39. यीशु पड़ मुकदमो च़लते

हुनी इ एधी रातरो वक्त थियो। तैना सैनिकेंइ यीशु महायाजकेरे घरे आनो, किजोकी तै यीशु सवाल पुछने चाटो थियो। पतसर दूर-दूर तैन पतपती थियो। ज़ैखन सैनिकेंई यीशु घरे मं नियो, त पतरस बेइर रुको ते आग लगो तपने।

घरे मं, यहूदी लोकेंईं यीशु पुड़ी मुकदमो च़लाव। तैनेंई तैसेरे खिलाफ़ गुवाही देनेरे लेंईं बड़े झूठे गुवाह आने । हालाँकि, तैनकेरी गलां एक्की होरी सिं मीलती न थी, एैल्हेरेलेंई यहूदी अगुवेंई एैन साबीत न केरी बाट्टू की तै केंन्ची गली दोषी थियो । ते यीशुए किछ न ज़ोवं।

ते अखइरी, महायाजके सिधू यीशुएरां तेकतं ज़ोवं, "असन सिं ज़ो की कुन तू ज़ीन्ते परमेशरेरू मठु मसीह आस?"

यीशुए ज़ोवं, "अवं आईं, ते तुस मीं परमेशरे सिं साथी बीशोरे ते सुर्गेरां एइते लाहेले ।" महायाजके अपनां लिकड़ां छ़ीन्दां किजोकी यीशुए ज़ोवं, तैस गली पुड़ तै सेरकोरो थियो। तै होरी अगुवं पुड़ सेरकोव, "असन इन ज़ोनेरे लेंई होरी केंन्ची गुवाहेरी ज़ुरूरत नई की इनी मैंने कुन कियोरुए ! तुसेंईं एप्पू एैस करां इन ज़ोंतु शुनोरुए की एै परमेशरेरू मठुए । एैल्हेरे बारे मं तुशो कुन फेस्लोए?"

सब यहिदी अगुव्हेंई महायाजके जवाब दितो, "एै मारनेरे काबले!" तैखन तैनेंई यीशुएरे एछ़न पुड़ी पट्टी बंधी, तै पुड़ थूक्कू, तैस बैइ, ते तैसेरो मज़ाक उड़ाव।

ते पतरस, ज़ैखन तै घ्रेरे बेइर बलगने लगोरो थियो। तैखन एक्की नोकर कुइयं तै लाव। तैसां ज़ोवं "तू यीशु सिं साथी थियो!" पतरसे नां ज़ोवं। बादे मं, केंन्ची होरी कुइयं एैने ज़ोवं। अखीरी किछ लोकेंई ज़ोवं, "अस ज़ान्तम की तू यीशु सिं साथी थियो किजोकी तुस दुईए गलीलेरेथ।"

तैखन पतरसे ज़ोवं, " अगर अवं एैस मैनू ज़ान्तो त परमेशर मीं शाओ दे !" अकदम पतरस एैन्च़रे कसम खानेरे बाद, एक्की कुक्कड़े बांग दिती। यीशुए पतरोंरवं मुड़तं पतरसेरां तक्कू ।

पतरस तैठां च़लो जेव ते तैनी बेड़ी लेररां दीती, यीशु ट्लूवाने बाले यहदे हेरू की यहूदी अगुवेंई यीशु मवतरी सज़ा दितोरीए । यहूदा बड़ो दुखी भोव ते गेइतं अपनी जान काढी।

ते हुनी तैस देशेरो गुवरनार पिलातुस थियो। तै रोमी मुलाज़ोम थियो। यहूदी अगुवहे यीशु घिन्नतं तैस का आए । तैना चाते थिए की पिलातुस तैस मव्तरी सज़ा दे ते तैस मारे। तैखन पिलातुसे यीशु करां पुछू, "कुन तू यहूदी केरो राज़ोस ?"

यीशुए जवाब दितो, "तीं सचे ज़ेवरुए। पन मेरु राज़ इठेरु येनीकी धेरतरू नई। अगर भोथू मेरे चेले तैसेरे लेंई युद्ध केरेथे। अवं धेरती पुड़ परमेशरेरे राज़ेरी सच़्चा़ई ज़ोने एवरोई। हर अक मैनू ज़ै सच़े सिं प्यार रखते तै मेरी शुन्नते।" पिलातुसे ज़ोवं, "त सच़ कुने?"

यीशु सिं गलां केरनेरे बाद, पिलातुसे बेइर एइतं लोकन का गेईतं ज़ोवं, "मीं एरी कोई वजा न लेहीए की एै मैनू मारो गए ।" पन यहूदी अगुव्वेंई ते लोकेंई चीन्डां मैरतं ज़ोवं, "तैस क्रुसे पुड़ च़ड़!" पिलातुसे जुवाब दितो, " एैस मं किछ भी गलती या दोष नई ।" पन तैना होरी भी ज़ोरे-ज़ोरे चीन्डां मैरने लगे। तैखन पिलातुसे ट्लेइयोवं बार ज़ोवं, "एै दोषी नई!"

मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी