27. दयालु सामरी बाईले र काआनी

गोटक दिन, यहूदी व्यवस्था र गोटक विशेषज्ञ युशी लगे आयला। हाय सबु के दकायबा चायते रेला कि युशी गलत रीती ले शिक्षा देयसीआचेकरी। ऐई काचे हाय बोलला, ”हे गुरु, अनंत जीबन पायबा काचे मुय काय करबी? ”युशी जबाब देला, ”महापरू र व्यवस्था ने काय लिख ला आचे?

हाय माने बोलला, ”हाय बोलुआय कि अपना महापरू के सबु मन, प्राण, सामर्थ, आवरी बुद्धि ले मोया ओंगाव। आवरी अपना पड़ोसी ले अपनार समान मोया सोंगाव।”युशी जबाब देला .”तुय बिलकुल सही आस!अगर तुय असन करबीस, तेबे तोके अनंत जीवन पोयबिस।”

मातर हाय व्यवस्था र विशेषज्ञलोक मन के दकयाबा चायते रेला कि हातार जीवन जिबार तारिक सही रेला। एई काचे हाय जिसु ले फोचारला, ”टिक आय, तो मोर पोड़ोसी कोन आय? ”

जिसु हाके व्यवस्था र विशेषज्ञ के गोटक काआनी सांगते होए जबाब देला।”गोटक यहूदी मने रेला जोन गोटक रोड ले होई करी यरूशलेम ले यरीहो र यात्रा करते रेला।”

“मातर कतक डाकू मन हाके दकला लाय आवरी हातार उपरे हमला करी देलाय। हाय मन हातार सबू के लुट लाय आवरी हाके लगभग मोरबा तक मारलाय -पिटलाय। तेबे हाय जायते गला।”

“हातार तुरते पाचे, गोटक यहूदी याजक हाई रोड ले होई करी जायते रेला। हाय याजक ने हाय मने के रोड ने पोड़ी रेला दकला। जेबे हाय हाके दकला तेबे हाय रोड र दूसरा बाटे जाई करी आगे बोड़ला। हाय हयमाने के पूरी रीती ले अनद्खा करी देला।”

“एतार पाचे कीनिक बेरा सरला र थाने, गोटक लेवी हाय रोड़े आयला। (लेवी यहूदियमर गोत्र थानले रेला जोन मन मंदिर ने याजक मन र सहायता करी रेलाय। )हाय लेवी बले रोड र दुसर बाटले निकरी गला। हाय बले हाय माने के अनदेखी करी देला।”

“अगला जन जोन हाय रोड़े आयला हाय सामरीर गोटक माने रेला।

“पाचे हाए सामरी हाए माने के निजार गधा आने डालला आओरी ताके हाए बाटले गोटोक सराय आने नेला। जोनथाने हाए टार देखभाल करबाता चालू सोंगाएला।”

तार दूसरा दिने, हाए सामरी के निजार यात्रा चालू सोंगाएबार जरूरी रेला। हाए हाए सराय आनर प्रभारी माने के केतक धन देला। हाए ताके बोल्ला, “ए मानेर देखभाल कर। जोदि ए धन के छाड़ी तोर आओरी धन खर्चा होएले मुई आपिस आएले मुई तोर हाए खर्चा मनके छूटी देबी।”

पाचे जिसु हाए ब्यबस्तार जानबा लोक के पोचारला, “तोमी काए सोचबाआचास? ए तीन लोकमन आने कौन हाए मानेर पड़ोसी आए जाके जुरलाए आओरी मारा जाई रेला? ” हाए जबाप देला, “हाई तार उपरे दयालू रेला।” जिसु ताके बोल्ला, “तुइ जा आओरी असनी आका कर।”