22. यहुन्ना र जनम

अतीत ने, महापरू अपनार भविष्यवक्तामन ले गोटायला रेला ऐई काचे हाय लोकमन ले गोटायके सकते रेलाय। मातर हाय बेरा ले धरी फिर ले 400 बोरस बीतलार तक हाय तिकर ले ना गोटायला हाय तिकर ले ना गोटायला। तेबे महापरू जकर्याह नामर भविष्यवक्ता लगे गोटक सरगदूत के पोटायला। जकर्याह आवरी हातार बायले एलिशिबा महापरू र आदर कारबार आय। हाय मन खुबे डोकरा डोकरी होई रेलाय, आवरी हातार कोनी संतान जनम ना होई रेला।

हाय सरगदूत जकर्याह ले बोलला, ”तोर बायले ले गोटक बेटा जनम सी। तुय हातार नाम युहन्न सोंगाव। महापरू हाके पवित्र आत्मा ले परिपूर्ण करसी, आवरी युहन्न लोकमन के जिसु महापरू के ग्रहन करबा काचे तियार करसी।”जकर्याह जबाब देला, ”मुय अरवी मोर बायले संतान जनमा यबा काचे खुबे डोकरा डोकरी होयलू!मुय कसन जांबी कि तुय मोके सत बोलबी आस?”

हाय सरगदूत जकर्याह के जबाब देलाय, ”तोर लगे ये शुभ संदेस के आनबा काचे मुय महापरू द्वारा पोटाय गली आची। कायकाचे तु मोर उपरे विश्वास न करलीस, ऐई काचे पीला र जनम होयबा तक तु बोला के ना सकिस।”जपके ही, जकर्याह बोलबा ने असमर्थ रेला। तेबे हाय सरगदूत जकर्याह लागले जायते गला।एतार पाचे, जकर्याह घरे लेवटी आयला आवरी हातार बायले पेटे होयला।

जेबे एलिशिबा छः मोयना र पेटे रेला, तेबे हाई सरगदूत अचनाक्ले एलिशिबार लोकबाक थाने परकट होयला, जार नाम मरियम रेला। मरियम ठेंगवा रेला आवरी बिया होयबा काचे युसूफ नाम र मने संगे मांगनी होई रेला। सरगदूत बोलला,”तुय पेटे होयबीस आवरी गोटक बेटा के जनम देबिस। तोके हातार नाम जिसु सोंगायबार आय। हाय सर्व –शक्तिमान महापरू र बेटा होयसी आवरी सदा काचे शासन करसी।”

मरियम जबाब देला, ”ये कसन होयसी, कायकाचे मुय तो टेंगवा आची? ”हाय सरगदूत समजायला, ”पवित्र आत्मा तोर थाने आयसी, आवरी महापरू सामर्थ तोर उपरे छाया करसी। ऐई काचे हाय पिया पवित्र होयसी, आवरी हाय महापरू र बेटा होयसी।”जोन हाय सरगदूत बोलला हातार उपरे विश्वास करला।

येटा होयलार पाचे, मरियल जायिकरी एलिशिबा ले भेट करला। जसन ही मरियम नमस्कार करला, एलिशिबर पीला हातार भीतरे कुदला। तिकर काचे महापरू जोन करी रेला हातार बारे ने हाय बायले मन गोटक संगे आनन्दित होयलाय। एलिशिबा संगे तीन मोयना रेबार पाचे, मरियल घरे लेवटी आयला।

एतार पाचे, एलिशिबा अपनार पीला के जनम देला। जकर्याह आवरी एलिशिबा हाय पीला र नाम युहन्ना सोंगायलाय, जसन किहाय सरगदूत आदेश देई रेला। तेबे महापरू जकर्याह के बोलबा ने सकक्षम करला। जकर्याह बोलला, ”महापरू स्तुति हो, काय काचे हाय अपनार लोकमन र सहयता करबा ने सुरता करला!ए मोर बेटा, तुय सर्व –शक्तिमान महापरू र भविष्यवक्ता होयबीस। तुय लोकमन के सांगबीस कि हाय कसन अपनार पाप मन ले कसन क्षमा पायके सकबू!”