43. कलिसीआर आरंब होएसी

जिसुर सरग आने लेऊटी गलार पाचे, चेलामन यारूसलेम आने आका थेबलाए जसन कि जिसु हाएमनके कारबार आदेश दी रेला। हाएतीर बिसबासी लोकमन घन-घन गोटोक संगे पार्थना करबा काचे रुंडा होएबाराए।

सोबू बोरोस, फसहर पोरोबोर 50 दिनर पाचे, यहूदी लोकमन पिन्तेकुस्त नाओर गोटोक जरूरी दिन के बनाएबाराए। पिन्तेकुस्त हाए समय रेला जेबे यहूदी लोक गेऊँर कटाई के बनाएबाराए। सोबू जगत ले यहूदी लोक पिन्तेकुस्तर दिने गोटोक संगे बनाएबा काचे यारूसलेम आने आएलाए। ई बोरोस, पिन्तेकुस्त बनाएबार समय जिसु के सरग आने जिबा ले खेटा खेटी गोटोक हप्तार पाचे आसी रेला।

जड़कदाय सोबू बिसवासी लोक गोटोक संगे रुन्डा रेलाए, तो जोन घरे हाएमन रेलाए अचानक ले हाए तेज आवाज़ ले भरी गला। तेबे जोएर लूटा पारा दका देबाटा केतक बिसबासी उपरे दरसन देला। हाए सोबू पबीत्र आत्मा ले पूरी गलाए आओरी हाएमन अन्य भासामनले महापरूर स्तुति करलाए। ए हाए भासामन रेला जोनती बोलबा काचे हाएमनके पबीत्र आत्मा सक्षम

जेबे जरूसलेम आने रेबा लोक हाए कोलार के सुनलाए, तो हाएमन भिड़र रूप आने ए दकबा काचे संगे आएलाए कि काए होएसी आचे। हाएमन बिसवासी मनके महापरू द्वारा करलार बड़े-बड़े काममनर कता करबाटा सुनलाए। हाएमन संतुस्ट रेलाए काएकाचे कि हाएमन हाए काममनके निजर भासा आने सुनते रेलाए।

ए मनले केतक लोकमन बोल्लाए कि हाए चेलामन नशा आने रेलाए। मातर पतरस ठियाँ होएला आओरी हाए बोल्ला, “मोर कता सुना! ए लोक नशा आने निआत! हातार पाल्टा, जोनटा तोमी दकबाआचास हाएटा हाई आए जोन योएल भविष्यबक्ता बोली रेला कि होएसी: महापरू बोल्ला, ‘सरा सरी दिन आने, मुई निजर आत्मा उतराएबी। ’”

“ए इसराएली मानेमन, जिसु गोटोक असन माने रेला जोन ए दकाएबा काचे कि हाए कौन रेला बहुत अलग काममन करिरेला। हाए महापरूर ताक़त ले बहुत भयंकर काममन के करी रेला। तोमी ए जानास, काएकाचे कि तोमी ए काममन के दकलाआचास। मातर तोमी आका ताके क्रूस आने चेगाएदेलास!”

“जिसु मोरी गला मातर महापरू ताके मोरला थानले जीउ करी देला। ए हाए कता के पूरा करी देला जोनटा के गोटोक भविष्यबक्ता लिकी रेला: ‘टुइ निजर पबीत्र लोक के कोबोर आने कुईंके ना दिस। ’ हामी साखी आचू कि महापरू जिसु के आओरी गोटोक हार जीउ करी देला।”

“महापरू बाप एबे जिसु के निजर बुजनी बाटे बोसाए करी ताके इज्जत देला आचे। आओरी जिसु हामर काचे पबीत्र आत्मा के पोटाएला आचे जसन कि हाए किरिया करी रेला कि हाए पोटाएसी। पबीत्र आत्मा आका हाए काम मनके होएके देसी आचे जोनटा के तोमी दकबास आओरी सुनबास।”

“तोमी हाए लोक, जिसु के क्रूस आने चेगाए देलास। मातर सते हिसाबे जाना कि महापरू जिसु के सोबू चीज आने परभू आओरी जिसु महापरू दुनों बनाएला आचे!”

पतरसर सुनबा लोक तार द्वारा बोल्ला कतामन ले भीतर ले हाली जाइरेलाए। ई काचे हाएमन पतरस आओरी चेलामनके पोचारलाए, “ए भाईमन, हामी काए कारले होएसी? ”

पतरस हाएमनके जबाप देला, “तोमी मनले सोबू गोटोक निजर पापमन काचे पचता ताकि महापरू तोमोर पापमन के खेमा करो, आओरी जिसु जिसु महापरूर नाम ले बपतिस्मा धरा। तेबे हाए तोमके बोरर रूप आने पबीत्र आत्मा बी देसी।”

पतरस जोनटा बोल्ला तार उपरे पूरा पूरी 3,000 लोकमन बिस्वास करलाए आओरी जिसुर चेला बनी गलाए। हाएमन बपतिस्मा धरलाए आओरी यारूसलेमर कलिसियार हिस्सा बनी गलाए।

जेबे प्रेरितमन तिके सिख्या देलाए तो बिस्वासीमन सुनते आका रेलाए। हाएमन केबे-केबे मिलबाराए आओरी गोटोक संगे भात खाएबाराए, आओरी हाएमन केबे-केबे गोटोक दूसरा काचे पार्थना करलाए। हाएमन मिसी करी महापरूर स्तुति करलाए आओरी जोन सोबू तिकर लगे रेला हाएमन एक दूसरा संगे बाटा करलाए। नगरार सोबू गोटोक लोक तिकर काचे अच्छा बिचार सोंगाएबाराए। सोबूदिन, अदिक ले अदिक लोक बिसवासी बनते गलाए।