41. परमेश्वर यीशु मुड़दन मरां ज़िन्तो केरते

सैनिकं केरे ज़िरहे यीशु क्रूसे पड़ च़ादेड़नेरे बाद, यहूदी अगुव्वेंई पिलातुसे सिं ज़ोवं, "तैनी झूठे, यिशुए ज़ेवरू थियुं की तै ट्लाइ दिहैड़ी केरे बाद मुड़दन मरां ज़िन्तो भोंनोए। ते केंन्चे इन पक्कू केरनेरे लेंई कबरारी निगरानी केरनी पेनिए की तैसेरे चेले तैसेरी लाश च़ोरतं न नेंन । ते अगर तैना एैन्च़रां केरतन त तैनेंइ ज़ोनुए की तै मुड़दन मरां ज़िन्तो भेवरोए।"

पिलातुसे ज़ोवं,"किछ सैनिकन नेथ, ते ज़ैन्च़रे तुस चातथ तैन्च़रे कबरारी निगरानी करा।" एैल्हेरेलेंइ तैनेंई तैस कबरी पुड़ छ़ाडोरे घोड़े पुड़ मोर लाइ। इन पक्कू केरनेरे लेंई तैड़ सैनिक रख्खे की कोई भी तैसेरी लाश च़ोरतं न नेइ बटे।

यीशुएरे मरनेरे बादेरी दिहाड़ी सब्तेरी दिहाड़ी थी। कोई भी सब्तेरे दिहाड़ी कम न थियो केरी सखतो, एैल्हेरेलेंइ यीशुएरो कोई भी दोसत कबरी पुड़ न थियो एवरो। पन सब्तेरे दीहैड़रां बाद होरी दीहैड़ी, झ़ेझां, ककिछ कोंशां यीशुएरे कबरी पुड़ गंनेरे लेंई तियार भोई। तैना तैसेरे जानी पुड़ मसालो लानो चैती थी।

तैना कोंशां केरे पुज़नेरे पेइले, कबरी पुड़ अक बड़ो भून्ज़ल आव। सुर्गेरां एक्की दुर्गदुते एइतं तै घोड़ घसाव ज़ैसेंई कबर बंद थी ते तै सर्गदुत तैस घोड़े पुड़ बिशो । एै सर्गदुत लोअरो ज़ेरो चमकाने लागोरो थियो । कबरी पुड़ ज़ैना पेरदार थिए तैनेंइ तै सर्गदुत लाव । तैना एत्रे डारोरे थिए की मारोरे ज़ेरे तले जो बीछ़ड़े

ज़ैखन तैना कोंशां कबरी पुड़ पुज़ी त स्वर्गदूते ज़ोवं, "डरा न्न। यीशु इड़ी नी तै मुड़दन मरां ज़िन्तो भेवरोए, ज़ैन्च़रे की तैनी ज़ेवरू थियुं की तै मुड़दन मरां ज़िन्तो भोनोए! कबरी मं टोपा ते हेरा।" तैना कोंन्शेंई कबरी मं ज़ैड़ी यीशुएरी लाश रख्खोरी थी हेरू की तैसेरी लाश तैड़ी न थी!

तैखन तैनी स्वर्गदूते तैना कोंशन सिं ज़ोवं, "गेइतं तैसेरे चेलन ज़ोथ, यीशु मुड़दन मरां ज़िन्तो भोनोए ते तै तुस्न करां अगरी गालीले जो गालो ।'"

तैना कोंशन हेरान भोई ते बेड़ी खुश भोई । तैना चेलन एै रोड़ी खबर शुन्नेरे लेंई देवड़ी।

मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी