48. यीशु ही प्रतिज्ञा किया हुआ मसीह है

ज़ैखन इन सांसार बनेवरु थियुं त सब किछ रोड़ू थियुं। ते कोई भी पाप न थियो। आदम ते हवा एक्की होरी सिं प्यार केरते थिए, ते तैना परमेशरे सिं प्यार केरतं थियां। कोई बिमारी या मवत न थी। परमेश एरु संसार चातो थियो।

शैताने सपरे ज़िरिहे सिं बाग़ी मं हव्वी सिं गल की, किजोकी तै तैस धोखो देनो चतो थियो। तैखन हव्वां ते अदमे परमेशरेरे खिलाफ पाप कियो। किजोकी तैनेंई पाप कियोरो थियो एैल्हेरे लेंई धेरती पुड़ रानेबाले सब ममरतन

अदमे ते हव्वां पाप कियोरो थियो। एैल्हेरेलेंई किछ होरु भी बुरु भोवं। तैना परमेशरेरे दुशमून बेनी जेआं। ज़ैसरो नतीजो इ भोव, की तैखनेरे देंते हर एक्की मैने पाप कियोरोए। हर कोई ज़र्मे करां परमेशरेरो दुश्मूने।परमेशर ते मैन्न केरी एपू मांमेंई शांती न थी। पन परमेशर शांती कायम केरनी चातो थियो।

परमेशरे वधो कियो कि हव्वारे अव्लाधी मारां अक शैतानेरी करोड़ी ढै्लन्च़ेलो। तैनी इन भी ज़ोवं की शैतान तैसेरी थूड़ी पुड़ी टाक देलो। होरी लबसन मं, शैतान मसीहा मरेलो, पन परमेशर तैस फिरि ज़ीनतो केरेलो। इसेरां बाद, मसीहा शैतनेरी शक्ति हमशेरेलेंई ख़त्म केरेलो। कई सालां केरे बाद, परमेशरे इन बांदू कियों की यीशु मसीहाए।

परमेशरे तैस सुनैमी करां अपनू परिवार बंच़वं ज़ै सूनामीं तैनी अन्नी थी। नूहे सिं अक किश्ती बन्नानेरे लेंई ज़ोवं की ते एैस तरीके सिं परमेशरे लोक बंच़ाए ज़ैना तैस पुड़ विश्वास केरते थिए। ते एैन्च़रे, तैना सब परमेशरेरे मारनेरे काबल थिए किजोकी तैनेंई पाप कियोरो थियो। पन परमेशरे तैना सब बंचानेरे लेंई यीशु मसीह भेज़े ज़ैना तैस पुड़ विशवास केरतन।

हज़ारेंई सालन तगर, याजक परमेशरेरे लेंई बेली च़ाड़ते राए। ते एै इन हिराते की तैनेंई पाप कियोरेन, ते इन की तैना परमेशरेरी सज़ारे किबल थिए। पन बेली तैनकेरी बेली पापन माफ़ न थी केरी सेखती। यीशु सेभना बडो महायाजके। तैनी तैन कियूं ज़ैन याजकेंई न करू बटु। तैनी अक्के बली दीती ते तैनी अपनी बली दिती ज़ै हर केंचेर पापन मटेइ साखती थी। तैनी इन कुबूल कियूं की परमेशर तैस सेभी केरे पापं केरे लेंई सज़ा दे। एैल्हेरेलेंई, यीशु सिद्ध महायाजके।

परमेशरे अबरहमे सिं ज़ोवं, " अवं तेरे ज़िरिहे संसारेरे सेभी कुलन बरगत देलो|" यीशु एैसे अबराहामेरे अवलाधी मरां थियो| परमेशर अबराहामेरे ज़िरिहे सेभी कुलन बरगत देते, किजोकी ज़ैना यीशु पुड़ विशावस केरतन परमेशर तैना सेभन| ज़ैखन तैना लोक यीशु पुड़ विश्वास केरेले, त परमेशर तैन्न अबरहामेरे अवलाधी मरां मानते।

परमेशरे अबरहमे सिं ज़ोवं की तै अपनू अक्के मठु, तै सेरेलेंई बाली केरे| पन फिरि परमेशरे इज़ाहाकेरे बदले निकड़ू गाबड़ू बली केरेनेरे लेंई दीतु| अस सब अपने पापं केरे लेंई मवतरे कबल थिए! पन परमेशरे इशे जिगाई मरनेरे लेंई यीशु बली भोनेरे लेंई दितो| ते एैसे वजाई सिं अस यीशु जो परमेशरेरू गाबड़ू ज़ोतम|

ज़ैखन परमेशरे मिसरे पुड़ अखीरी मुसीबत भेज़ी त तैनी परमेशरे हर इस्रयाली परिवारे सिं ज़ोवं की तैना एक्की गबड़े बली केरन। तैस गबड़े मं कोई दोष न लोड़े। तैखन तैनेंई तैस गबड़ेरो खून अपने दारन पुड़ लानो थियो। ज़ैखन परमेशरे तै खून लव त तैन्केरे घरे करां अग्रोवं जेव ते तैन करू बड्डू मठु न मारू। ते ज़ैखन एैन भोवं त परमेशरे एैस जो फसहउ तिहर ज़ोवं।

यीशु फसहरे तिहारेरे गबड़ेरो ज़ेरोए। तैनी कधी पाप न कियो, एैल्हेरेलेंई तैस मं किछ भी गलत न थियुं। तै फसहरे तिहारेरे वक्ते मरोरो थियो। ज़ैखन कोई यीशु पुड़ वोश्वस केरते, तैखन यिशुएरो खून तैस मैनेरे पापं केरी कीमत च़ूकाते। एैन एरुए की ज़ैन्च़रे परमेशर तैस मैनू करां अग्रोवं गाते, किजोकी तै तैस सज़ा न दे

परमेशरे इस्रयाली लोकन सिं अक करार कियो, किजोकी तैना एरे लोक थिए ज़ैना परमेशरे अपने भोनेरे लेंई च़ूनोरे थिए। पन हुनी परमेशरे अक एरो करार कियोरोए ज़ै सेभी केरेलेंइए। अगर केंची भी ज़तारो कोई भी मैनू तै करारे कुबूल केरे, त तै परमेशरेरे लोकन मं शमिल भोते। तै एैन एैल्हेरेलेइ केरते किजोकी तै यीशु पुड विश्वास केरते।

मूसा अक एरो भाष्यवाणी केरने बालो थियो ज़ैनी परमेशरेरू वचन बेड़ी शक्ति सिं परचार कियोरू थियुं। पन यीशु सब भाष्यवाणी केरने बालन मं सेभन बडोए। तै परमेशरे, एैल्हेरेलेंई ज़ैन कीच भी तैनी कियूं ते ज़ोवं तैना परमेशरेरे कामेरां वचनं थियां। एैल्हेरेलेंई पवित्र-शास्त्र यीशु जो परमेशरेरू वचन ज़ोते।

परमेशरे राज़े दाऊदे सिं वधो कियोयो थियो की राज़ेरे रुपे मं तैसेरे अव्लाधी मरां अक परमेशरेरे लोकन पुड़ सदा राज़ केरेलो। यीशु परमेशरेरू मठु मसीहाए, एैल्हेरेलेंई ते तै राज़े दाऊदेरे अव्लाधी मरां भी आए ज़ै हमेशारे लेंई राज़ केरी सखते।

बाइबलरी कहानी उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21