9. परमेस्वर पाहासो मोसाहेङ काइका

योसेफ सिका को न्हुसो, वाको झाराङ ताइकोगेलाइ मिस्रो सारभिता हिलि तेङहि। इम्बालाइको सान्तानगेलाइ बुङ हेन्जाङ बासार थेकापा लागातार इन्ताङ हिलि तेङहि कालाउ इम्बालाइको हेन्जा सान्तान जेङहि। इम्बालाइहेङ ‘इस्राएलि’ दोघाखे।

सायौ बासार न्हुसो इस्राएलिगेलाइको साङख्या हेन्जा बाढिका हिघाहि। मिस्रिगेलाइ योसेफ कालाउ वाको इम्बालाइता पाका गोताङ आसल कामगेलाइ निल्लि दोका हिघाहि। इम्बालाइ इस्राएलिगेलाइ दोफा थिलि तेङहि हाइपालिपानु इम्बालाइ साङख्याता ओसारापाङ हेन्जा हिघाहि। ओदोङ भाअ्सिङ इङको सोमोइता मिस्रो सारभिता राज्य पाअ्तेङ हिका फारो इस्राएलिगेलाइहेङ मिस्रिगेलाइको बान्धाइति बानाइहि।

मिस्रिगेलाइ इस्राएलिगेलाइहेङ हेन्जा साअ्गेलाइ कालाउ गोताङ सहर सुधाङ बानाइलि लागाइहि। थाङका परिस्रमहोइ ओबालाइको जिबनहेङ कठिन बानाइ पिहि, कालाउ परमेस्वर ओबालाइहेङ आसिस पिहि, कालाउ ओबालाइको सान्तानगेलाइ आझै बाढेकाताङ हानिहि।

इस्राएलिगेलाइ हेन्जाङ खान्तेङ हेन्जा जामालाइ जोलोम पातेङ हिका फारो तिङहि, ओदोङ भाअ्सिङ वा ताइको द्याङगेलाइहेङ गोताङ इस्राएलिगेलाइको भरखङ जोलोमका चानगेलाइहेङ निल झोराता थाइगिल्तेङ सेअ्लि आदेस पिहि।

हिदोइ बुङ एमि इस्राएललि बेबाल एनोङ चानहेङ जोलोम पाहि। वा कालाउ वाको के ताइमिङ पालि दोका थेकापा इङको जामालहेङ म्होतेङ ताअ्हि।

जेलाउ इङको जामालको आमाइ-आबा वासेहेङ आरु हेन्जा सोमोइ म्होलि मादोहि, वासेहेङ सेअ्लिसो जोगाइलि ओबालाइ एनोङ दोइसो पुइतेङ जामालहेङ इङको लिता ताअ्हि कालाउ निल झोराको काम्भेता नर्कटको झुन्जिको माझाता ताअ्पिहि। जामालको बाइ वासेहेङ हाइ जेनाङबे दोअ्तेङ खान्तेङ हिघाहि।

फारोको चामिन्दि इङको दोइसोहेङ तिङहि कालाउ इङको लिता हाइ हिबे दोअ्तेङ खाइतेङ खाङहि। जेलाउ वा जामालहेङ तिङहि, वा उङको जामालहेङ ताइकोङ चानको रुपता ताअ्हि। वा एमि इस्राएलि बेबालहेङ उङको जामालहेङ सामाराइलि डोरमा पितेङ ताअ्हि कालाउ इङको बेबाल जामालको ताइकोङ आमाइ हिघाहि दोअ्का काथा वासेहेङ थाहा मान्थु घाहि। जेलाउ जामाल एला दुधे आम्लि मागोइका झोको बारका जेङहि, उङको बेबाल वासेहेङ फारोको चामिन्दिकोता पिगिल्हि जाइ वाको मिङ मोसा ताअ्पिहि।

एनि, जेलाउ मोसा धाना जेङलि दोका हिघाहि, एमि मिस्रि एमि इस्राएलि बान्धाइतिहेङ दानाइतेङ हिका तिङहि। मोसा ताइको इस्राएललि द्याङहेङ बान्चिपालि भोहि।

जेलाउ मोसा ताइमिहेङ हासुबु ङ मातिनाङ दोअ्का सोचिहि कालाउ उङको मिस्रिहेङ सेअ्तेङ इङकोहेङ लिपिहि। कालाउ मोसा उङको मिस्रिको मारा पाका हासु बुङ तिङका हिघाहि।

जेलाउ फारो मोसाको पाका माराको बारेता थाहा निङहि, वा मोसाहेङ सेअ्लि भोहि। ओदोङ भाअ्सिङ फारो सिपाइगेलाइसो बान्चिलि मोसा मिस्रो सारभिसो खाअ्तेङ चाका-मान्दा थामेभारि हानिहि।

मिस्रो सारभिसो दुरे इङको चाका-मान्डा थामेता मोसा एनोङ लाखुरिया जेङहि। वा इङको थामेको एमि बेजान दोफा बिहु पाहि कालाउ वाको न्हेमि चानगेलाइ जेङहि।

एनि जेलाउ मोसा ताइको भेडागेलाइहेङ सामाराइतेङ हिघाहि, वा एनोङ झुन्जि तिङहि जेदोङ मेहोइ ओअ्तेङ हिका हिघाहि। कालाउ इङको झु्न्जि ओअ्तेङ बुसिरि माजेङहि। इङको झुन्जिहेङ आझै रेम्फासो मि हेल्तेङ मोसा इङको को भेरपाङ हानिहि। जेलाउ वा इङको ओअ्तेङ हिका झुन्जिको भेरपा लोहि, परमेस्वर दोअ्हि, “मोसा, नाङको जुत्तागेलाइ होअ्। हाइपालिपानु ना पबित्तरो मिलिङता जाअ्तेङ हिना”।

परमेस्वर दोअ्हि, “का काङको द्याङगेलाइको कस्टहेङ तिङका हिघा। का नासेहेङ फारोकोता पिगिल्लाङका कालाउकि नाअ् इस्राएलिगेलाइहेङ मिस्रो सारभिको चाकारियासो लाअ्पातेङ चुमाना। का नेलाइहेङ कानानको सारभि प्याङका, इङको सारभि जेदोङ का आब्राहाम, इसाहाक कालाउ याकुब दोफा प्रतिग्या पाका हिघाखा।“

मोसा दोअ्हि, “द्याङगेलाइ कासेहेङ हासु दिङगिल्हि दोअ्का हि:हि पानु, का हाइ दोअ्लि?” परमेस्वर दोअ्हि, “का हिघा, जाइ का हिघा। नेलाइहेङ एसा दोअ्लि, ‘का हिघा’ दोअ्का दोङ कासेहेङ नेलाइकोता दिङगिल्का हि। इम्बालाइहेङ या बुङ दोअ्पि, ‘का योहोबा हिघा, नेलाइको आबा पुर्खा आब्राहाम, इसाहाक, कालाउ याकुबको परमेस्वर’। काङको मिङ जेलाउलाउको भाअ्सिङ इदोइदोङ हि।”

इसाहाक, कालाउ याकुबको परमेस्वर’। काङको मिङ जेलाउलाउको भाअ्सिङ इदोइदोङ हि।” मोसा थिका हिघाहि कालाउ फारोकोता हानिलि चाहिका मान्थुघाहि हाइपालिपानु ताइमि ठिकसो नुइ धुइलि मादोका वा सोचेका हिघाहि। ओदोङ भाअ्सिङ परमेस्वर मोसाको ओने हारुनहेङ वाको दोफा साघाइ निङलिको भाअ्सिङ दिङगिल्हि। फारो राङका जेनाङ दोअ्तेङ परमेस्वर मोसा कालाउ हारुनहेङ चङख पापाहि।