8. 8 परमेशर युसफ ते तैसेरे परिवारे बंच़ाते

बड़े सालां केरे बाद ज़ैखन याकूब बुढो भोइ जोरो थियो त तैनी अपनू मठु युसफ अपने ढ्लां केरो पतो केरने भेज़ो ज़ैना गबां केरी देखभाल केरी राहोरे थिए

यूसफेरे ढ्ला तैसिं नफ़रत केरते थिए किजोकी तैन्केरो बाजी तैसिं तैन करां ज़ैदां प्यार केरतो थियो ते इल्हेरे लेंइ भी की तै सुपनां हेरतो थियो की तै तैन पुड़ी राज़ केरनेबालो भोलो ज़ैखन युसफ अपने ढ्लांन का अव त तैनेंइ तै बंधो ते तैनेंइ तै बपैरन जो बेच़ो ज़ैकी मैनू घिन्नेरो ते बेचनेरो बपार केरते थिए

घरे वपस एजनेरे पेइले युसफेरे ढ्लेंइ युसफेरां लिड़ां छ़ीन्दतं तैना छ़ेल्ररे लेवे मं डोबां ते फिरी तैनेंइ तैना लिड़ां अपने बाजी हीरां ताकि तै इन सोचेलो की युसफ जंगली जानबारे मैरी छ़डोरोए ते याकूब बड़ो उदास भोव

दासां केरो बपार केरने बाले लोकेंईं युसफ मिस्र देशे मं नियो नील दरियेरे बने पुड़ बसोरो मिस्र देश अक बड्डो ते शक्तीशाली देश थियो ते तैना दासां केरो बपार केरने बालेंईं युसफ एकी सरकारी मैनू जो बेची छ़डो की तै एकी दासेरे हैसीयती सिं कम केरे ते युसफे अपने मलिकेरी रोड़े च़ारे सेवा की ते परमेशरे युस्फे बरगत दीती

युसफेरे मलिकेरे लैड़ां युसफे सिं साथी झ़ूलनेरी कोशिश की पन युसफे इस तरीके सिं परमेषरेरे खीलाफ पाप न केरनेरो फेसलो कीयो त तै बड़ी सेरकोई ते युसाफे पुड़ झ़ठो इलज़ाम लव ते एैल्हेरेलेंईं तै ट्लेइतं जेली मं छ़डो ते इड़ तर की जेली मं भी युसफ परमेशरेरे लेंईं वफ़ादार राव ते पेमेशरे तैस बरगत दिती|

दुई सालां केरे बाद, युसफ हेजु भी जेली मं थियो, भले तै बेकुसूर थियो एकी राती, फिरैन, ज़ैन्च़रे की मिस्री लोक अपने राज़न फुकारते थिए, राज़े दुई सुपनां हेरां ज़ैनेंईं की तै बड़ो बेचन कियो| ते तैसेरे साला देनेबालन मरां केन्चे भी तैसेरे सुपनेरो अर्थ न जोइ बटो|

ते परमेशरे युसफे सुपनां केरो अर्थ समझ़नेरी काबलीत दितोरी थी, ते एैल्हेरेलेंईं फ़िरैने युसफे जेली मरां एपू का कुजव ते युसाफे तैस तैसेरे सुपनां केरो अर्थ ज़ोव ते ज़ोवं, "की परमशर सत साल बड़ी फसल भोनेरां बाद सत साल अकला भेज़ने बालोए|"

फ़िरैने युसफ एैत्रो रोड़ो लगो की तैनी युसफ मिस रेरो सेभाना बड्डो मैनू बनाव

युसफे लोकन करां एच्छी फसलन बाले सत सालन मं बड़ू अन जमा केरनेरे लेंइ ज़ोवं ते ज़ैखन सत सालां केरो अकाल अव तैखन युसफे लोकन जो तैन अन बेचू ताकी तैन का खानेरे लेंईं भोए|

तै अकाल सिर्फ मिसरे मं नई पन कानाने मं भी बड़ो अकाल थियो ज़ैड़ी याकूब ते तैसेरू परिवार रातू थियुं|

ते एैल्हेरेलेंईं याकुबे अपनां मठां अन घिन्ने मिस्र देशे मं भेज़ां ते ज़ैखन तैना युसफेरे सामने खड़ां भोआं| त तैनेंईं अपनो ढ्ला युसफ न पिशानो पन युसफे तैना पिशाने|

इ पतो केरनेरे लेंईं की कुन तैना बेद्लोरेन की नई एै पतो केरनेरां बाद, युसफे तैन सिं ज़ोवं' "अवं तुशो ढ्ला युसफांईं| डरा न्न| ज़ैखन तुसेंईं अवं दास भोनेरे लेंईं बेच़ोरो थियो त तुसेंईं बुरु केरनेरी सोचोरी थी, पन परमेशरे तै बुराई भलैइयरे लेंईं इसतमाल क! एजा ते मिस्रे मं राथ ताकि अवं तुशे ते तुशे परीवारां केरे लेंईं रोटारो इंतज़ाम केरी बेटी|"

ज़ैखन युसफेरे ढ्ला घरे वपस अए ते अपने बजी यकुबे सिं ज़ोवं की युसफ हेजु भी ज़ीन्तोए त तै बड़ो खुश भेवरो थियो|

हालाकि याकूब अक बुढो मैनू थियो तां भी तै अपने पुरे परिवारे सिं साथी मिस्र मं जो च़लो जेव, ते तैना तैड़ी बेसी जे| याकुबेरे मरनेरे पेइले, तैनी अपने सैरी मठन बरगत दिती|

बाइबलरी कहानी उत्पत्ति अध्याए 37-50