24. यहुन्ना जिसु के बपतिस्मा देउआय

एलिशिबा आवरी जकर्याह र बेटा युहन्ना, बड़े होई गोटक भविष्यवक्ता बनी गला। हाय झारे रेबार आय, आवरी झार र अंडार तेल आवरी टिड्डीमन खायबार आय, आवरी ऊँट र रोम ले बनला फोटी पिन्दबार आय।

खुबे लोक युहन्ना र गोट के सुंबा काचे झारे निकरी आयलाय। हाय ये बोलि करी तीके प्रचार करला, ”पश्चताप करा, काय काचे सरग गर राज्य निकट आचे!”

जेबे लोक मन युहन्ना र सन्देश के सुनलाय, तेबे हाय थानले खुबे ने अपनार पाप मन ले पश्चताप करलाय, आवरी युहन्ना ने बपतिस्मा देला। युहन्ना के दकबा काचे खुबे धार्मिक अगुवा मन बले आय लाय, मातर हायमन अपनार पाप मन ले पश्चताप या अंगीकार ना करलाय।

युहन्न्ना धार्मिक अगुवा मन ले बोलला, ”है जहरीला सांप मन!पश्चाताप करा आवरी अपनार व्यवहार के बदला। महापरू हर हाय गच के कटी देयसी जोन अच्छा फल ना आने, आवरी हाय तीके जोय ने डाली देयसी।”जोन भविष्यवक्ता मन बोली रेलाय युहन्ना हाके पूरा करला, ”दका, जपके ही मुय तोर छोमे अपनार सन्देशवाहक के पोटायबी जोन तोर काचे रास्ता तियार करसी।”

कतक धार्मिक अगुवा मन युहन्ना ले पोचार लाय कि काय हाय जिसु महापरू आय। युहन्ना जबाब देला, ”मुय जिसु महापरू नुआय, मातर हाय मोर पाचे आयसी आचे। हाय अतक महान आय कि मुय हातार जूता र डोरी खोलबार बले योग्य नुआय।

अगला दिन, जिसु बपतिस्मा धरबा काचे युहन्ना लगे आयला। जेबे युहन्ना हाके दकला, तेबे हाय बोलला, ”दका!महापरू ए मेमना जोन संसार र पाप मन के उठाय करी नेयसी।”

युहना ने जिसु ले बोलला, ”मुय्तोके बपतिस्मा देबा योग्य नुआय। बजाय एतार आवश्यक आय कि तुय मोके बपतिस्मा देस।”मातर जिसु बोलला, ”तोके मोके बपतिस्मा देबा चाहिए, कायकाचे करबा काचे सही काम येही आय।”अगर युहन्ना हाके बपतिस्मा देला, जबकि जिसु केबी पाप ना करी रेला।

बपिस्मा देला पाचे जेबे जिसु पानी ले निकरी आयला बाहरे आयला, तेबे महापरू र आत्मा कबूतर र रुप ने परकट होयला आवरी टेल आई करी हातार थाने ठेबला। हाय बेरा, महापरू सरग ले गोटायला। हाय बोलला, ”तुय मोर बेटा आस। मुय तोके मोया करुआंय, आवरी मुय तोर ले खुबे प्रसन्न आय।”

महापरू युहन्ना ले बोलला, ”पवित्र आत्मा तले आई करी कारी थाने थेबी जायसी जार ले तुय बपतिस्मा देबिस।”हाई महापरू र बेटा आय महापरू गोटकी आय। मतार्म्जेबे युहन्ना जिसु के बपतिस्मा देला, तेबे हाय महापरू बाबा के गोटायते सुनला, बेटा महापरू के दकला, जोन जिसु आय, आवरी हाय पवित्र आत्मा के दकला।