21. महापरू जिसुर किरिया करुआय

जेबे महापरू संसार र सृष्टी करी रेला, हाय जानते रेला हातार पाचे कोनी दिने जिसु महापरू के पोटायबा र होयसी। हाय आदम आवरी हवा ले किरिया करला कि हाय असन करसी। हाय बोला हवा गोटक वंशज जनम सी जोन सांप र मुंड रोमंद सी। जोन सांप हवा के धोका देला हाय जरुर शैतान रेला। महापरू अर्थ आय कि जिसु महापरू पूरा तरह ले शैतान के हाराय देयसी।

महापरू अब्राहम ले किरिया करी रेला हातार द्वारा संसार र सबु जाति आशीष पायसी। महापरू पाचे कोनी बेरा थाने जिसु महापरू के पोटायबा र द्वारा ऐई किरिया के पूरा करसी। हाय जिसु महापरू संसार र सबु जाति ले लोकमन के तिकर पाप ले छुड़ायसी।

महापरू महापरू मूसा ले किरिया करि रेला कि भविष्य में हाय मूसा र समान गोटक दूसरा भविष्यवक्ता पोटायसी। ऐई भविष्यवक्ता जिसु महापरू होयसी। ऐई रीती ले, महापरू फिर ले किरिया करला कि हाय जिसु महापरू के पोटायसी

महापरू दाउद राजा ले किरिया करी रेला कि हातार गोटक वंशज जिसु महापरू होयसी। हाय राजा होयसी आवरी महापरू र लोक मन थाने सदा शासन करसी।

महापरू यिर्मयाह भविष्यवक्ता ले गोटायला आवरी बोलला कि गोटक दिन हाय नुआ वाचा बांधसी। हाय वाचा इस्रायल संगे सिने थाने बाँधी गला पुराना वाचा जसन ना होयसी। जेबे लोकमन संगे हाय खुदर नुआ वाचा के बाँधसी,तेबे हाय तीके खुद के अपनापन ले परकट करसी।सबु लोक हातार ले मोया सोंगायबाय आवरी हातार व्यवस्था र पालन करबा ने इकक्षा सोंगाय बाय। महापरू बोलला कि ऐ हाय व्यवस्था के तिकर दिलमन थाने लिखी देबा जसन होयसी ऐ हातार लोकमन होयबाय, आवरी महापरू तिकर पाप के क्षमा करसी। हाय जिसु महापरू होयसी जोन तिकर संगे नुआ वाचा बाँधसी।

महापरू भविष्यवक्ता मन ए बी बोललाय कि जिसु महापरू गोटक भविष्यवक्ता होयसी। गोटक हाय माने आय जोन महापरुरु वचन मनके सुनुआय आउरी फिर लोग मन थाने महापरुर संदेसर घोषणा करूआय। जाके पोटायबा काचे महापरु किरीया करी रेला हाय जिसु महापरू गोटक सिद्ध भविष्यवक्ता होयसी। मतलब हाय जिसु महापरू महापरूर संदेस के अच्छा ले सीखायसी।

इसरायली याजक मन लोग मनके काचे महापरूर बलिदान चेगायबार जारी सोंगायलाय। ए बलिदान लोग मनर पाप काचे तीके दंड किया जीबा जागा ने चेगायते रेलाय। याजक मन लोग मन काचे पारतना बले करलाय। मान्तर, हाय जिसु महापरू सिद्ध महायाजक होयसी जोन महापरु के देबा काचे सिद्ध बलीर रुप ने खुद के चेगाय देयसी। मतलब, हाय केबी पाप ना करसी, आउरी जेबे हाय अपना के बली चेगायबा काचे देयसी, तेबे संसारर दूसरा बलीर जरुरत ना होयसी।

लोकमन र समूह मन थाने राजा आवरी परधान शासन करते रेलाय, आवरी केबी –केबी गलत करते रेलाय। राजा दाउद मात्र इस्रायली मन थाने शासन करला, मातर राजा दाउद र वंशज जिसु महापरू पूरा संसार थाने शासन करसी, आवरी हाय सदा काचे शासन करसी। एतार अलावा, हाय हरमेसा न्यायपूर्ण रीती ले शासन करसी, आवरी सही फेसला धरसी।

महापरू र भविष्यवक्ता मन जिसु महापरू र ए खुबे गोट बोली रेला। उदाहरण काचे, मलाकी बोलला जिसु महापरू र आयबार पोयले गोटक दुसर भविष्यवक्ता आयसी। हाय भविष्यवक्ता खुबे महत्वपूर्ण होयसी। एतार अलावा, यशायाह भविष्यवक्ता लिकला कि जिसु महापरू गोटक कुमारी ले जमन धरसी। आवरी मिका भविष्यवक्ता बोला कि जिसु महापरू बैतलहम नगर ने जनम धरसी।

यशायाह भविष्यवक्ता बोलला कि जिसु महापरू गालील परदेस ने रहसी। जोन लोक खुबे दू:खी आत जिसु महापरू टिके शांति देयसी। हाय केदी मन के बोले आजाद करसी। जिसु महापरू बीमार मन के आवरी जोन सुन के ना सकेत, दक्के ना सकेत, बोल के ना सकेत, या हिंडके ना सकोत तीके बोले चंगा करसी।

यशायाह भविष्यवक्ता ये बले बोली रेला लोक्मसिः ले नफरत करबाय आवरी हाके अपनायबा काचे माना करी देबाय। दुसर भविष्यवक्ता मन बोललाय जिसु महापरू र गोटक संगबारी हातार विरुद्ध उठसी। जकरिया भविष्यवक्ता बोलला हातार संगबारी असन करबा काचे दुसर लोकमन ले चांदी र तीस सिक्का धरसी। एतार आलावा, कतक भविष्यवक्तामन बोललाय कि लोक जिसु महापरू के मारी देबाय, आवरी ये कि हातार फोटीमन काचे जुआ खेलबाय।

भविष्यवक्ता मन ते बले सांगी रेलाय कि जिसु महापरू कसन मोरसी। यशायाह भविष्यवाणी करला किलोक जिसु महापरू थाने थूक बाय, हातार मजाक उड़ायबाय, आवरी हाके पेटबाय। हाय मन हाके छेदा करी देबाय आवरी हाय बड़े दुःख आवरी यातना ने मोरी जायसी, जबकि हाय किनीक बले गलत ना करला होयसी।

भविष्यवक्तामन ये बले सांगी रेलाय कि जिसु महापरू पाप ना करसी। हाय सिद्ध होयसी। मातर हाय ऐई काचे मोरसी महापरू हाके दुसर लोकमन र पापमन काचे दंडित करसी। हातार मोरलार लोक महापरू संगे मेल करबा काचे सक्षम होयसी। ऐई काचे महापरू चाहुआय कि मसिह मोरो।

भविष्यवक्तामन ये बले सांगी रेलाय कि महापरू जिसु महापरू के मोरला थान ले जीउठायसी। ये दरसायुआय कि ये सबु नुआ वाच बांधबा काचे महापरू योजना करी रेला, ताकि हायमन हाय लोक मन के बचाय के सको जोन हातार विरुद्ध पाप करला आत।

महापरू भविष्यवक्ता मन के जिसु महापरू र बारे ने खुबे गोट के परकट करला, मातर जिसु महापरू हाय भविष्यवक्तामन र जीवनकाल ने नाआसे। ऐई भविष्यवाणी देई जीबार पाचे 400 ले खुबे बोरस पाचे, सही बेरा थाने, महापरू जिसु महापरू के एई संसार ने पोटायसी।