25. शैतान जिसुर परीक्षा करुआय

जिसु र बपतिस्मा होयलार तुरते पाचे, पवित्र आत्मा हाके झारे नेलाय। यीशू हायती चालीस दिन आवरी चालीस राती रेला। हाय बेरा हाय उपवास करला, आवरी शैतान जिसु लगे आई करी पाप करबा काचे हातार परीक्षाकरला।

पोयले, शैतान जिसु ले बोलला, ”अगर तुय महापरू र बेटा आस तेबे ऐ पोकना के रोटी बनाय देस ताकि तुय खायके सकबीस!”

मातर जिसु शैतान ले बोलला, महापरू वचन ने ये बले लिकला आचे, जिउ रेबा काचे माने केवल रोटी र आवश्कता नुआय, मातर तीके हर हाय गोट र आवश्कता आय जोन महापरू तीके बोलुआय!”

तेबे शैतान जिसु के मंदिर र सबुले ऊचा सिरा थाने नेला। हाय हाके बोलला, ”अगर तुय महापरू बेटा आस तेबे येती ले तले कुदी जा, कायकाचे लिकला आचे, ’महापरू तोके उठाय बा काचे अपनार सरगदूत मन के आज्ञा देयसी कि तोर गोडें थाने पोकना ले ठेस ना लगो करी।”

मातर जिसु हाय ना करला जोन शैतान हातार ले करबा काचे बोली रेला। एतार बजाय, हाय बोलला, ”महापरू सबु के बोलुआय, ’तुय परबू अपनार महापरू र परीक्षा ना करा।

पाचे शैतान हाके संसार र सबु राज्य दकायला। हाय हाके दकायला कि हाय कतक शक्तिशाली रेलाय, आवरी हाय मन कतक सम्पन्न रेलाय। हाय जिसु के बोलला, ”मुय तोके ये सबु देयबी अगर तुय घुटना टेकी करी उपासना करबीस।”

जिसु जबाब देला, ”है शैतान, मोर लागले जायते जा!महापरू र वचन ने हाय लोकमन के आदेश देउआय, ’केवल अपनार परबू महापरू र आराधना करा। महापरू र रुप ने हतार ही आदर करा।”

जिसु शैतान र परीक्षा ले हार ना मानला,ऐई काचे शैतान हातार लगले जायते गला। तेबे सरगदूत अयिकारी जिसु र सेवाटहल कर के लाग लाय।