40. यीशु क्रूसे पुड़ चाड़तन

यीशुएरो मज़ाक बनानेरां बाद, सैनिक तै क्रूसे पुड़ चाड़नेरे लेंई । नीयो। ते तैनेंइ तै न क्रूस भी तैसेका का छुनेरे लेंईं दीतु ज़ै स पुड़ तै मारेलो

तैना सैनिकेंई यीशु तैस जिगी पुड़ घिन्न तं आए ज़ैस जो "खोपड़ी" ज़ोत्न ते तैसेरे हाथ ते पावन क्रूसे पुड़ किल दिते। पन यीशुए ज़ोवं "हे बाजी, एैन माफ़ केर , किजोकी एैना न ज़ान्न की एैना कुन लगोरेन केरने।" ते तैनेंई तैसेरे दोगे पुड़ अक्क फट्टी भी लाई ।" तैस पुड़ लिखोरू थियुं यहूदी करो राज़ो, "पिलातुसे तैन्न सिं इन लीखेनेरे लेंई ज़ेवरू थियुं ।

तैखन सैनिकेंई यीशुऐरे लिकड़ां केरे लेंई चीठी। ज़ैखन तैनेंई एैन कियूं त तैनेंइ तै भवष्यवानी पुरी की ज़ै ज़ोती थी, "तैनेंई मेरु मठेरां लिकड़ां एप्पू मंमेंइ बन्टां, ते मेरे लिकड़ां केरे लेंई चिठी छे़डी।"

तैड़ी दुई डैकू थिए, ज़ैना सैनिकेंई तैसे वक्ते क्रुसे पुड़ च़ाड़रे थिए। तैनेंई तैना अक्क यीशुएरे एक्की पासे ते होरो होरी पासे रख्खोरे थिए । तैन ,मारां एक्की डैके यीशुएरो मज़ाक बनाव, पन होरे ज़ोवं, "कुन तू न दरस की परमेशरे ती दंड देनोए? अस बड़ां बुरां कमां केरेनेरे दोषीम, पन इ मैनू निर्दोशे।" फिरी तैनी यीशु सिं ज़ोवं, "ज़ैखन तू अपने राज़े मं एजेलो त मीं याद रेखां ।" यीशुए जुवाब दितो, "तू अज़े मीं सिं साथी सुर्गलोके मं भोलो।"

यहूदी अगुव्वेंई ते बाकी भीड़रे लोकेंई यीशुएरो मज़ाक उड़ाव। तैनेइ तैसेंई ज़ोवं, " अगर तु परमेशरेरू मठुस, त करुसे पुड़रां ओसतं बुन एई ते अपने आपे बंच़ा! तैखन अस तीं पुड़ विशवास केरमेले ।"

तैखन तैस पुरे देशेरू आस्मांन पु रे तरीके सिं बंद भोवं, भले ही तै दिहैरो वक्त थियो। एै दीसारो वक्त थियो ते ट्लाई घैन्टे अंधारु रावं।

तैखन यीशुए हक़ देइतं ज़ोवं, पुरु "भोवं! हे बजी, अवं अपनी आत्मा तेरे हाथे मं सोंफतंई ।" तैखन तैनी अपनी करोड़ी लेकी ते प्राण दिते। ज़ैखन तै मरो त त अक भून्ज़ल अव। ते तै बडो पाड़दो ज़ै लोकन परमेशरे का गंने करां रोकतो थियो बेंइए पासेरां बून तगर छ़न्दोइतं तैसेरे दुई टुकड़े भोए।

एपनी मवती सिं, यीशुए लोकं केरे लेंई परमेशरे का एजनेरी बत्त खोली। ज़ैखन एक्की सैनिके ज़ै यीशुएरी निगरानी केरने लगोरो थियो तैनी एैन सब हेरू त तैनी ज़ोवं, "सच़े एै मैनू निर्दोष थियो। एैन परमेशरेरू मठुए।"

मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी