20. बान्धू थान ले लेवटवार

इस्रायल राज्य आवरी यहूदा र राज्य दोनों महापरू विरुद्ध पाप करलाय। हायमन हाय किरिया के टुटाय देलाय जोन महापरू तीके सीने पोरबत ने बांदी रेला। महापरू तीके पश्चताप करबा काचे आवरी फिर ले हातार आराधना करबा काचे चेतावनी देबा काचे खुदर भविष्यवक्त के पोटायला, मातर हायमन तिकर गोट मन के मानबा काचे माना करि देला।

अतः मापरु तिकर दुश्मन मनके हाय मनके नास करबा काचे सकबार दवारा दुनो राज के दंडित करूआय। अश्शुर गोटक दूसरा राज रहूआय जोन खूबे सक्तिशाली होई हाई रहूआय। हाय मन दूसरा देशर काचे खुबे निर्दयी बले रहुआत। हाय मन आई करी इस्राएलर राज के नास करी देउआत। अश्शूरि मन आइ करी इस्राएल राज ने खुबे लोग मनके मारी देउआत, जोन टा मन आयले हाके जुरु आत, आउरी देशर कई जागा के जलाय देउआत।

अश्शुरिय मन सबु अगवा मन, धनवान लोकमन, आवरी असन लोक मन जोन कीमती वस्तुमन बनाया के सोकेत रेलाय गोटक संगे कूड़ा करलाय आवरी हाय तीके अशशुर देश ने नेला। इस्रायल ने खाली किनीक गरीब इस्रायली ही बाच लाय।

फिर अश्शुरी लोक हाय देश ने रेबा काचे विदेशी मन के धरी आनलाय। हाय विदेशी मन हाय नगर मन के बनाय लाय। जोन इस्रायली हायती बाची रेलाय हाय मन बिया करलाय। ऐई लोक मनर वंशज सामरी बोला गला।

यहूदा र राज्य लोकमन दकलाय कि कसन महापरू थाने विस्वास ना करलाय आवरी हातार गोट के ना मानबार कारन इस्रायल राज्य र लोकमन के दंड देला। मातर तेबे बी हायमन कनानी मन र देवता मन र मूर्तिमनर उपासना करलाय। महाप्री तीके चेतावनी देबा काचे भविष्यवक्तामन के पोटायला, मातर हायमन सुनबा काचे मना करि देला।

लगभग 100 बोरस र पाचे अश्शुरी मन इस्रायल राज्य कनास करी देला। महापरू बेबीलोन र राजा, नबुकदनेस्सर के यहूदा र राज्य थाने हमला करबा काचे पोटायला। बेबीलोन गोटक शक्तिशाली देश आय। यहूदा र राजा नबुकदनेस्सर दास बनबा आवरी हर बोरस खुबे धन र भुगतान करबा काचे सहमत होयला।

मातर किनीक बोरस पाचे, यहूदा र राजा बेबीलोन र विरुद्ध बलवा करला। ऐई काचे बेबीलोन मन आपिस आई करी यहूदा राज्य थाने हमला करी देलाय। हायमन यरूशलेम नगर थाने कब्ज़ा करी देलाय, मंदिर के नष्ट करी देलाय, आवरी मंदिर र खजाना के जुरलाय।

बलवा करबा कारन यहूदा र राजा के दंडित करबा काचे, नबुकदनेस्सर र सैनिक मन राजा र बेटा के हातार छोमे मरी देलाय आवरी फिल आके काड़ा करी देलाय। अतार पाचे, हायमन राजा के नेलाय ताकि बेबीलोन र जेयल ने मोरी जाओ करी।

नबुकदनेस्सर आवरी हातार सेना यहूदा र राज्य लगभग सबु लोकमन के बेबीलोन नेलाय, खाली सबुले गरीब लोक मन के पीटी छाड़ी करी ताकि हाय बेड़ा थाने फसल करोत करी। बेरा र ये काल के बन्धुआइ बोला गला आचे जार ले महापरू र लोक मन के किरियार देश ले निकरी जीबा काचे बिबस करलाय।

भले ही महापरू खुदर लोक मन के तिकर पाप काचे बन्धुआइ ने जबार द्वारा दंड देला, तेबे बले हाय तीके या खुदर किरिया मन के ना भूलके। महापरू खुदर लोकर निगरानी करबा जरी सोंगायला आवरी खुदर भविष्यवक्ता र द्वारा तिकर ले गोटायते रेला। हाय किरियार सतर बोरस पाचे, हाय फिर ले किरिया र देश ने आयबाय।

लगभग सत्तर बोरस पाचे, फारस र राजा कुस्रू थाने बेबीलोन के हाराय देलाय, ऐई काचे बेबीलोन र साम्राज्यर बजाय फारस र कतक देश मन ने शासन करलाय। इस्रायली लोक अबर यहूदी बोला जाऊआत। ऐई थान ले खुबेमन खुदर पूरा जीबन बेबीलोन ने बिताय देलाय। मातर खुबे डोकरा यहूदी मन के ही यहूदा देश सुरता रेला।

फारसी लोक खुबे समर्थि रेलाय, मातर हायमन खुदर जीतला लोक मन थाने दया करी रेलाय फारसी लोक मन राजा बनलार किनीक बेरा पाचे, कुस्रू गोटक आदेश देला कोनी बि यहूदा जोन यहूदा आपस जीबा चाहुआय, हाय फारस ले निकर करी आपस यहूदा जायके सके। एती तक कि हाय तिकर मंदिर केफिर ले बनायबा काचे धन देला। ऐई काचे बन्धुआइ र सत्तर बोरस पाचे, यहूदी मन र गोटक सूरी समहू यहूदा ले यरूशलेम नगर लेउटी आयलाय।

जेबे हाय लोक यरूशलेम पोचलाय तेबे हाय मन मंदिर कावरी चारो बाटर कती फिर ले बनायलाय।फारसी लोक एबे बले तिकर थाने शासन करुआत मातर गोटक बार फिरले हाय किरिया र देश ने रहते रहूआता आवरी मंदिर ने आराधना करते रेलाय।