44. पतरस और यूहन्ना अक्की भिख मगनेबाले को बझ़ातन

एक्की दिहाड़े, पतरस ते युहन्न मंदीरे मं जे। तैड़ी अक लैन्गड़ो मैनू भीख मागनेरे लेंई फाटके पुड़ बिशोरो थियो।

पतरसे तैस लैनगड़े मैनेरे पासे तकु ते ज़ोवं, "मीं का तीं देनेरे लेंई दुनीयारी किछ ख़ास चीज़ां त नई। पन ज़ैन मीं काए तैन तीं देतंई। यीशुएरे नव्वें सिं, उठ ते च़ल फीर !"

अकदम, परमेशरे तै लैनगड़ो मैनू बझ़ाव। तैनीइ इरां-उरां च़लनू शुरूकियूं ते छालां मैरतं परमेशरेरी स्तुति लगो केरनी शुरू की। ते मंदरेरे अंगने मं मैनू हेरान थिए।

ज़ै बझ़ाोरो थियो त जल्दी लोकं केरी अक भीड़ तैस मैनू हेरने आई। पतरसे तैन सिं ज़ोवं, "इ मैनू बझ़ाोरोए, पन एैस गली पुड़ हेरान न भोइयथ। असेंई एै एपनी शेक्ति सिं नई बझ़ेवरो, य इलारे लेंई नई की अस परमेशरेरी भागती केरतम। पन ज़ैनी एै अपने शेक्ति सिं बझ़ेनरोए तै यीशुए, किजोकी अस यीशु पुड़ भोरोसो केरतम।"

"तैना तुसेथ ज़ैनेंई रोमी गुवरनारे यीशु मारनेरे लेंई ज़ोवं, तुसेंई तै मारो ज़ै सेभन ज़िन्दगी देते । पन परमेशरे तैस मुड़दन मरां ज़िन्तो कियो। तुसेंई न समझ़ू की तुस कुन केरने ल्गोरे थिए, पन ज़ैखन तुस तैना कामां केरी राहोरे थिए त ज़ैन भविष्यवाणी केरने बालेंई ज़ेवरू थियुं तैन पुरु भोवं। तैनेंई ज़ेवरू थियुं की मसीहा दुःख झ़ालेलो ते मारेलो। परमेशरे एैन एैस तरीके सिं भोने दीतु एैल्हेरेलेंई हुनी पश्चाताप केरा ते परमेशरेरे पासे फीरा ताकि तै परमेशर तुसे पापन धोईतं सेफ केरे।" जल्दी लोकं केरी अक भीड़ तैस मैनू हेरने आई। ज़ै मैनू बझ़ाोरो पतरसे तैय इलारे लेंई नई की अस परमेशरेरी भान सिं ज़ोवं, "इ मैनू बझ़ाोरोए,पन एैस गली पुड़ हेरान न भोइयथ। असेंई एै एपनी शेक्ति सिं नई बझ़ेवरो, य इलारे लेंई नई की अस परमेशरेरी भागती केरतम। पन ज़ैनी एै अपने शेक्ति सिं बझ़ेनरोए तै यीशुए, किजोकी अस यीशु पुड़ भोरोसो केरतम।

ज़ैखन मंदिरेरे अगुव्वेंई पतरस ते युहान्नेरी इना गलां शुनी, त तैना बड़े घेमरोई जे। एैल्हेरेलेंई तैनेंई तैना गिरफ्तार केरतं जेलखाने मं छ़डे। पन ज़ैन पतरसे ज़ेवरू थियुं तीस पुड़ बड़े लोकेंई विश्वास कियो। ते विशवास केरने बालां केरी गिनती लगभग 5,000 भोई जेई

होरसं, तैन्ना युहादी लोकं केरे अगुव्वेंई पतरस ते युहन्ना महायाजक ते धरमेरे होरी अगुव्वंन का आने। तैनेंई तै मैनू भी आनो ज़ै बझ़ाोरो थियो बझ़ाोरो पतरस ते युहन्ना करां पुछ़ू, "तुसेंई एै कोस नव्वें सिं ते कोस अधिकारे सिं एै लैनगड़ो मैनू बझ़ाव?"

पतरसे जुवाब दितो, "इ मैनू ज़ै तुशे सामने खाड़ोए तै यीशु मसीहेरी शक्तरे ज़िरीहे बझ़ेवरोए । तुसेंई यीशु क्रूसे पुड़ च़ाड़ो, पन परमेशरे तै फिरि ज़िन्तो कियो! तुसेंई तै कुबूल न कियो, पन यिशुएरी शक्तरे ज़िरिहेएरे इलावा मुक्ती हासिल केरनेरी होरी कोई बत्त नई!"

बाइबलरी कहानी प्रेरितों करां कामां 3:1-4:22 से एक