4. अबरहामे सिं परमेशवरेरो करार

पैनेरी हड़ैयरे बड़े सालां केरे बाद संसारे मं बड़े लोक राते थीए ते तैनेंइ फीरी परमेशरेरे ते एकी होरेरे खीलाफ़ पाप कीयो कीजोकी तैना सब एके भाषा केरते थीए एैल्हेरेलेंइ तैना अकोठे भोए ते पुरी धेरती मं भेरोनोरे परमेशरेरे हुक्मेरे खीलाफ तैनेंइ अक नगर बनेइतं एकी जीगाई रांनेरो फेसलो कीयो

तैना बड़े घुमंदी थीए तैनेंइ केन्च़रे ज़ीयोरू लोड़े एैल्हेरे बारे मं तैना परमेशरेरे हुक्मां केरे खीलाफ़ च़ालानु चाते थीए इड़ी तर की तैनेंइ अक एरु मीनार बननु शुरू कीयों ज़ैन अम्बरे तगर पुज़े ते परमेशरे हेरू की अगर तैना साथी मीलतां बुराई केरेले तैना बड़ां पापेरां कामं केरेले

एैल्हेरेलेंइ परमेशरे तैनकेरे भाषी बेड़ी अलग-अलग भाशांन मं बदली ते तैना अपनी-अपनी बोली केरने लगे ते परमेशरे तैना सैरी ढेरती पुड़ फेलाए ते ज़़ैन नगर तैनेंइ बनानु शुरू कियोरू थीयुं तैस जो बाबेल ज़ोवं ज़ैलहेरो मतलबे गड़बड़ी

कई सालां केरे बाद परमेशरे अबरहाम नावेंरे एकी मैनू सि गल की परमेशरे तैसेंइ ज़ोवं अपने देशे ते अपने बाजेरे घरे छ़ेडतां तैस देशे मां च़लो गा ज़ै अवं तीं हरेइलो अवं तीं बरगत देलो ते तीं करां अक बड़ी बडी ज़ात बनालो अवं तेरु नवं महान केरेलो ते ज़ै तीं आशिर्वाद दे तैस अवं बरगट देलो ते ज़ैना तीं फिटकार देन, तैन अवं लानत देलो ते दुनियारे सारे लोकन तेरे ज़िरिये बरकत मैलेली

ते अबराहमे परमेशरेरी गल मानी तैनी अपने सैरी सेवकन ते अपने पुरी परैपटी सने अपनी लाड़ी सारा एपू सिं साथी नी ते तैस देशे येनी कनान देशे जो च़लो जेव ज़ै परमेशरे तैस हीरेवरो थीयो

थीयो ज़ैखन अबरहाम कनान देशे मं पुज़ो त परमेशरे तैसेंइ ज़ोवं अपने च़ेवरे पासे तक अवं इ देश तीं ते तेरे अव्लाधी देलो ते इस देशे पुड़ तेरी अवलध हमेशा हक रखेली तैखन अबराहम तैस देशे मं बेसी जेव

जेव मल्किसिद्क नवेंरो अक अक मेनूबार थीयो तै सच़े परमेशरेरो याजक थीयो एकी दीहाड़े ज़ैखन युध करनेरां बाद एजी रहोरो थीयो त अबराहम ते तै मीले ते मल्किसिद्के अबराहमे बरगत दीती साच़ो परमेशर ज़ै ज़मीन ते अस्मनेरो मालिके तै तीं बरगत दे ते फिरी अनाराहमे युधे मं ज़ीतोरी हर चीज़रु दशोवं हीसो मल्किसिद्के दीतो

कई साल बीते पन हेजु तगर अबरहामे ते सैरा कोई बच्चो न थीयो त परमेशरे अबरहमे सिं गल की ते फीरी तैसेंइ वधो कीयो की टीन अक मठु भोलू ते ज़ैतरे अम्बरेरे तारेन तैतरी तेरी अवलध भोली अबरहमे परमेशरेरे वधे पुड़ विशवास कीयो ते परमेशरे इन पाकु कियों की अबराहम धर्मी मैनु थीयो किजोकी तैनी परमेशरेरे वधे पुड़ विशवास कीयोरो थीयो

बाइबलरी कहानी उत्पत्ति अध्याए 11-15