7. परमेस्वर याकुबहेङ आसिस पिहि

जेलाउ उङको जामालाइ बाराकाताङ हानिहि, याकुब साअ्ताङ हिलि मन्दाताघाखे, कालाउ एसाबचाहि सिकार घालि मन्दाताघाखे। रेबिका याकुबहेङ मायारु पाघाखे, कालाउ इसाहाक एसाबहेङ मायारु पाघाखे।

एनि, जेलाउ एसाब सिकार घाअ्तेङ सिता घुरिहि, वा ओसारापाङ म्हितुका हिघाहि। एसाब याकुबहेङ दोअ्हि, ”नाङको गाअ्का खिङका हाइदोङ चाका-आम्का आमेने हिनु कासेहेङ बुङ पि?” याकुब जोबाफ पिहि, "लाम्फा कासेहेङ नाङको जेठा खाबारा पि।“ कालाउ एसाब ताइको जेठा खाबारा याकुबहेङ पिहि कालाउ याकुब वासेहेङ हाइदोङ चाअ्का आमेने पिहि।

इसाहाक ताइको आसिस एसाबहेङ पिलि भोघाखे। कालाउ वा इङको पालि खान्तेङ लाम्फा, रेबिका कालाउ याकुब मिलितेङ, याकुबहेङ एसाब भाइपाङ बानाइतेङ ओबालाइ इसाहाकहेङ झुकिपाहि। इसाहाक वाराङ जेङलि दोका हिघाहि कालाउ हाइदोङ तिङलि मादोघाखे। याकुब एसाबको लोखोन धाबा होङतेङ कालाउ मेसाको पान्ठाको धालेहोइ ताइको निर्घा कालाउ खुरगेलाइता सुलाइहि।

याकुब इसाहाकोता लोहि कालाउ दोअ्हि, “का एसाब दोङ हिघा। नाङको आसिस ह्रुलि का लोका हिघा। “जेलाउ इसाहाक मेसाको मुइसा ति:हि कालाउ लोखोन धाबागेलाइको बासाना न्हुमहि, इङको एसाबदोङ हिलि गोयाङ दोअ्तेङ वा थानिहि।

एसाब याकुबहेङ मन्दा माताघाखे हाइपालिपानु याकुब वाको जेठा खाबारा कालाउ वा निङलि गोइका आसिस घिङका हिघाहि। ओदोङ भाअ्सिङ वा आबा सिकाको न्हुसो याकुबहेङ सेअ्लि योजाना भोहि।

कालाउ रेबिका एसाबको योजानाको बारेता थाहा गिहि। ओदोङ भाअ्सिङ इसाहाक कालाउ रेबिका याकुबहेङ इङको थामेसो दुरे ताइको-ताइकोगेलाइकोता पिगिल्हि।

याकुब हेन्जा बासार थेकापा रेबिकाको जाहानता हि। इङको सोमोइ थेकापा वा बिहु पाहि कालाउ वाको तेन्हे झाना चान-चामिन्दिगेलाइ जेङहि। परमेस्वर वासेहेङ ओसारापाङ धनि बानाइका हिघाहि।

ए कुरि बासार थेकापा ताइको साअ् कानान खान्तेङ दुरे हिलि दोतेङ, कलाउ याकुब ताइको जाहान, ताइको चाकारियागेलाइ कालाउ ताइको गोताङ गाइ-पिया दोफाङ चुम्पुतेङ कानान भारि लोहि।

याकुब ओसारापाङ थिका हिघाहि हाइपालिपानु एसाब वासेहेङ आझै सेअ्लि खाङघाखे दोअ्तेङ वा सोचिका हिघाहि। ओदोङ भाअ्सिङ याकुब हेन्जा गाइ-पिया उपाहार स्वरुप एसाबकोता पिगिल्हि। गाइ-पिया चुम्तेङ हानिका चाकारियागेलाइ एसाबहेङ दोअ्हि, “नाङको बान्धाइति, याकुब नासेहेङ इदोइ गाइ-पिया पिगिल्का हि। वा धेमाङ दोङ लोदोङखे।“

कालाउ एसाब याकुबहेङ लाम्फाङ स्यामा पिलि दोका हिघाहि कालाउ ओबालाइ एमिसो भेनेङहेङ आरुङ तिङलि निङकाता लेङचाहि। कालाउ न्हुसो याकुब कानानता सान्तिसो हि। कालाउ न्हुसो इसाहाक सिहि, कालाउ याकुब कालाउ एसाब वासेहेङ लिअ्हि। परमेस्वर आब्राहाम दोफा बाचा पाका कारार एला इसाहाकसो याकुबता सरिहि।