25. सीना ग सरदार यीशु गै छक्का खनस

यीशु ग पवित्र च्यागसिम ल्हैम गै अति बकतरइ, पवित्र ल्हेमे उजा सीर कू कोरग दिस| यीशु अतकू पीसा ज्या हंग पीसा मुंछ निस| अति बकतर उस उपवास स्युंगस, हंग सीना सै यीशु गै न्योरो राग पाप स्युंगम दंची उग छक्का खनस|

लरी, सीना सै यीशु जा ल्यैस, “ हंग गै परमेश्वर ग सिरी ल्हैम च्यंग ता हिदि ऊँग जा कुटू स्युंगती ताकि कि गै जा तरयंगन!”

हंग यीशु सै सीना जा ल्यैस, “परमेश्वर गै बचन कू हिदि करिसिद अनि, ‘टांगद होसिम दंची मि जा तिग कूटू ग जरूरत मुनिय, खस्युंग कि उसीजा हर अति कथा ग जरूरत अनि जइ परमेश्वर उजा ल्हेता !’”

हंग सीना यीशु जा मंदिर गै लच्यंग थेद बं कू कोरदिस| उस उजा ल्यैस, “हंग गै परमेश्वर ग सिरी ल्हैम च्यंग हिदुंग खचि छंकू फटकू दा, खस्युंग कि रिसिद अनि, ‘परमेश्वर गजा आंग कोरम दंची आफिग स्वर्गदूतों जा आज्ञा दायंग कि नग लिकी कू ऊँग स मुदोकसियंग|’’’

हंग यीशु सै अति मुस्युंगस जइ सीना सै उजा स्युंगम दंची ल्यैस| हिदि ग बदला, उस ल्यैस, “परमेश्वर हर तिग जा ल्हेता, ‘गै प्रभु आफिग परमेश्वर ग छक्का मुस्युंगम|’”

हजु सीना सै उजा दुनिया गै जम्मा राजू दिखास| उस उजा दिखास कि उसी उलंग तरत निन्नस, हंग उसी उलंग बुद निन्नस| उस यीशु जा ल्यैस, “जी गजा हिदि जम्मा दातो हंग गै पै चुग जिग भक्ति स्युंगयो|”

यीशु सै जबाब दास, “हे सीना, जिग खास्या खचि दि! परमेश्वर गै बचन कू उ मि मंग जा फिनस्यद दायंग, ‘तिगई आफिग प्रभु परमेश्वर ग भक्ति स्युंगयो| परमेश्वर गै रूप कू तिगई उसिग आदर स्युंगयो|’”

यीशु सै सीना ग छक्का स हार मुमानस, हिना दंची सीना उग नोकु खचि पिदिस| हंग स्वर्गदूत राग यीशु ग सेवाटहल स्युंगतान्नस|