36. रूप बदलणा

इक दिन, यीशुऐ अपणे तीन चेले, पतरस, याकूब, कने यूहन्ना जो अपणे सोगी लिया। (ऐ यूहन्ना नाऐ दा चेला सै माणु नी है जिनी यीशुऐ जो बपतिस्मा दितया था।) सै प्रार्थना करणे तांई इक उच्चे पहाड़े पर गे।

जालू यीशु प्रार्थना करा दा था तां उदा चेहरा सुरजे सांई चमकीला होई गिया। उदे कपड़े लौइ सांई चिटे होई गे, जियां धरती पर कोई करी नी सके उसला भी बदी करी चिट्टे।

तालू मूसा कने एलिय्याह परमेश्वरे दे संदेश देणे बाले प्रकट होए। ऐ बंदे इसा धरती पर बड़े सालां पेहले रेंदे थे। उना यीशुऐ ने उदिया मौता दे बारे च गल्ल किती, क्योंकि उनी थोड़े बकते बाद ही यरूशलेम शेहरे च मरी जाणा था।

जालू मूसा कने एलिय्याह यीशुऐ सोगी गल्लां करा दे थे तालू पतरसे यीशुऐ ने बोलया, "साड़े तांई ऐथू होणा खरा है। असां तीन वेदियां बणादें, इक तेरे तांई, इक मूसा तांई, इक एलिय्याह तांई।" पर पतरस नी जाणदा था कि सै क्या बोला दा है।

जालू पतरस गल्लां करा दा था, तां इक चमकीले बदले थले आई करी उना पर छां किती। फिरी उना बदले चे इक आवाजा जो सुणया। उनी बोलया, "ऐ मेरा पुत्र है जिसला मैं प्यार करदा है। मैं इसला खुश है। उदी सुणा।" सै तीनों चेले डरी गे कने धरती पर लेटी गे।

तालू यीशुऐ उना जो छूता कने बोलया, "डरा मत। उठी जा।" जालू उना चारों पासे दिखया, तां सिर्फ यीशु ही ओथु था सै सिर्फ यीशु था।

यीशु कने सै तीनों चेले उस पहाड़े ला थले उतरी आए। तालू यीशुऐ उना ने बोलया, "हुण जड़ा एथू होया उदी चर्चा कुसी ने मत करदे। मैं तोल्ली ही मरी जाणा कने फिरी जिन्दा होई जाणा। उदे बाद, तुसां लोकां जो दसी सकदे न।"