40. यीशु जो सूली पर चढ़ाणा

यीशु मसीह रा मजाक बणाणे का बाद सैनिक तिसजो सूली चढ़ाणे तांइ लेई गे। तिन्हा तिसजो सूली चुकाई जिस पर सेह् मरणे वाला थिया।

सैनिक यीशु जो खोपड़ी नां री जगह पर लेई आये अते तिसरे पैरां अते हत्थां, सूली पर किल्लां ठोकी दित्तियां। पर यीशु ने बोलेया, "पिता इन्हा जो माफ कर, किजोकी ए नी जाणदे की ए कै हिन करदे।" तिन्हा ने सूली पर तिसेरे सरा पर इक्क निसान बणाया, जे बोलदा, " यहूदियां रा राजा"। पिलातुस ने तिन्हा जो ए लिखणे तांइ बोल्लेया थिया।

फिरी सैनिकां ने यीशु रे कपड़ेयां तांइ जुआ खेलया। जिस बेल्ले तिन्हा ने इयां कित्तेया, तिन्हा ने इक्क भविष्यवाणी पूरी करी दित्ती जे ए बोलदी थी, "तिन्हा ने मेरे कपड़े बंड्डी लैणे अते मेरे कपड़ेयां तांइ जुआ खेलणा।"

तित्ते दो डाकू भी थिये जिन्हा जो सैनिकां ने तिसी बेल्ले सूली ते चढ़ाया, तां यीशु रे दोन्नों पासे रख्खेया| तिन्हा विच्च का इक्क चोर ने यीशु रा मजाक बणाया, पर दुज्जे ने तिसजो बोलेया, " तू डरदा नी की परमेश्वर ने तिज्जो सजा दैणी? असी बुरे कम्मा जो करणे तांइ दोषी हिन, पर ए बेकसूर है।" फिरी तिनिये यीशु जो बोलेया, "छंदे मिंजो याद रख्खेयां, जिस बेल्ले तू अपणे राज्य विच्च राजा बणी जाणा।"| यीशु ने तिसजो जबाब दित्ता, "आज्ज ही तू मेरे कने स्वर्ग विच्च होणा।"

यहूदी अते भीड़ विच्च होर मणुआं ने यीशु रा मजाक पाया। तिन्हा ने तिसजो बोलेया, जे तू परमेश्वर रा पुत्तर है, ता सूली का उत्तरी आ अते अपणे आप जो बचायी ले। फिरी असी तेरे पर विश्वास करणा।

फिरी तिस जगह रे उप्पर रा सारा आसमान पूरा काला होई गेया, जदकी अद्दा दिन थिया होए रा। धियाड़ी न्यहारा होई गया अते त्रै घंटे तांइ न्यहारा होई गया

फिरी यीशु चिल्लाई उठया, "पूरा होई गया, पिता मैं अपणी आत्मा तेरे हत्थां दिंदा।" फिरी तिनिये अपणा सिर झुकाया अते अपणी आत्मा छड्डी दित्ती। जिस बेल्ले सेह् मरेया, ता मंदर विच्च इक्क हिल्लण आया, बड्डा पड़दा जे मणू जो परमेश्वर री हजूरी का अलग करदा थिया सेह् उप्पर का थल्ले तक फटी गेया।

अपणी मौत रे जरिए यीशु ने मणुआं तांइ परमेश्वर का आणे तांइ इक्क रस्ता खोली दित्ता। जिस बेल्ले इक्क सैनिक यीशु रा पैहरा थिया दिंदा तिसने सब किच्छ दिख्खया जे होया, अते तिसने बोल्लेया, " जरूर ए मणू बेकसूर थिया। ए परमेश्वर रा पुत्तर थिया।"

फिरी दो यहूदी युसूफ अते निकोदेमुस, पिलातुस का आये अते यीशु रे शरीर तांइ पुच्छणे लगे। तिन्हा ने विश्वास कित्ता की यीशु ही मसीह थिया। तिन्हा ने यीशु रा शरीर इक्क कपड़े विच्च लपेटेया, अते पत्थर विच्च का कट्टी करी बणाई गेई कबर का लेई गे अते तिस अन्दर रख्खी दित्ता। तिन्हा ने उस कबर रे मुँह जो बांद्द करणे तांइ इक्क बड्डा पत्थर रुलकाई दित्ता। मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी मत्ती 27:27-61 ; मरकुस 15:16-47; लुका 25: 26-56; यूहन्ना 19:17-47 का इक्क बाइबल री कहाणी