25. शैतान यीशु रा इन्तेहाम लिंदा

यीशु रा बपतिस्मा होणे रे इक्क दम बाद ही, पवित्तर आत्मा उसजो बियाबान विच्च लेई गेया। यीशु उत्ते चाली दिन अते चाली रात तांइ थिया। उस वक्त उनिये उपवास कित्तेया, अते शैतान ने यीशु का जाई करी यीशु का पाप करवाणे तांइ उसेरा इन्तेहाम लित्तेया।

पैल्ले, शैतान ने यीशु जो बोल्लेया, “अगर तू परमेश्वर रा मुंडा है ता इन्हा पत्थरां जो रोटी बणँई दे ताकि तू खाई सके!”

पर यीशु ने शैतान जो बोल्लेया, “परमेश्वर रे वचन विच्च ए भी लिख्खेया है, जिंदा रैह्णे तांइ मणू जो सिर्फ रोटी री ही जरूरत नी है, पर उन्हा जो हर उस गाल्ल री जरूरत है जे परमेश्वर उन्हा जो बोलदा है!”

तां शैतान यीशु जो मंदिर रे सबका उच्ची जगह पर लेई गेया। उनिये उसजो बोल्लेया, “अगर तू परमेश्वर रा मुंडा है ता इते का थल्ले छाल मारी दे, किजोकी लिख्खे रा है, ‘परमेश्वर तिज्जो उठाणे तांइ अपणे स्वर्गदूतां जो हुकम दिंगा कि तेरे पैरां पर पत्थर कने नुकसान ना हो।”

पर यीशु ने सेह् नी कितेया जे शैतान ने उसजो करणे तांइ बोल्लेया थिया। इसेरे बजाए, उनिये बोल्लेया, “परमेश्वर हर इक्क जो बोलदा है, ‘तू प्रभु अपणे परमेश्वर रा इन्तेहाम मत करेयां।’”

फिरी शैतान ने उसजो दुनियां रे सारे देस दस्से। उनिये उसजो दिख्खाया कि सेह् कितणे सक्तिसाली थिए, अते सेह् कितणे सम्पन्न थिये। उनिये यीशु जो बोल्लेया, “मैं तिज्जो ए सब दिंगा अगर तू गोड्डेयां रे भारे बेई करी मेरी पूजा करगा।”

यीशु ने जवाब दित्तेया, “ओ शैतान, मेरे नेड़े का दूर चली जा! परमेश्वर रे वचन विच्च सेह् मणुआं जो हुकम दिंदा, ‘सिर्फ अपणे प्रभु परमेश्वर री अराधना करेयां। परमेश्वर रे रुप विच्च सिर्फ उसेरा ही आदर करो|’”

यीशु ने शैतान रे इन्तेहाम का हार नी मन्नी, इधेरे तांइ शैतान उसेरे का दूर चली गेया। तां स्वर्गदूत आई करी यीशु री सेवा टहल करणा लगे। मत्ती अध्याय 4:1-11; मरकुस 1:12-13; लूका 4:1-13 से एक बाइबल की कहानी मत्ती अध्याय 4:1-11; मरकुस 1:12-13; लूका 4:1-13का बाइबल री इक्क की कहाणी