42. यीशु स्वर्ग वपस गेत

ज़ैदिहाड़े परमेशरे यीशु मुड़दन मरां ज़िन्तो कियोरो थियो, तैसेरे दुई चेले नेड़े होरी ड्ल्व्वें च़लोरे थिए। ते तैसेरे बारे मं गल केरी राहोरे थिए, तैन्न उमीद थी की तै मसीहा थियो, पन तै मेरी जेवरो थियो। हुनी तैना कोंशां ज़ोचन की तै ज़िन्तो भेवरोए। ते तैना न थिए ज़ान्ते की कोस गली पुड़ विश्वास कियोरो लोड़े।

यीशुए तैन का एइ तं तैन सिन साथी च़लनू शुरू कियूं, पन तैनेंइ ता पिशानो न्न। तैनी तैन पुछ़ू की तुस कोस बारे मं गल केरी राहोरे थिए। ते तैनी तैसेंई यीशु सिं बीतोरी सैरी गालन ज़ोई। तैनेंई सोचु की तैना केंन्ची परदेशी सिं गल केरी राहोरे थिए ज़ै न थियो ज़ान्तो की यरूशलेमें मं कुन भेवरू थियुं।

तैखन यीशुए तैन समझ़ावं की परमेशरेरू वचन मसिहेरे बारे मं कुन ज़ोते। बड़े पेइले,भविष्यवाणी केरनेबालेंई ज़ेवरू थियुं की बुरे लोक मसीहा दुःख देले ते मैरी छ़़डेले। पन भविष्यवाणी केरनेबालेंई इन भी ज़ेवरू थियुं की तै ट्लेइयोवं दिहाड़े मुड़दन मरां ज़िन्तो भोलो ।

ज़ैखन तैना नगरे मं पुज़े ज़ैड़ी तैना दुई मैनू रुक्नू चाते थिए, तैखन तगर लगभग ड्लावझ़ भोई जेवरी थी। ते तैनेंई यीशु भी एप्पू सिं साथी बिषनेरे लेंई ज़ोवं, ते तै तैन सिं साथी एक्की घरे मं जेव। तैना ड्लाइ खानेरे लेंई बिश्शे। ते यीशुए अक रोटी ट्लेइतं परमेशरेरू शुक्र कियूं, ते फिरि तै ट्लोड़ी। ते अचानक तैन पीटीओ लगो की तै यीशु थियो।ते तैखने तै तैनकेरी एछ़न करां छ़पन्त भोइ जेव।

तैना दुई मैनेइ एक्की होरी सिं ज़ोवं, "तै यीशु थियो! एैल्हेरेलेंई ज़ैखन तैनी परमेशरेरू वचन समझ़ेवरु थियुं त अस बड़े जोशीले भेवरे थिए! एकदमें, तैना निसतं यरूशलेमें जो जे। ज़ैखन तैना पुज़े त तैनेंइ चेलन सिं ज़ोवं, "यीशु ज़िन्तोए ! असेंइ तै लाहोरोए !"

ज़ैखन चेल ज़ोने लगोरे थिए, यीशु अचानक तैस कमरे मं तै का बंदो भोव। तैनी ज़ोवं, "तुस्न शांती मैले!" चेलेंई सोचु की एैन कोई भूत थियुं, पन यिशुए ज़ोवं, "तुस कीजो डरतथ? तुस इन की न सोचथ की अवं,सच़े यीशु आईं? मेरे हाथ ते पपाव हेरा। भुत्न का एरो शरीर न भोए ज़ेरो मीं काए।" इन हिरानेरे लेंइ की तै कोई भुत न थियो, तैनी खानेरे लेंई किछ मगु। तैनेंई तै मेछलारो अक टुकड़ो दितो, तैनी तै खाव।

यीशुए ज़ोवं, "मेरे बारे मं परमेशरेरू वचन ज़ैन किछ भी ज़ोते तैन भोलू। मीं तुसन सिं ज़ेवरू थियुं की एैन भोंनू ज़रुरीए ।" तैखन यिशुए परमेशरेरू वचन तैन रोड़े च़ारे समझ़ावं। तैनी ज़ोवं, "बाड़े पेइले भविष्यवाणी केरनेबालेंई लिखोरुए थियुं की मीं, मसीहे दुःख झ़लनो पेनोए, मरेलो ते फिरि ट्लाइयों दिहाड़े फिरि ज़िन्तो भोलो

भविष्यवाणी केरनेबालेंई लिखोरुए थियुं की मेरे चेले परमेशरेरे वचनेरी घोषणा केरेले। तैनान हर केन्ची पश्चाताप केरनेरे लेंई ज़ोले। ते अगर तैना एरु केरतन त परमेशर तैनकेरे पाप माफ़ केरेलो। मेरे चेल इ रोडी खाबर यरूशलेमें मारां परचार केरनी शुरू केरेले। तैखन हर जिगाई ते हर ज़ाती मं गले। तुस मेरे हर कम ते हर गलारे गुवाहथ ज़ैन मीं ज़ोवं ते कियोरु थियुं, ते सेभी तैना गलां केरे ज़ैना मीं सिं बीतोरी थी ।"

तैलां बाद 40 दिहैड़ी केरे दवाराने मं, यीशु अपाने चेलन पुड़ बंदो भोव। एक्की बार 500 करां भी ज़ैदां मैन्न पुड़ पैदा भोव! तैनी अपने चेलन कई बार साबित कियूं की तै ज़िन्तो थियो ते तैनी तैन परमेशरेरे राज़ेरे बारे मं शिक्षा दिती।

यीशुए अपने चेलन सिं ज़ोवं, "परमेशरे मीं सुवर्ग ते धेरतारे हर एक्की मैनू पुड़ राज़ केरनेरु हक़ दितुए। एैल्हेरेलेंइ अवं तुस्न सिं ज़ोतंई: गेइतं सेभी ज़तां केरे लोकन चेले बनत। एैन केरनेरेलेंईं, तुसेंईं तैन बाजी. मठु, ते पवित्र आत्मारे नव्वें सिं बपतिस्मा देनोए। ज़ैन भी मीं तुस्न हुक्म दितीरोए तैना सभ गलां मेन्नी शिखैलथ।, याद रेखथ की अवं तुस्न सिं साथी रालो।"

मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से एक बाइबल की कहानी