12. प्रस्थान

इस्राएलिगेलाइ मिस्रो सारभि लाअ्तेङ हानिलि निङलाउ हेन्जा लेङचाहि। इम्बालाइ एला बान्धाइतिगेलाइ मान्थुहि, कालाउ इम्बालाइ प्रतिग्या पाका सारभिता हानिदोङघाहि।

परमेस्वर दिनाता बादेलको झाउका खाम्बासो इम्बालाइहेङ थोङहि, इङको खाम्बा इम्बालाइको लाङ-लाङ हानिघाहि, जेदोङ न्हिसिनता चाहि मेको खाम्बा जेङघाहि। परमेस्वर जेलाउ बुङ इम्बालाइ दोफा हिघाहि कालाउ पाक पालाउ इम्बालाइहेङ दामा तिङपापिहि। इस्राएलिगेलाइ पालि गोइका एनोङ खिनिङ काम वासेहेङ पिताइलि गोइका हिघाहि।

इङको आले सोमोइ न्हुसो, फारो कालाउ वाको द्याङगेलाइ ताइको बिचार भाङघाइपाहि कालाउ इस्राएलिगेलाइहेङ आरोङ ताइको बान्धाइति बानाइलि माभोहि। परमेस्वर फारोहेङ राङका बानाइ पिहि कालाउकि द्याङगेलाइ वादोङ एनोङ खिनिङ सत्य परमेस्वर हि दोअ्तेङ तिनाको कालाउ या ग्याको कि वादोङ माकुनु याहोबे,फारो कालाउ वाको दिरगेलाइ खान्तेङ हेन्जाङ सरबुङसाइका हि।

ओदोङ भाअ्सिङ फारो कालाउ वाको फोउज इस्राएलिगेलाइहेङ आरोङ ताइको बान्धाइति बानाइलिको भाअ्सिङ गिल्काताङ लोहि। जेलाउ इस्राएलिगेलाइ मिस्रि फोउज लोकाताङ पाकाताङ तिङहि, इम्बालाइ ताइमिङ फारोको सिपालाइगेलाइ कालाउ लाल समुन्द्रको माझाता वालाका चाल थाहा निङहि। इम्बालाइ हेन्जाङ थिहि कालाउ एसा दोअ्काताङ ह्रिकाइहि, “केलाइ हाइपालि मिस्रो सारभि लाअ्न्हाहि? एला केलाइ सियाङ।

मोसाले इस्राएलिगेलाइहेङ दोअ्हि, “माथिसु

कालाउ परमेस्वर बादेलको खाम्बाहेङ इस्राएलि कालाउ मिस्रिगेलाइको माझाता ताअ्पिहि कालाउकि मिस्रिगेलाइ इस्राएलिगेलाइहेङ तिङलि माद्वाको।

परमेस्वर मोसाहेङ वाको खुर समुन्द्र भारि तोलितेङ चिहेङ न्हे भाग खेङलि दोअ्हि। कालाउ परमेस्वर दाम्पाहा कालाउ केपाहा सरबुङसाइका भेरमा चालाइतेङ समुन्द्रको माझासो एनोङ दामा बानाइहि।

इस्राएलिगेलाइ सेङका मिलिङता चिको बेरेमको माझासो समुन्द्रता लाम लागाइतेङ तेलि तेङहि।

कालाउ परमेस्वर इङको बादेलहेङ दामासोङ लाअ्पापिहि कालाउकि मिस्रिगेलाइ इस्राएलिगेलाइहेङ खाअ्तेङ हानिका तिङलि द्वाको। मिस्रिगेलाइ इम्बालाइको न्हु हानिलि निर्नय पाहि।

ओदोङ भाअ्सिङ इम्बालाइ समुन्द्रको दामा पाअ्तेङ इस्राएलिगेलाइहेङ पिताइलि तेङहि, कालाउ परमेस्वर मिस्रिगेलाइहेङ आवाइ तुपापिहि कालाउ इम्बालाइको ओह्य सवारिगेलाइहेङ खेअ्पापिहि। इम्बालाइ ह्रिकाइतेङ दोअ्हि, “खाअ्सु

गोताङ इस्राएलिगेलाइ रेम्फासोङ समुन्द्रको ओदोइ पार थुकातेङ, परमेस्वर आरोङ मोसाहेङ ताइको खुर फेन्हा पालि दोअ्हि। जेलाउ वा एन्सा पाहि, आरोङ समुन्द्र आरोङ जिस्काङको उस्काङ जेङहि। गोताङ मिस्रि फोउजगेलाइ समुन्द्रता वाल्लाहि।

जेलाउ इस्राएलिगेलाइ गोताङ मिस्रिगेलाइको सिका तिङहि,इम्बालाइ परमेस्वरता भर परिहि कालाउ मोसा एमि परमेस्वरको बक्ता हि दोअ्तेङ खाङधुरि पाहि।

इस्राएलिगेलाइ हेन्जा हाउसाइतेङ आनान्द बुङ मानाइहि हाइपालिपानु परमेस्वर इम्बालाइहेङ सिका कालाउ बान्धाइतिसो लाअ्पाका हिघाहि।

इस्राएलिगेलाइहेङ परमेस्वर मिस्रिगेलाइको बिरोधता बिजोइ पिहि कालाउ इम्बालाइहेङ बान्धाइतिसो लाअ्पाकाको सम्झानाको भाअ्सिङ गोताङ बासार निस्तार पार्बा मानाइलि तेङहि। इम्बालाइ इङको पार्बासो एनोङ दाग माकोसिङको थुमा सेअ्तेङ इङकोहेङ साउरि मामिसालाइका तोले दोफा चाअ्तेङ मानाइहि।