15. प्रतिग्याको मुलुक

आन्तिमता, इस्राएलिगेलाइको प्रतिग्याको मुलुक कानान लिता दुल्का सोमोइ लोका हिघाहि। यहोसु न्हेमि जासुसगेलाइहेङ कानानि सहर योरोहोता दिङगिल्हि, जेदोङ बलियाका किल्लागेलाइ पाहासो जोगाइका हिघाहि। इङको सरहता राहाब मिङ पाका एमि कासिबेरि बेजान हिघाहि जाइ उङको जासुसगेलाइहेङ म्होलि कालाउ न्हुसो इम्बालाइहेङ खाअ्पालि साघाइहि। वा परमेस्वर ह्रुता खाङघुरि पाका कारान इदोइ गोताङ कामगेलाइ पाहि। इम्बालाइ योरिहो सहरहेङ हान्ति पालाउ राहाब कालाउ वाको जाहानहेङ चाहि सामाराइतेङ ताअ्लि बाचा पाहि।

इस्राएलिगेलाइ प्रतिग्याको थामेता दुल्लि खान्तेङ लाम्फा यरदन झोरा पारालि गोइका हिघाहि। परमेस्वर योहसुहेङ दोअ्हि, “लाम्फा पुजारिजेलाइहेङ हानिलि पिसु।’’ जेलाउ पुजारिजेलाइ यरदन झोरा लिता दुल्हि, झोतेङ हिका चि झोलि ओताहि ओदोङ भाअ्सिङ इस्राएलिगेलाइ एला झोराको ओदोइपार, सेङका मिलिङ भारि हानिलि दोहि।

यरदन झोरा पारालि दोअ्तेङ परमेस्वर यहोसुहेङ यरोहको सरबुङसाइका सहर ह्रुता झामिरिका तरिका बाताइपिहि। द्याङगेलाइ परमेस्वरको आग्या केम्हि। परमेस्वर दोअ्का कोनिङ सिपालाइ कालाउ पुजारिगेलाइ तु दिना थेकापा लागातार यरोहको सहरहेङ घेराइतेङ इङको को वरिपरि घुराइहि।

कालाउ न्हितेङ दिनाता एस्राएलिगेलाइ आरु न्हिखे सहरहको वरिपरि घुराइहि। जेलाउ इम्बालाइ आम्तिम खे सहरहेङ घुराइकाताङ हिघाहि, सिपालाइ तिरा राइका गालाहोइ ह्रिकाइहि कालाउ पुजारिगेलाइ ताइको सानाइ म्हो:हि

कालाउ यरिहोको द्यापाहाङको बेरेमगेलाइ भाअ्पातेङ उन्धिहि। इस्राएलिगेलाइ परमेस्वरको दोअ्का कोनिङ सहरता हिका गोताङ आमेनेगेलाइ हान्ति पाहि। इम्बालाइ राहाब कालाउ वाको जाहानहेङ खिनिङ लाअ्पिहि, ओबालाइ न्हुसो इस्राएलिगेलाइको दोङ भाग जेङहि। जेलाउ कानानता हितेङ हिका आरु द्याङगेलाइ इस्राएलिगेलाइ पाहासो यरिहो सहर नासा पाका थाहा निङहि, इस्राएलिगेलाइ एला आरु सहरगेलाइ बुङ झामिरियावा दोअ्तेङ इम्बालाइ थिहि।

परमेस्वर इस्राएलिगेलाइहेङ कानानता हितेङ हिका हिदोइ बुङ समुहको द्याङगेलाइ दोफा हिदोइ बुङ मामिलिसुलि दोअ्का आग्या पिका हिघाहि। कालाउ कानानको एनोङ गिबोनि मिङ हिका जातको द्याङगेलाइ यहोसु दोफा छलि पाहि कालाउ ताइकोगेलाइ कानान सारभिता दुरे थामेसो लोका हि दोअ्तेङ धाताइहि। इम्बालाइ यहोसु दोफा साम्ति- सम्बन्ध कायम पालि प्रस्ताब ताअ्हि। यहोसु कालाउ इस्राएलिगेलाइ परमेस्वरहेङ इङको गिबोनिगेलाइ हिसोसो लोका हि दोअ्तेङ माहिहि। कालाउ यहोसु इम्बालाइ दोफा सान्ति-सम्बन्ध ताअ्हि।

जेलाउ इस्राएलिगेलाइ ताइमि इङको गिबोनि गेलाइ पाहासो धाताइका थाहा निङहि, इम्बालाइ मारेएम्फाङ क्रोधित जेङहि, कालाउ इम्बालाइ दोफा ताअ्का सामान्दा कायम दोङ ताअ्हि हाइपालिपानु इङको चाहि परमेस्वरको आगा पाका प्रतिग्या हिघाहि। आले सोमोइ न्हुसो, कानानता पाका प्रतिग्या बो जातिको राजा, आम्मोनिगेलाइ, गिबोनिगेलाइ इस्राएलिगेलाइ दोफा सान्ति- सामान्दा ताअ्का हिङहि, ओदोङ भाअ्सिङ इन्बालाइ ताइको सिपालाइहेङ ए बानाइतेङ एनोङ बिसाल फाउजि बानाइहि कालाउ गिबोनि ह्रुता झामारिहि। गिबोनिगेलाइ यहोसुहेङ साघाइलिको भाअ्सिङ सन्देस पिगिल्हि।

ओदोङ भाअ्सिङ इस्राएलको सिपालाइहेङ जोम्पाहि कालाउ गिबोनिगेलाइकोता थुकालि झेम्पाङ तेहि। झेङफुरु-झेङफुरु जेङका पोहरता इम्बालाइ आचानाक ओम्मोनि फाउजिगेलाइ ह्रुता झामिरिहि।

इङको दिना परमेस्वर इस्राएलिगेलाइको भाअ्सिङ धुम पापिहि। वा ओम्मोनिगेलाइहेङ आवाइ तुपापिहि कालाउ बा-बारका झोसेगेलाइ हुल्पापिहि, जाइ पाहासो हेन्जा ओम्मिनिगेलाइ सिहि।

परमेस्वर बेलाहेङ आकासको एनोङ दोङ थामेता आडेपातेङ ताअ्पिहि, कालाउकि इस्राएलिगेलाइ दोफा ओम्मोनिगेलाइहेङ हारेपालिको भाअ्सिङ नुगामारि सोमोइ ह्याको, इङको दिना इस्राएलिको भाअ्सिङ परमेस्वर माहान बिजोइ पिहि।

परमेस्वर इङको फोउजिगेलाइहेङ हारिपालि दोतेङ कानानको आरु हेन्जा जातिगेलाइ ए जेङतेङ इस्राएललिहेङ झामिरिहि। यहोसु कालाउ इस्राएलिगेलाइ बुङ झामिरिहि कालाउ इम्बालाइहेङ जितिहि।

या धुम न्हुसो परमेस्वर इस्राएलको गोताङ कुलहेङ इम्बालाइको ताइकोङ इलाका प्रतिग्या पाका मुलुक पिहि। कालाउ परमेस्वर गोताङ इस्राएल कालाउ सिमानाता सुधाङ सान्ति पिहि।

जेलाउ यहोसु वाराङ जेङहि, वा इस्राएलको गोताङ द्याङगेलाइहेङ ए दोपफाङ जोम्पाहि। कालाउ वा उङको द्याङगेलाइहेङ सिनाइ लाखता इस्राएलिगेलाइ दोफा परमेस्वरको ताअ्का कारार केम्लि गोइका बाध्यताको कारान फोम पापाहि। द्याङगेलाइ परमेस्वरता खाङधुरि यग्यो जेङका कालाउ वाको व्यवस्था केम्लि प्रतिग्या पाहि।