5. वाधेरू मठु

अबराहम ते सैरारे कनान देशे मं पुज़नेरे दश सालां केरे बाद हेजु तगर भी तैन अवलध न थी भेवरी ते एैल्हेरेलेंइ सैरां अबराहमे सिं ज़ोवं किजोकी परमेशरे हेजु तगर मीं अवलध न दीती ते हुनी अवं बुढी भेवरीं ते बच्चो ज़ानेरे काबल नई ते हेर मेरी दासी हाज़िर तेरे सामने ते एैस सिं ड्ला बना की तै मेरे लेंइ बच्चो पैदा केरे

ते अबरहमे हाज़िर सिं ड्ला बनाव ते हाज़िरां अक मठू ज़वं ते अबरहमे तौसेरू नवं इशमाएल रखु पन सैरा हाज़िर पुड़ ज़लने लगी ते ज़ैखन इशमाएल 13 सालां केरो थीयो त परमेशरे फीरी अबरहामे सिं गल की

परमेशरे ज़ोवं अवं सर्वशक्तीमान परमेशरांइ अवं तीं सिं अक करार केरेलो|" तैखन अबरहामे ज़मीनी पुड़ लेटतं परमेशरे का माथो टेको | परमेशरे अबाराहामे सिं इन भी ज़ोवं, "तू बेड़ी ज़तां केरो बाजी भोलो| अवं तीं ते तेरे अवलाधी तैनकेरी अपनी ज़मीन भोनेरेलेंईं कनान देश देलो ते अवं हमेशारे लेईं तैनकेरो परमेशर भोलो| तीं अपने घरानेरे है परुषेरू खातान केरनूए|

तेरी लड़ी सैरा अक माठु ज़ाली तैन वधेरू मठू भोलू तू तैसेरू नवं इसहाक रेखां अवं तैसेंइ अपनो करार नीभालो ते तैस करां अक बडी ज़ात बनेली अवं इशमएले करां भी अक बडी ज़ात बनलो पन मेरो करार इसहाके सिं रालो तैखान परमेशरे अब्रामेरु नवं बदलतं अबरहाम राखु ज़ैल्हेरो अर्थे बड़े लोकां करो बाजी ते परमेशरे सैरारु नवं भी बेदलतं सारा राखु ज़ैसरो अर्थे मूल माता येनी की असली हैइ

हैइ तैस दीहाड़े अबाराहामे अपने घरेरे सेभी मड़दां केरू खतना कियों लगभग एकी सालेरां बाद ज़ैखन अबरहाम 100 सालां केरो भोव ते सारा 90 सालां केरी भोई त तैखन सारां अबराहामेरु अक माठु ज़ावं ज़ीन्च़रे परमेशरे तैसेंइ ज़ेवरू थीयुं ते तैनेंइ तैसेरू नवं इसहाक राखु

ज़ैखन इसहाक जुवान भोव त पमेशरे इन जोइतं अबराहामेरी परीक्षा की अबरहाम अपने एकी मठे ने ते तैस मेरे लेंइ बली च़ाड़ ते फिरी अबराहामे परमेशरेरी गला मानी ते अपने मठेरी बली देनेरे लेंइ तीयर भोव

ज़ैखन अबरहाम ते इसहाक बली च़ाड़नेरे जीगाई जो च़लोर थीए त इसहाके पुछ़ू हे बाजी असन का बलि केरनेरे लेंइ एजी ते कैड़ू त आन पन गबड़ू कोड़ीए त अबरहामे जुवाब दीतो की बेलारे लेंइ गबड़ेरो इंतजाम एप्पू कमालो

ज़ैखन तैना बली च़ाड़नेरे जीगाई पुज़े त अबराहामे इसहाक बेन्धतं वेदी पुड़ लेटव तै अपने मठे मरने बालो थीयो त परमेशरे ज़ोवं रुक अपने मठे न मार हुनी मीं समझ़ोरुए की तू मेरो डर मनतस कीजोकी तीं अपनू एके मठु भी मीं करां ज़ैदां बुझ़ू

ते तैड़ी नेड़े अबराहामे अक गबड़ू झै़लांन मं फसेरु लावं ते तैनी इसहाकेरे बदले तैन बली च़ाड़ू ते परमेशरे ज़ै इसहाकेरे बदले बली देनेरे लेंइ गाबड़ेरो इन्तज़ाम कीयो त तैनी बड़े खुशी सिं गाबड़ू बली कियूं

बाइबलरी कहानी उत्पत्ति अध्याए 16-22