7. परमेश्वर यकुबे बरगत देते

ज़ैखन तैना बच्चे बड़े भोए त याकुबे घरे रांनु रोड़ू लगु पन एसावे जानबरां केरो शीकार केरनो पसंद आव रिबाकां यकुबे रे पासे आपनो दील लव पन इज़हाके इसावे सिं प्यार कीयो

एकी दिहाड़े एसाव शीकार केरतं वपस आव त तैस बड़ी ढ्लुख लगोरी थी ते एसावे यकुबे सिं ज़ोवं तीं ज़ै रोटी बनेवारीए तैसमरां थोड़ी ज़ेरी मिमीं दे त याकुबे जुवाबी दीतो पेलो मीं सिं इ वधो केर की तु बडू मठु भोनेरे वजी सिं हर चीज़ ज़ै तीं मैलनीए तैन सब किछ तू मीं देलो ते एसावे याकुबे सिं सब किछ देनेरो वधो कीयो तैखान याकुबे तैस खाने जो रोटी दीती

इज़हाक एसावे बरगात देनी चातो थीयो पन एैस करां पेइले तैनी एरु कियूं रिबाकां ते याकुबे मिल्तां इन कीयुं की याकूब एसाव बन्नेरू ढोंग केरतां तैसेंइ धोखो कियो इज़हाक बुढो थीयो ते लेही न थीयो बटतो ते एैल्हेरेलें याकुबे एसवेरां लीकड़ां लां ते छ़ेली केरी खैड़ी एपने पैखड़ी ते गले सिं पलेटी

याकूब इज़हाके का आव ते ज़ोवं अवं एसाव आईं अवं एैल्हेरेलेंइ एवरोंइ की तुस मीं बरगत देथ ते ज़ैखन इज़हाके छ़ेली केरे बलान सिं हाथ लव ते लिकड़ां केरी मुश्क शीन्घी त तैनी सोचु की एैसावे ते इज़हाके तैस बरगत ददीती

एसवे याकुबे पुड़ ज़ला भोई किजोकी याकुबे तैसेरू बड़े मठेरु हक नीयोरू थियुं ते साथी तैसेरी बरगतां भी च़ोरी ते तैनी अपने बजी इज़हाकेरे मरनेरे बाद याकुबे मरनेरी योजना बनाव

पन रिबकां एसावेरी योजना शुनी एैल्हेरेलेंइ तैसां ते इज़हाके याकुबे अपने रिश्तेदारांन का रानेरे लेंइ भेजो

याकूब कई सालन तर रिबीकारे रिश्तेदारन सिं साथी राव ते तैस व्कतेरे दवरन तैनी ड्ला बनाव ते तैसारां 12 मठां ते अक कुइ भोई ते परमेशरे तै बड़ो धनी बनाव |

20 सालन तगर कानाने मं अपने घरे करां दूर रांनेरे बाद ते याकूब अपने टबरे अपने सैरी जानवरन घीन्तं वपस आव

याकूब इस वजाई सिं बड़ो डरोरो थीयो तैनी सोचु की एसाव हेजु भी तैस मारने चतो थीयो एैल्हेरेलेंइ तैनी तूफारे तोरे पुड़ी जनबार एसावे का भेज़े ज़ैना सेवक तैनां जानबर घिनतं एवरे थिए तैनेंइ ज़ोवं तेरो दास याकूब इनां जनबर तीं देतंइ तै जल्दी एजी रहोरोए

बाइबल की कहानी उत्पत्ति अध्याए 25:27-35:29