36. शकल बेदलोई

एक्की दिहाड़े, यीशुए अपने ट्लाइ चेल, पतरस ,याकूब , ते यूहन्न एपूसिं साथी नीये| (इ यूहन्न नावेंरो चेलो यूहन्न तै मैनू नई ज़ैनी यीशु बपतिस्मो दितोरो थियो ) तैना प्रथना केरनेरे लेंईं एक्की पहाड़े पुड़ जे|

ज़ैखन यीशु प्रथना केरी राहोरो थियो त तैसेरू तुत्र सुरजेरु ज़ेरु चामकने लगू | तैसेरां लिगड़ां लोअरां ज़ेरां छ़ित्तां भुआं, एररां छ़ीतं धेरती पुड़ कोई न केरी सखे|

तैखन मूसा ते एलीयाह भवष्यवाणी केरनेबालो बंदे भोए| एैना मैनू इस धेरती पुड़ कई शाव साल पेइले राते थिए| तैनेंई यीशु सिं तैसेरे मवतरे बार मं गलां की, किजोकी तै जल्दी यरूशलेमे मं मेरी ग्लो|

ज़ैखन मूसा ते एलिय्याह यीशु सिं गलां केरी रहोरे थिए तैख्न पतरसे यीशु सिं ज़ोवं, "इशे लेंई भालुए| अस ट्लाइ मंदरां बनाम, अक तेरे लेंई , अक मूसारे लेंई ,ते अक एलिय्याहेरे लेंई|" पन पतरस न थियो ज़ानतो की तै कुन लगोरोए ज़ोने|

ज़ैखन पतरस यीशु सिं गल केरी राहोरो थियो, त अक चमकती बिद्लार उन्ढी आई ते तैन पुड़ पेइ| फिरि तैनेंई बिदलारी मरां अवाज़ एइती शुनी|, तैनी ज़ोवं, "इन मेरु मठुए ज़ैस पुड़ अवं खुशंई| अवं तैस पुड़ खुशंई| अवं तैस पुड़ खुशंई| एैसेरी शुना|" तैना ट्लाए चेले डेरी जे ते ज़मीनी पुड़ लेटे|

तैखन यीशुए तैन्न सिं हाथ लव ते ज़ोवं, "डरा न्न|" ज़ैखन तैनेंई च़ेवरे पसन ताकू, त तैड़ी सीर्फ यीशु थियो|

बाइबलरी कहानी त्ती अध्याए 17:1-9; मरकुस अध्याए :2-8; लूका अध्याए :28-36