24. यूहन्ना यीशु जो बपतिस्मा दिंदा

एलिशिबा अते जकर्याह रा मुंडा यूहन्ना, बड्डा होई करी इक्क भविष्यद्वक्ता बणी गेया। सेह् जंगल विच्च रैंह्दा थिया, अते जंगली मखीर अते टिड्डियाँ खाया करदा थिया, अते ऊंट री ऊन्न कने बणे रे कपड़े पांदा थिया।

मत्ते लोक्क यूहन्ना री गल्लां सुनणे ताइ जंगल विच्च चली गे| उनिये ए बोल्ली करी उन्हा जो प्रचार कित्तेया, “अपणे पाप्पां जो मनो, किजोकी स्वर्ग रा राज नेडे है|”

जां मणुआं ने यूहन्ना रे बसेख जो सुणेया, ता उन्हा विच्च बड़े जणेयां ने अपणे पाप्पां का पश्चाताप कित्तेया, अते यूहन्ना ने उन्हा जो बपतिस्मा दित्तेया। यूहन्ना जो दिख्खणे तांइ बड़े सारे नेक अगुवे भी आए, पर उन्हा ने अपणे पाप्पां का पश्चाताप या अंगीकार नी कित्तेया।

यहून्ना ने नेख अगुवां जो बोल्लेया, “ओ जहरीले साँपो! पश्चाताप करो अते अपणे स्वभाव जो बदलो। परमेश्वर ने हर उस बुट्टे जो कटी दैणा जे खरा फल नी लिहांदा, अते उसने उन्हा जो आग्ग विच्च पाई दैणा।” जे भविष्यद्वक्तां ने बोल्लेया थिया यूहन्ना ने उसजो पूरा कित्तेया, “दिख्ख, जल्दी ही मैं तेरे आग्गे अपणे बसेख दैणे वाले जो भेजणा जिसने तेरे तांइ रस्ते जो तियार करणा।”

किच्छ धर्मी अगुवां ने यूहन्ना का पुच्छेया कि कै सेह् मसीह है। यूहन्ना ने जवाब दित्तेया, “मैं मसीह नी है, पर सेह् मेरे बाद आया करदा है। सेह् इतणा महान है कि मैं उसेरे जुत्तेयां रे तस्में भी खोलणे रे लायक नी है।”

अगले दिन, यीशु बपतिस्मा लैणे तांइ यहून्ना का आया। जां यहून्ना ने उसजो दिख्खेया, तां उनिये बोल्लेया, तां उनिये बोल्लेया, “दिख्खो! परमेश्वर रा मेमना जिसने दुनियां रे पाप्पां जो उठाई करी लेई जाणा।”

यूहन्ना ने यीशु जो बोल्लेया, “मैं तिज्जो बपतिस्मा दैणे रे लायक नी है। बजाए इधेरे जरूरी ए है कि तू मिंजो बपतिस्मा दे।” पर यीशु ने बोल्लेया, तू मिंजो बपतिस्मा दे, किजोकी ए करणा ही सही काम्म है।” इधेरे तांइ यूहन्ना ने उसजो बपतिस्मा दित्तेया, जबकि यीशु ने कदी भी पाप नी कित्तेया थिया।

बपतिस्मा दैणे रे बाद जां यीशु पाणी का बार निकली आया, ता परमेश्वर रा आत्मा कबूतर रे रुप विच्च प्रकट होया अते थल्ले उतरी करी उस पर ठैहरी गेया। उस्सी वक्त, परमेश्वर ने स्वर्ग का गाल्ल कित्ती। उनिये बोल्लेया, “तू मेरा मुंडा है। मैं तेरे कने प्यार करदा, अते मैं तेरे का बड़ा खुस है।”

परमेश्वर ने यूहन्ना जो बोल्लेया थिया, “पवित्तर आत्मा थल्ले आई करी कुस्की पर ठैहरी जिसजो तू बपतिस्मा दैणा|” सेई परमेश्वर रा मुंडा है। पर जां यूहन्ना ने यीशु जो बपतिस्मा दित्तेया, ता उनिये परमेश्वर पिता जो गल्लां करदे सुणेया, मुंडा परमेश्वर जो दिख्खगा, जे कि यीशु है, अते उनिये पवित्तर आत्मा जो दिख्खेया। मत्ती अध्याय 3; मरकुस 1:9-11; लूका 3:1 से एक बाइबल की कहानी मत्ती अध्याय 3; मरकुस 1:9-11; लूका 3:1का बाइबल री इक्क की कहाणी