43. कलीसिया री शुरुआत

यीशु रे स्वर्ग वापस जाणे का बाद, चेल्ले यरुशलेम विच्च ही रुके जियां यीशु ने तिन्हा जो करणे तांइ बोल्लेया थिया। तित्ते रे विश्वासी मणू लगातार प्रार्थना करणे तांइ इकट्ठा होया करदे थिये।

हर साल, फसह रे तिहार रे 50 दिनां बाद, यहूदी इक्क खास दिन मनांदे थिये,जिसजो पिन्तेकुस्त बोलदे थिये। पिन्तेकुस्त ओ बेल्ला हूंदा थिया जिस बेल्ले यहूदी कणक री फसल रा तिहार मनांदे थिये यहूदी दुनियां रे हर कोणे का पिन्तेकुस्त जो इकठ्ठे मनाणे तांइ यरूशलेम आए रे थिये। इस साल, पिन्तेकुस्त जो मनाणे रा वक्त लगभग यीशु रे स्वर्ग जो चली जाणे रे इक्क हफ्ते का बाद आया।

जिस बेल्ले सारे विश्वासी इकठ्ठे थिए, चाण-चक्के घर विच्च जित्ते कठितेरे थिये बड़ी जोर री तेज हवा सांइ अवाज कने भरी गेया। फिरी किच्छ आग्ग री जिब्ब सांइ सारे विश्वासियां रे सरा पर आई करी ठैहरी गेई। सेह् सारे पवित्र आत्मा कने भरी गे अते अलग बोल्ली विच्च परमेश्वर री स्तुति करणा लगे। सेह् ए बोलियां नी जाणदे थिये, पर ए सेह् बोलियां थियां जे पवित्र आत्मा री मदत कने बोलदे थिये।

जिस बेल्ले यरूशलेम रे मणुआं ने ए अवाज सुणी, सेह् सारे इकठ्ठे होई करी भीड़ बणाई करी दिख्खणे जो आये कि कै होया करदा है। तिन्हा ने सुणेया कि विश्वासी परमेश्वर रे जरिए कित्ते रे बड्डे- बड्डे कम्मां जो बोलेया हिन करदे। सेह् हैरान थिये किजोकी सेह् समजी सकदे थिये कि मणू परमेश्वर रे काम्म रे बारे अपणी बोली विच्च थिये सुणदे।

किच्छ मणुआं ने बोल्लेया कि इन्हा चेल्लेयां ने पीत्ते री है। पर पतरस खड़ा होया अते तिन्हा जो बोल्लेया, “मेरी गाल्ल सुणो। इन्हा मणुआं ने नी है पित्ते री। इसेरे अलावा, जे तुसी दिख्खेया हिन करदे भविष्यवक्ता योएल ने बोल्लेया थिया कि इयां होणा है। परमेश्वर ने बोल्लेया, ‘आखरी दिनां विच्च मैं अपणा पवित्र आत्मा उंडेलगा।’”

“इस्राएल रे मणुओं, यीशु ओ मणू थिया जिसने महान काम्म कित्ते ए दसणे तांइ कि सेह् कुण थिया। तिसने परमेश्वर री सामर्थ कने बड़े सारे गजब रे काम्म कित्ते। तुसी ए जाणदे किजोकी तुसा ने इन्हा चिज्जाँ जो दिख्खेया। पर तुसा ने तिसजो सूली चढ़ाई दित्ता।”

“यीशु मरी गेया पर परमेश्वर ने तिसजो मुर्देयां विच्च का जिंदा करी दित्तेया। ए सच्च होई गेया जे इक्क भविष्यवक्ता ने लिख्खेया थिया। तू अपणे पवित्र जन जो कबर विच्च नी सड़णा दैणा। असी गवाह हिन कि परमेश्वर ने यीशु जो फिरी का जिंदा कित्तया।”

“परमेश्वर पित्ता ने अवे यीशु रा आदर कित्ता तिसजो अपणे सिद्दे हात्थ पास्से बिठाई करी। अते यीशु ने असा का पवित्र आत्मा भेजया जियां तिनिए वादा कित्तेया थिया कि करणा। पवित्र आत्मा रे जरिए ही ए सारी चिज्जाँ होया करदी हिन जे तुसी सुणी अते दिख्खेया करदे हिन।”

तुसी इस मणू यीशु जो सूली चढ़ाई दित्ता। पर ए जाणी लेयो कि परमेश्वर ने यीशु जो सारी चिज्जाँ पर प्रभु अते मसीह दोन्नों बणाया।”

जे मणू पतरस जो सुणेया करदे थिये बड़े प्रभावित होई करी अंदर तक हिल्ली गे जे गल्लां पतरस थिया बोलदा। तां तिन्हा ने पतरस अते चेल्लेयां जो पुच्छेया , “भाई, असा जो कै करणा चंहिदा?”

पतरस ने तिन्हा सारेयां जो जवाब दित्ता,” तुसा सारेयां जो चंहिदा कि परमेश्वर तुसा रे पाप्पां जो माफ करे। ता मन फिराओ अते तुसी सारे यीशु रे नां रा बपतिस्मा लेयो। फिरी परमेश्वर ने तुसा जो भी तोफे रे रुप विच्च पवित्र आत्मा दैणी।”

पतरस ने जे बोल्लेया उस पर लगभग 3000 मणुआं ने विश्वास कित्तेया अते यीशु रे चेल्ले बणी गे। तिन्हा ने बपतिस्मा लेया अते यरूशलेम री कलीसिया रा हिस्सा बणी गे।

विश्वासी लगातार सुणदे थिये जियां प्रेरित तिन्हा जो सिखांदे थिये। सेह् अकसर इकठ्ठे मिलदे थिये अते इकठ्ठे खांदे थिये अते सेह् अकसर इक्क दुज्जे तांइ प्रार्थना करदे थिये। सेह् परमेश्वर री आराधना इकठ्ठे करदे थिये अते जे किच्छ बी तिन्हा का हूंदा थिया इक्क दुज्जे कने बंडदे थिये। हर इक्क सैह्र विच्च तिन्हेरे बारे खरा सोचदे थिये। हर दिन जादा का जादा मणू विश्वास करदे थिये। प्रेरितों के काम 2 से एक बाइबल की कहानी प्रेरितां रे काम्म 1:12-14; 2 विच्च का इक्क बाइबल री कहाणी