कुन लगोरोंई केरने? मेरे बाजेरे सेभी नोकरान का भी खानेरे लेंई घटो नई, ते अवं अवं इड़ी द्लुखनो मेरी रहोरोईं| अवं अपने बाजी का वपस गालो ते अपने बजेरो नोकर बन्नेरी गुज़ारिश केरेलो|"

"ते तैनी निकड़े मठे वपस अपने बाजेरे घारे गंनेरु सफ़र शुरू कियूं| हलाकी तै हेजु दुरे थियो, तैसेरे बाजे तै लव ते तैस पुड़ तरस खव| तै देवड़तं अपने मठे का जेव ते तिसरे गले लेगतं फुमड़ी दिती|"

"तैनी मठे ज़ोवं, हे बाजी, मीं परमेशरेरे ते तेरे खिलाफ ते तेरे खिलाफ पाप कियोरोए| अवं तेरु मठु भोनेरे लैइक नई|"

"पन बाजीए अपने एक्की नोकरे सिं ज़ोवं, 'जल्दी गेइतं रोडां लिकड़ां आनं! एैसेरे एनगलोइ अवंठी एैसेरे पांवन बूट लुवाथ| फिरि सेभन रोडू गबड़ू मारा ताकि अस खाम ते खुशी मनाम, किजोकी मेरु मठु मरोरू थियुं, पन हुनी ज़िन्तुए! तैन हेरोरू थियुं, पन हनी असन मैलोरुए!'

"एैल्हेरेलेंई लोकेंई खुशी मनानी शुरू की| कीच वक्त बितनेरे पती, बडू मठु उडारे मरां कम केरतं घरे अवं| तैनी गीतां ते नाच़नेरी अवाज़ शुनी ते हेरान भोव की एैन कुन भोई राहोरु थियुं|

"ज़ैखन बड़े मठे पतो लगो की तैना खुशी इल्हेरेलेंई लगोरे थिए मनाने किजोकी तैसेरो निक्ड़ो ढ्ला घरे एव्रो थियो, तै बड़ो सेरकोव ते घरे मं अन्तर न लगो एजने| बाजे बेइर एइतं तै तैन सिं साथी खुशी मनानेरे लेंई तैस का बिनती की, पन तैनी न कियूं|"

"तैनी बड़े मठे अपने बाजी सिं ज़ोवं, 'इना सारे सालन मं मीं तेरे लेंई ईमानदैरी सिं कम कियूं! कधी भी तुशी गल न टाली, पन तुसेंई कधी भी मीं अक छ़ैली भी न दीती की अवं अपने दोस्तन सिं साथी खेइपीं| पन तुशे एैनी मठे अपनो सारो पेंइसो पाप केरने मं बर्बाद कियो| ते हुनी तै एवरोए ते तैसेरे लेंई खुशी मन्नानेरे लेंई तीं पेठलु मरोरोए!'

बाइबलरी कहानी लूका अध्याए 15:11-32