4. परमेश्‍वर अब्राहम के साथु कू वादा घा निजु।

घु कु हुलाड़ं हिड़ं नोगोन्दी ,दुबारा धरती रु मीजन कलजु अज्यु उइसु दुबारा परमेश्‍वर कु अज्यु ताकु खिजु रकसा पाप घासु। खलन कि इदु बिर मीजन ताकु भाषा फा निजु इदु हन्दु इदु बिर थुमसीजु अज्यु इदु ताकु भड़ं बनेसु। अनमा घालन धरती रु भुड़ंयाड़ं जो आदेश परमेश्‍वर सु दासु इदु मु मानेसु।

इदु दलना ठारसी निजु अज्यु उइसु घुम घालन जीवन ढुड़ंमु चिहनी। इदु हन्दु परमेश्‍वर कु आदेश मु मानेसु। अज्यु इदसु पुनु चिम घामु शुरु घासु जो थो लोग दियाड़ं। परमेश्‍वर सु ताड़ंसु कि ताकु राकसा पाप घा तरसयड़ं , अनमा घालन दलना पाप घानु लन घा तरसयड़ं।

इदु हन्दु परमेश्‍वर सु इदकु भाषा गड़बड़ घालन दलना भाषा किखीदिसु। परमेश्‍वर इदोजो बिर धरती रु किफेदिसु। इदु भड़ं बनेमु शुरु घासु इदु बाबेल लिदा। इदकु अर्थ ली गड़बड़।

हुलाड़ं ला हिड़ं कु नोगोन्दी परमेश्‍वर सु अब्राम मुड़ं ताकु मी रकसा काड़ंथे घासु। परमेश्‍वर सु लिसु अफी देश अज्यु खु सीलन इदु देश रु दी जो जी घे दाड़ंदी जी घे आशिर्वाद दाड़ंदी अज्यु घेजो पुनु जाती बनेड़ंदा। जी घेघु मुड़ं पुनु घाड़ंदा। जो घेजो आशिर्वाद दादे जी घेजो आशिर्वाद दाड़ंदी ,अज्यु जी जो शा्रप धाडंदा जी घे शा्प धाड़ंदी। घेघु वजह सु धरती बिर जन आशिर्वाद धाड़ंदा।

तब अब्राम सु परमेश्‍वर कु काड़ंथे मानुसु अज्यु अफी भुदाचुमे बिर अफी बिर सेवा घानु अज्यु जो ले इदकु निजु कुरसु अज्यु कनान देश रु ताजु। जो परमेश्‍वर सु इदु थेयसु।

जब अब्राम कनान देश होनसु। परमेश्‍वर सु इदजो लिसु पी भड़ं उड़ंसु जी घेजो अन्दु बिर देश दाड़ंदी। अज्यु घेघु वंष नोगोन्दी होना अधिकार ताड़ंदा। तब अब्राम इदु देश रु कुसुड़ंजु।

मलिकिसिदक मुड़ं कु ताकु हुरासीरी निजु। इदु मुड़ं कु ताकु होरासीरी निजु। जो पुनु परमेश्‍वर पुजारी निनि। ताकु ज्या जब अब्राम दाकसिमु कु नोगोन्दी थोकते रा निजु। अब्राम अज्यु इदु छियजु। मलिकिसिदक सु अब्राम जो आशिर्वाद दासु अज्यु लिसु पुनु परमेश्‍वर जो थो लोग अज्यु दुनिया कु मालिक निनि। इदु घेजो आशिर्वाद घाड़ंदा। तब अब्राम सु दाकसिलन जो जीतनु बिर जन 10 ची हिस्सा मलिकिसिदक जो दासु।

हुलाड़ं हिड़ं नोगोन्दी अब्राम अज्यु सारै कु घुबरी ले सेयनु मुनीजु। परमेश्‍वर सु अब्राम सु काड़ंथे घासु अज्यु वादा घासु दुबारा वादा घासु कि इदकु सेनु ढुड़ंसु अज्यु तुखू रु तारे मा घरतु इदकु दलना वंश लिलो। अब्राम सु परमेश्‍वर कु वादा रु विश्‍वाश घासु। परमेश्‍वर जो लिसु अब्राम ताकु धर्मी मी निजु। खलन कि इदसु परमेश्‍वर कु वादा रु विश्‍वाश घासु।

तब परमेश्‍वर अब्राम सु वादा घासु। वादा कु अर्थ खिजु खिजु कु घुन्दा घुबरी ले लन घायनु कु समझैता लि। तब अब्राम किया निजु तब परमेश्‍वर सु वादा किघा निजु। खलन कि अब्राम परमेश्‍वर यन निजु। परमेश्‍वर सु लिसु जी घेजो ताकु सेयनु दाड़ंदी जो घेजो पेदा लिलो। जी घेजो वंष जो कनान देश दाड़ंदी। खलन इता होना अब्राम जो घुबरी ले सेनु मुदाड़ंदा।