6. परमेशर इसहांकेरे लेंइ इंतज़ाम केरते

ज़ैखन अब्राहम बड़ो बुढो भोई जेव त तैसेरू मठु ड्लेरी उमररु जुवान भोई जेवं ते एल्हेरेलेंई अब्राहम अपनो अक सेवक इसहाकेरे लेंई लाड़ी अन्ने तैस मुलखे मं भेज़ो ज़ैड़ी तैसेरे रीश्ते दार राते थीए|

ज़ैड़ी अब्रहमेरे रिश्तेदार राते थीए तैस मुल्खे मां गनेरे लेंई बड़े लामे सफ़रेरां बाद परमेशरेरे अब्राहमेरे सेवकेरी मुलाकात रिबीका सिं करावाई ज़ै अब्र्हामेरे ढ्लेरी पोट्ड़ी थी

रिबका अपनू परिवार छ़ेडतं अब्राहमेरे सेवके सिं साथी गानेरे लेंई मेनी जेई त ज़ेरां तेना पुज़ां इसहाके तैखने तैसिं ड्ला बनाव|

एक्की लामे व्क्तेरां बाद, अब्राहम मेरी जेव तैखान परमेशरे अब्राहमेरे मठ्ठे इसहाके, अब्राहामे सिं कियोरे करारेरे वजी सिं बरकत दिती| तैस करारे मं परमेशरेरो अक वदो थीयो की अब्राहमेरी अनगिणित औलध भोली की तैस कोई गेनी भी न बटेलो पन इसहाकेरे लैड़ी रिबका कोई बच्चो न भोव|

इसहाके रिबकारे लेई प्रार्थना की ते परमेशरे तैसरे पेटे मं दुई बच्चे पैदा केरनेरे लेंई काबल बनाई| पन ज़ैस वक्ते तैना बच्चे रिबकरे पेटे मां थीए त तैना एप्पू ममेंई लड़ने लगे एल्हेरेलेंई ज़ैन किछ भोई रहोरू थीयुं तैन सब किछ रिबका परमेशरे सिं ज़ोव|

परमेशरे रिबका सिं ज़ोवं तू दुई मटठं ज़रम देली ते तैन केरी दुई अलग-अलग ज़तां बेनेली तैना अकि होरी सिं लाड़ेले| पन बड़े मठ्ठे करां पैदा भोने बाली ज़ातरो निकड़े मठे करां बन्ने बैली ज़ातरो हुक्म मन्नो पेलो|

बाइबलरी मरां अक कहानी उत्पत्ति अध्याए 24:1-25:26