22. यूहन्ना रा जन्म

पिछले दिनां विच्च, परमेश्वर ने अपणे भविष्यद्वक्तां कने गाल्ल कित्ती थी इधेरे तांइ कि सेह् मणुआं कने गाल्ल करी सके। पर उस वक्त का लेई करी फिरी 400 साल बीतणे तांइ उनिये उन्हा कने गाल्ल नी कित्ती। तां परमेश्वर ने जकर्याह नां रे भविष्यद्वक्ता का इक्क स्वर्गदूत भेज्जेया। जकर्याह अते उसेरी लाड़ी एलिशिबा परमेश्वर री इज्जत करदे थिये। सेह् बड़े बुजुर्ग होई गे थिये, अते उसेरे कोई बच्चा पैदा नी होया थिया।

उस स्वर्गदूत ने जकर्याह जो बोल्लेया, “तेरी लाड़ी जो इक्क मुंडा होणा। तू उसेरा नां यूहन्ना रख्खेयां। परमेश्वर उस्सो पवित्तर आत्मा कने भरगा, अते यूहन्ना लोक्कां जो मसीह जो अपनाणे तांइ तियार करगा। जकर्याह ने जवाब दित्तेया, “मैं अते मेरी लाड़ी बच्चा पैदा करणे तांइ बड़े बुजुर्ग हिन! मैं कियां पता लगां कि तुसी मेरे कने सच्च बोल्लेया करदे हिन?”

उस स्वर्गदूत ने जकर्याह जो जवाब दित्तेया, “तेरे का इस खरे समाचार जो लियाणे तांइ मैं परमेश्वर रे जरिये भेज्जेया गेरा है। किजोकी तुसी मेरे पर भरोसा नी कित्तेया, इधेरे तांइ बच्चे रे पैदा होणे तांइ तू बोलणे विच्च सक्षम नी हूणा।” इक्क दम ही, जकर्याह बोलणे विच्च असमर्थ थिया। तां सेह् स्वर्गदूत जित्ते जकर्याह थिया उत्ते का चली गेया। इसेरे बाद, जकर्याह घरे वापस आया, अते उसेरी लाड़ी दुपराणी होई गेई।

जां एलिशिबा छे महीने का दुपराणी थी, तां सेही स्वर्गदूत इक्कदम एलिशिबा रे रिश्तेदार पर प्रकट होया, जिसेरा नां मरियम थिया। मरियम कुँआरी थी अते ब्याह होणे तांइ युसूफ नां रे मरद कने उसेरी मंगनी होई गेई थी। स्वर्गदूत ने बोल्लेया, तू दुपराणी हूणी अते तू इक्क मुंडे जो पैदा करणा। तिज्जो उसेरा नां यीशु रख्खणा है। सेह् सर्व-शक्तिमान परमेशवर रा मुंडा हूणा अते हमेसा तांइ राज करगा।

मरियम ने जवाब दित्तेया, “ए कियां हूणा, किजोकी मैं ता कुँआरी है?” उस स्वर्गदूत ने समजाया, “ पवित्तर आत्मा तेरे पर आणा, अते परमेश्वर री सक्ति ने तेरे पर छां करणी। इधेरे तांइ सेह् बच्चा पवित्तर हूणा, अते सेह् परमेश्वर रा मुंडा हूणा।” जे उस स्वर्गदूत ने बोल्लेया उस पर मरियम ने भरोसा कित्तेया।

ए हूणे का बाद उसी बेल्ले, मरियम जाई करी एलिशिबा कने मिली। जियां ही मरियम ने उस्सो नमस्ते कित्ती, एलिशिबा रा बच्चा उसेरे पेटा अंदर उछलेया। उन्हेरे तांइ परमेश्वर ने जे कित्तेया थिया उसेरे बारे विच्च सेह् जनानियां इकठ्ठे खुस होई। एलिशिबा कने तिन्न महीने रैह्णे का बाद, मरियम घरे वापस आई।

इसेरे बाद, एलिशिबा ने अपणे मुंडे जो पैदा कित्तेया। जकर्याह अते एलिशिबा ने उस मुंडे रा नां यूहन्ना रख्खेया, जियां कि उस स्वर्गदूत ने हुकम दित्तेया थिया। तां परमेश्वर ने जकर्याह जो बोलणे विच्च सक्षम कित्तेया। जकर्याह ने बोल्लेया, परमेश्वर री तारिफ हो, किजोकी उनिये अपणे लोक्कां री मदत करणे जो याद रख्खेया। ओ मेरे मुंडे, तू सर्व-शक्तिमान परमेश्वर रा भविष्यद्वक्ता हूणा। तू लोक्कां जो दस्सणा कि सेह् कियां अपणे पाप्पां रे माफी पाई सकदे।” लूका अध्याय 1 से एक बाइबल की कहानी लूका अध्याय 1 का बाइबल री इक्क कहाणी