5. प्रतिग्याको सान्तान

काकानता साअ् लेका १० बासार बितिलाउ बुङ आब्राहाम कालाउ साराइको हिदोइ बुङ सान्तान मान्थुघाहि। एसापा आब्राहामको बे साराइ दोअ्हि, "परमेस्वर काङको माहु तेका तुपा पिका हि कालाउ एला सान्तान जोलोम पालिको भाअ्सिङ बेराङ जेङलि दोअ्का हिघा, ओदोङ भाअ्सिङ काङको बान्धाइति हागार दोफा बिहुको भाअ्‌सिङ एनोङ सान्तान प्याङका।"

ओदोङ भाअ्सिङ, आब्राहाम हागार दोफा बिहु पाहि। हागार एनोङ चानको जोलोम पिहि, कालाउ आब्राहाम इङको चानको मिङ इस्माएल ताअ्पिहि। कालाउ साराइ हागारको डाहा पालि तेङहि। इस्माएल ते सुम बासारको जेङलाउ, परमेस्वर आरोङ आब्राहाम दोफा नुइ धुइहि।

ओदोङ भाअ्सिङ, आब्राहाम हागार दोफा बिहु पाहि। हागार एनोङ चानको जोलोम पिहि, कालाउ आब्राहाम इङको चानको मिङ इस्माएल ताअ्पिहि। कालाउ साराइ हागारको डाहा पालि तेङहि। इस्माएल ते सुम बासारको जेङलाउ, परमेस्वर आरोङ आब्राहाम दोफा नुइ धुइहि।

"नाङको बे साराइ बुङ एनोङ चानको जोलोम प्यावा इङको चाहि प्रतिग्या पाकाको सान्तान जेनावा। नाअ् इङकोको मिङ इसाहाक ताअ्पि। इङको दोफा का काङको कारार जिनाङका, कालाउ इङकोको एनोङ बिसाल रास्ट जेनावा। का इस्माएलहेङ बुङ बिसाल रास्ट प्याङका कालाउ का काङको कारार चाहि इसाहाक दोफा दोङ जिनाङका।“ कालाउ न्हुसो परमेस्वर आब्रामको मिङ आब्राहाम ताअ्पिहि, जाइको आर्था हि कि हेन्जाङको आबा। परमेस्वर साराइको बुङ मिङ एला सारा ताअ्पिहि, जाइको आर्था हि "राजकुमारि”।

इङको दिना आब्राहाम ताइको घारानाको गोताङ वाजानगेलाइको खाताना पापिहि। इङको को माकुलाउ बङ ए बासार न्हुसो, आब्राहाम साइ बासारको कालाउ सारा नब्बे बासारको हिलाउ, सारा आब्राहामको चान जोलोम पिहि। परमेस्वर दोअ्का कोनिङ इम्बालाइ इङको को मिङ इसाहाक ताअहि।

जेलाउ इसाहाक जामालदोङ हिघाहि, परमेस्वर अब्राहामको खाङधुरिको जाच पाहि कालाउ दोअ्‌हि, "नाङको एनोङ खिनिङ चान इसाहाकहेङ चुम्पुतेङ हाने कलाउ इङकोहेङ काङको भाअ्सिङ भोग चाढाइ्।" आब्राहाम परमेस्वरको दोअ्का काथाहेङ किहि कालाउ ताइको चानहेङ भोग पिलि तियार जेङहि।

जेलाउ आब्राहाम कालाउ इसाहाक बेदि भारि हानिदोङघाहि, इसाहाक हि:हि, "आबा, केलाइ दोफ़ा भोगको भाअ्सिङ मिसिङगेलाइ ते हि, कालाउ थुमा चाहि खैइ कुनु?’’ आब्राहाम जोबाफ पिह, “ओइ काङको चान परमेस्वर दोङ भोगको भाअ्सिङ थुमा जुराइ पापियावा,।

जेलाइ इम्बालाइ बेदिको थामेता थुकाहि, आब्राहाम ताइको चानहेङ धेउहि कालाउ वासेहेङ बेदिता ताअ्हि। जेलाउ वा ताइको चानहेङ भोग पिलि तोम्का हिघाहि, परमेस्वर दोअ्हि म्हा…

इन्ता भेरपाङ आब्राहाम एनोङ थुमाहेङ झुन्जिता खेतेङ हिका तिङहि। परमेस्वर इङको थुमाहेङ इसाहाकको बदलिता भोगको भाअ्सिङ इन्ता ताअ्पिका हिघाहि। आब्राहाम लेङचातेङसाङ इङको थुमाहेङ भोग चढाइहि।

कालाउ परमेस्वर आब्राहामहेङ दोअ्हि, "नाअ् काङको भाअ्सिङ ताइको गोताङ आमेने पिलि तियार जेङकानाङ, कालाउ नाङको एमि खिनिङ चान बुङ बाकि मातानाङ, का नासेहेङ आसिस पिलि प्रतिग्या पाखा।नाङको सान्तानगेलाइ आकासको फुरुगेलाइ खान्तेङ हेन्जा जेनावा। नाअ् काङको आग्या किनाङ, सुमिङको गोताङ घारानागेलाइ नाङको घाराना पाहासो आसिस जेनावा।